PROC Document pertinent de comité

Si vous avez des questions ou commentaires concernant l'accessibilité à cette publication, veuillez communiquer avec nous à accessible@parl.gc.ca.

Document pertinent de comité

CDC_crest

ᐊᑐᒐᐅᓂᖏᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᑲᑎᒪᓂᖏᓐᓂ ᑲᓇᑕᐅᑉ ᑲᑎᒪᔨᕐᔪᐊᖏᑕ ᑲᑎᒪᔨᐊᓚᖏᓐᓂᓗ

ᐅᓂᑉᑲᖅᓯᒪᓂᖓ ᖃᓄᐃᓕᐅᕈᑕᐅᔪᑦ ᑲᑎᒪᔨᐊᓚᖏᓐᓂ
ᑲᑎᒪᓂᕐᒥ ᐱᓕᕆᐊᖑᔪᓂᓗ ᑲᓇᑕᐅᑉ ᑲᑎᒪᑉᕕᖓᓐᓂ

ᐅᐱᓐᓇᖅᑐᖅ ᓕᐊᕆ ᐸᐊᒡᓂᐅᓪ
ᐃᒃᓯᕙᐅᑕᐅᔪᖅ

ᔪᓐᓂ 2018
42^e ᑲᑎᒪᓂᕐᔪᐊᖓ, 1^re ᑲᑎᒪᒋᐊᕐᓂᖅ

ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏᑦ ᐱᓕᕆᐊᖃᖅᑐᑦ ᑲᓇᑕᐅᑉ ᑲᑎᒪᕕᒡᔪᐊᖓᓐᓂ

ᐃᒃᓯᕙᐅᑕᖅ

ᐅᐱᓐᓇᖅᑐᖅ ᓕᐊᕆ ᐸᐊᒡᓂᐅᓪ

ᐃᒃᓯᕙᐅᑕᐃᑦ ᑐᒡᓕᖏᑦ

ᐳᓕᒃ ᕆᑦᓱᑦᔅ

ᑎᕕᑦ ᑯᕆᔅᑐᕙᓴᓐ

ᑲᑎᒪᔨᐅᔪᑦ

ᑯᕆᔅ ᐱᑦᑐᓪ

ᐊᓐᑎ ᕕᐅᒧᐊᓪ (ᓂᕈᐊᕈᖕᓇᖏᑦᑐᖅ ᑲᑎᒪᔨ, ᒪᓕᒃᖢᑎᒃ ᐱᓕᕆᐊᖑᓂᐊᖅᑐᑦ ᑲᑎᒪᔨᓐᓄᑦ 104(5))

ᑎᕕᑦ ᑎ ᐳᐊᒃ ᒍᕋᒻ

ᑭᕕᓐ ᓚᐊᒪᕈᓪ (ᓂᕈᐊᕈᖕᓇᖏᑦᑐᖅ ᑲᑎᒪᔨ, ᒪᓕᒃᖢᑎᒃ ᐱᓕᕆᐊᖑᓂᐊᖅᑐᑦ ᑲᑎᒪᔨᓐᓄᑦ 104(5))

ᔪᐅᓪ ᓇᐃᑐᓪ

ᔅᑲᐊᑦ ᕆᐃᑦ

ᕈᑉᐱ ᓴᕼᐅᑦᑕ

ᔅᑲᐊᑦ ᓯᒻᔅ

ᕕᓗᒥᓐᓇ ᑕᐊᓯᓪ

ᐊᓯᖏᑦ ᑲᑎᒪᔨᕐᔪᐃᑦ ᐃᓚᐅᖃᑕᐅᔪᑦ

ᓯᐅᕕᐊᓪ ᐳᔅᓴᐃ

ᓇᐃᑕᓐ ᑲᓪᓚᓐ

ᕋᐳᑦ ᖦ ᒧᐊᕆᔅᓯ

ᐅᐱᓐᓇᖅᑐᖅ ᑭ. ᑭᓪᓕ ᓕᐃᑦᔅ

ᒪᐃᑯᓪ ᓕᕝᕕᑦ

ᕋᐊᓐ ᓕᐃᐸᑦ

ᑲᐊᑎ ᒪᒃᓚᐅᑦ

ᐅᐱᓐᓇᖅᑐᖅ ᐃᐊᕆᓐ ᐅ ᑐᐅᓪ

ᕈᒻᒥᐅᓪ ᓴᒐᓐᓂᔅ

ᕋᔾ ᓴᐃᓐᓂ

ᑭᓐᓂᑎ ᔅᑐᐊᑦ

ᐸᑉ ᔨᒻᒪᓪ

ᑎᑎᕋᖅᑎᖓ ᑲᑎᒪᔨᐊᓚᑦ

ᐊᓐᑐᕈ ᓚᐅᓴᐊᓐ

ᐅᖃᓕᒪᕐᕕᖓ ᑲᓇᑕᐅᑉ ᑲᑎᒪᕕᖓᑕ

ᑲᑎᒪᕕᒡᔪᐊᕐᒥ ᑐᓴᖅᑐᓕᕆᔨ ᖃᐅᔨᓴᕐᓂᕐᒧᓪᓗ ᐱᓕᕆᐊᖃᖅᑐᑦ

ᐊᓐᑐᕆ ᐸᐊᓐᔅ, ᖃᐅᔨᓴᖅᑎ

ᒪᐃᑯᓪ ᑭᐃᓇᓐ ᐱᓕᑦᓯᐃ, ᖃᐅᔨᓴᖅᑎ

ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᑲᔪᓯᓂᕐᒧᑦ ᑲᑎᒪᕕᐅᑉᓗ ᐱᓕᕆᐊᖏᓐᓄᑦ

ᐅᐱᒍᓱᒃᖢᑎᒃ ᓴᕿᑎᑦᑎᓂᐊᖅᐳᑦ ᐅᑯᓂᖓ ᑎᑎᕋᖅᓯᒪᔭᕐᒥᖕᓂᒃ

66-ᖓ ᐅᓂᑉᑲᖅᓯᒪᔪᑉ ᑎᑎᖃᐅᑉ

ᒪᓕᒐᕐᒥᒃ ᒪᓕᒃᖢᑎᒃ ᐊᑕᓐᓂ ᐱᔭᕆᐊᓕᑦ ᑲᑎᒪᑉᕕᒡᔪᐊᕐᒥ 108(3)a)(iii), ᑲᑎᒪᔨᐊᓚᑦ ᖃᐅᔨᓴᖅᓯᒪᖕᒪᑕ ᐊᑐᒐᐅᓂᖏᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑲᓇᑕᐅᑉ ᑲᑎᒪᑉᕕᖓᓐᓂ ᐊᖏᖅᓯᒪᕗᓪᓗ ᐅᑯᓂᖓ ᑎᑎᕋᖅᓯᒪᔪᓐᓂᒃ:

ᐊᑐᓕᖁᔭᐅᓯᒪᔪᑦ ᑎᑎᖃᖏᑦ

ᐅᖃᖃᑎᖃᓚᐅᕐᒪᑕ, ᑲᑎᒪᔨᐊᓚᑦ ᐊᑐᓕᖁᔭᐅᔪᓐᓂᒃ ᐊᕿᒃᓯᔪᖕᓇᖅᐳᑦ ᐃᓚᐅᑎᑕᐅᔪᓂᒃ ᐅᓂᑉᑲᖅᓯᒪᔭᖏᓐᓂ ᐃᓱᒪᓕᐅᕈᑕᐅᓂᐊᖅᑐᓐᓂᒃ ᑲᓇᑕᐅᑉ ᑲᑎᒪᔨᕐᔪᐊᖏᓐᓄᑦ ᑲᓇᑕᐅᑉᓗ ᒐᕙᒪᖏᓐᓄᑦ . ᐊᑐᓕᖁᔭᔪᑦ ᑐᕋᖓᑉᓗᑎᒃ ᖃᐅᔨᓴᕐᓂᕐᒧᑦ ᐅᑯᐊᖑᕗᑦ ᐊᑕᓐᓂ.

ᐊᑐᓕᖁᔭᐅᔪᖅ 1

ᓄᓇᖃᖅᖃᓯᒪᔪᑦ ᐅᖃᓯᖓ ᐊᑐᖅᑕᐅᓂᖓᑕ ᐃᓕᑕᕆᔭᐅᓯᒪᖕᒪᑦ ᑲᓇᑕᐅᑉ ᑲᑎᒪᕕᒡᔪᐊᖓᓐᓂ ᑲᔪᓯᔪᓪᓗᐊᓕᖅᖢᓂᓗ ᐅᓂᑉᑲᒻᒥ ᑎᑎᕋᖅᓯᒪᖕᒪᑦ.

ᐊᑐᓕᖁᔭᐅᔪᖅ 2

ᑲᑎᒪᔨᑦ ᐱᕙᓪᓕᐊᔪᓕᕆᓂᕐᒧᑦ ᖃᐅᔨᓴᕐᓗᑎᒃ ᐃᓱᒪᓕᐅᕐᓗᑎᒡᓗ ᑭᓇᐅᔭᑦ ᐊᑐᒐᐅᓂᐊᖅᑐᑦ ᑲᑎᒪᔨᕐᔪᐊᕐᓄᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐱᓕᕆᐊᖃᕐᓂᐊᖅᑐᓐᓂᒃ ᑲᔪᓯᑎᑕᐅᖁᑉᓗᒋᑦ ᑲᑎᒪᕐᕕᒡᔪᐊᕐᒥ ᐊᖏᖅᑕᐅᓯᒪᓗᑎᒃ ᑲᑎᒪᔨᕐᔪᐊᑉ ᒪᓕᒐᖏᓐᓂ.

ᐊᑐᒐᐅᓂᖏᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᑲᑎᒪᓂᖏᓐᓂ ᑲᓇᑕᐅᑉ ᑲᑎᒪᔨᕐᔪᐊᖏᑕ ᑲᑎᒪᔨᐊᓚᖏᓐᓂᓗ

ᐱᒋᐊᕈᑎᖓ

25 ᓯᑉᑕᐸr 2017, ᓱᓇᒥᐊᓄᑦ ᑲᑎᒪᔨᐊᓚᑦ ᑲᔪᓯᑎᑕᐅᓂᕐᒧᑦ ᑲᑎᒪᕕᔪᐊᕐᒧᓪᓗ (le Comité) ᑎᑎᖃᒥᒃ ᑐᓂᔭᐅᓚᐅᕐᒪᑕ ᑲᑎᒪᔨᕐᔪᐃᑦ ᐅᖃᖅᑎᖓᓐᓂᑦ ᐅᖃᐅᓯᓕᖕᒥᒃ 20 ᔪᓐ 2017 ᐃᓱᒪᓕᐅᕐᓂᖓᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᒐᐅᓂᕐᒥᒃ ᑲᓇᑕᐅᑉ ᑲᑎᒪᕕᒡᔪᐊᖓᓐᓂ [1] . ᑎᑎᕋᖅᑕᖓᓐᓂ, ᐅᖃᖅᑎ ᐃᓱᒪᓕᐅᓚᐅᕐᒪᑦ ᑲᑎᒪᔨᐊᓚᑦ ᓇᒻᒪᒃᓴᕐᓂᖅᐸᑕ ᖃᐅᔨᒋᐊᖁᑉᓗᒋᑦ ᑲᑎᒪᔨᐅᔪᑦ ᐱᔪᖕᓇᕐᓂᖓᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᕈᖕᓴᕐᓂᕐᒥᒃ ᑲᑎᒪᕕᒡᔪᐊᕐᒥ ᑲᑎᒪᓕᕋᖓᒻᒥᒃ.

On 2 ᓄᕕᒻᐱᕆ 2017, ᒪᓕᒐᕐᒥᒃ ᒪᓕᒃᖢᑎᒃ ᓱᓇᒥᐊᓄᑦ ᐱᖁᔭᒻᒥ 108(3)a)(vi), ᑲᑎᒪᔨᐊᓚᑦ ᓄᑎᒋᐊᓚᐅᕐᒪᑕ ᖃᐅᔨᓴᕐᓂᐅᑉ ᐃᓗᐊᓐᓂ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᐊᑐᒐᐅᓂᖓᓐᓂᒃ ᑲᑎᒪᕕᐅᑉ ᐃᓗᐊᓐᓂ, ᑲᑎᒪᔨᐊᓚᑦ ᖃᐅᔨᓴᕆᐊᓚᐅᕐᒪᑕ 20 ᒪᐊᑦᔅ 2018. ᑐᑭᓯᓇᓯᑎᐊᖁᑉᓗᒍ, ᐱᔪᑎᖓ ᐊᑐᓕᖁᔭᐅᓯᒪᓂᐅᑉ ᐅᓂᑉᑲᑉ ᐃᓗᐊᓐᓂ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᑐᕋᖓᕗᑦ ᑭᓯᐊᓐᓂ ᐅᖃᐅᓯᕐᓄᑦ ᑲᓇᑕᒻᒥ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓄᑦ.

ᑲᑎᒪᔨᐊᓚᑦ ᒪᓇᕈᐊᖅᐳᑦ ᐃᓚᐅᓚᐅᖅᑐᓐᓂᒃ ᖃᐅᔨᓴᕐᓂᕐᐅᑉ ᐃᓗᐊᓐᓂ.

ᐱᒋᐊᕐᓂᕕᓂᖓ

A. ᓇᐃᓕᒋᐊᖅᓯᒪᔪᖅ ᑲᑎᒪᕕᐅᑉ ᑲᓇᑕᒻᒥ ᐅᖃᖅᑎᖓᑕ ᐱᖁᔭᓕᐊᖓ 20 ᔪᓐ 2017 ᐊᓯᖏᓪᓗ ᑐᕋᖓᔪᑦ ᑕᑉᓱᒧᖓ

Le 4 ᒪᐃ 2017, ᒥᔅᑐ ᕋᐸᑦ ᕕᐅᑲᓐ ᐅᐃᓕᑦ, MP, ᑲᑎᒪᔨᐅᔪᖅ ᕕᓂᐱ ᕿᑎᐊᓄᑦ, ᐅᖃᕆᐊᖃᓚᐅᕐᒪᑦ ᑲᓇᑕᐅᑉ ᑲᑎᒪᕕᖓᓐᓂ ᐊᕿᒃᑕᐅᓯᒪᔪᒻᒥ ᑲᑎᒪᔨᑦ ᐅᖃᕐᕕᒃᓴᖏᓐᓂ.[2] ᒥᔅᑐ ᐅᐃᓕᑦ ᐃᓱᓚᐅᖅᐳᖅ ᐅᖃᐅᓯᕆᔭᒥᓂᒃ ᑐᕋᖓᓂᐊᕐᒪᑦ “ᐃᓱᒪᓗᖕᓇᖅᑐᑦ ᐊᑦᓂᖅᑎᕆᓂᕐᒥᒃ ᓄᓇᖃᖅᖃᖅᓯᒪᔪᑦ ᐊᕐᓇᖏᓐᓂᒃ.”[3] ᐊᒃᑐᐃᑲᓂᕈᒪᑉᓗᓐᓂ ᑐᓴᔪᓐᓂᒃ, ᐃᓱᒪᓕᐅᖅᓯᒪᕗᖅ ᐅᖃᕈᒪᑉᓗᓐᓂ ᐅᓇᓕᑦ ᐅᖃᐅᓯᖓᑦ ᐊᑐᕐᓗᒍ. ᒥᔅᑐ ᐅᐃᓕᑦ ᑎᑎᖃᓐᓂᒃ ᑐᓂᓯᓚᐅᕐᒪᑦ ᒪᓕᒐᓕᐅᕐᕕᐅᑉ ᑐᑭᓕᐅᕆᕕᖓᓐᓄᑦ ᓯᕗᓂᖓᓂ 48 ᐃᑲᕋᑦ ᐅᖃᐅᓯᕆᓂᐊᑕᖓᑕ ᓯᕗᓂᖓᓂ, ᑐᓴᖅᑎᑕᐅᓚᐅᖅᐳᖅ ᑕᑉᑯᐊ ᐱᓕᕆᐊᖃᖅᑐᑦ “ᑐᓂᓯᔪᖕᓇᖏᒪᑕ ᐊᕿᒃᑕᐅᓯᒪᔪᒻᒥᒃ ᓯᕗᓂᖓᓂ ᑐᑭᓕᐅᖅᑕᐅᓂᖓᓐᓂᒃ”[4] ᐅᖃᐅᓯᕆᓂᐊᖅᑕᖓᓐᓄᑦ.

ᐅᑉᓗᒥ ᑕᐃᑉᓱᒪᓂ, ᒥᔅᑐ ᐅᐃᓕᑦ ᓇᖏᖅᓯᑉᓗᓐᓂ ᐅᖃᐅᓯᖃᓚᐅᖅᐳᖅ ᐅᓇᓪᓕᑐᑦ ᐅᖃᖅᖢᓐᓂ. ᑭᓯᐊᓐᓂ, ᐅᖃᖅᐸᓕᐊᔪᓐᓂᒃ ᑲᑉᓗᓇᑐᑦ ᕕᕕᑎᑐᓪᓗ ᐊᑐᐃᓐᓇᐅᓚᐅᖏᒪᑕ ᑐᓴᔪᓄᑦ.

Le 8 ᔪᓐ 2017, ᒥᔅᑐ ᐅᐃᓕᑦ ᓇᖏᖅᓯᑉᓗᓐᓂ ᐅᖃᓕᓚᐅᖅᐳᖅ ᐃᓱᒪᒋᔭᕐᒥᖕᓂᒃ ᐊᔪᖏᑎᑕᐅᓂᖏᑦ ᓯᖁᒥᑕᐅᓚᐅᕐᒪᑕ ᐊᓯᖏᓐᓄᑦ ᑲᑎᒪᔨᐅᔪᓄᑦ ᑲᓇᑕᒥᐅᓄᓪᓗ ᑐᓴᔪᓄᑦ ᑲᑎᒪᔪᓐᓂᒃ, ᐅᖃᖅᑕᓐᓂ ᑐᑭᓯᐊᔭᐅᖏᓚᐅᕐᒪᑕ 4 ᒪᐃ 2018. ᓴᖑᓂᐊᖅᖢᓐᓂ ᐅᖃᖅᑎᑕᖃᖏᓗᐊᕐᓂᖓᓐᓂᒃ ᐅᖃᖅᐸᓕᐊᔪᓐᓂᒃ ᐅᓇᓪᓕᑐᑦ ᖃᑉᓗᓇᑐᑦ ᕕᕕᑎᑐᓪᓗ ᑐᑭᓕᐅᕐᓂᐊᖅᑐᓐᓂᒃ “ᑲᔪᓯᓂᖃᖅᑐᒻᒥᒃ ᓂᐱᖃᖅᑎᑦᓯᖏᒪᑕ”[5] ᐅᖃᕈᒪᔪᒻᒥᒃ. ᐊᐱᕆᑉᓗᓐᓂᓗ ᐅᖃᖅᑎᐅᔪᒻᒥᒃ ᐃᓱᒪᓕᐅᖁᑉᓗᒍ ᐱᔪᖕᓇᕐᓂᕆᔭᖓ ᐊᑐᕈᖕᓇᕐᓂᕐᒥᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑲᓇᑕᐅᑉ ᑲᑎᒪᕕᒡᔪᐊᖓᓐᓂ. ᐊᐱᕆᑲᓂᖅᖢᓐᓂ ᑲᑎᓴᕕᒡᔪᐊᖅ ᐊᑐᐃᓐᓇᐅᑎᑦᓯᓗᓐᓂ ᐃᓚᐅᓂᕆᔭᒥᓄᑦ ᐅᓇᓪᓕᑦ ᐅᖃᐅᓯᖓᓐᓂᒃ ᐊᑐᕈᖕᓇᖁᑉᓗᒍ ᐊᓯᖏᓐᓄᑦ ᑲᑎᒪᔨᐅᖃᑕᐅᔪᓐᓄᑦ ᐅᖃᕐᓂᐊᖅᑎᓪᓗᒍ.

Le 20 ᔪᓐ 2017, ᐅᖃᖅᑎ ᐃᓱᒪᓕᐅᓚᐅᖅᐳᖅ ᑐᖓᕕᖃᖏᒻᒪᑦ ᐊᔪᖏᔪᑎᖓ ᑐᑭᓯᑲᓂᕈᑕᐅᓗᓐᓂ ᓄᑕᐅᓗᐊᖏᑐᓐᓂᒃ ᐅᑉᓗᒥᐅᔪᕐᓗ ᐅᖃᐅᓯᕐᓂᒃ ᐊᑐᒐᐅᕙᒃᑐᓐᓂᒃ ᑲᓇᑕᐅᑉ ᑲᑎᒪᕕᖓᓐᓂ.[6] ᐅᖃᖅᑎ ᐅᔨᕈᓱᓚᐅᖅᐳᖅ ᐃᓕᑕᕆᔭᐅᓯᒪᓂᖓᓐᓂᒃ ᑲᑎᒪᔨᐅᔪᑉ ᐅᖃᕈᖕᓇᕐᓂᕐᒥᒃ ᑲᑎᒪᔨᐅᖃᑕᐅᔪᓄᓪᓗ ᐊᐱᖁᑕᐅᓚᐅᖏᓚᖅ. ᑭᓯᐊᓂᓕ, ᐅᖃᐅᓯᐅᔪᖅ ᐊᔪᖏᓂᕆᔭᐅᕗᖅ ᑲᑎᒪᔨᐅᔪᒧᑦ ᑐᑭᓯᔭᐅᑎᐊᕐᓗᓐᓂ ᐅᖃᖅᑎᓪᓗᒍ ᐊᓯᐊᓂᒃ ᐅᖃᐅᓯᕐᒥᒃ ᐊᑐᕐᓗᓐᓂ ᖃᑉᓗᓇᑐᑦ ᕕᕕᑎᑐᖏᑐᕐᓗ .

ᐅᖃᖅᑎ ᐅᔨᕈᓱᒃᐳᖅ ᒪᓕᒐᒃᓴᖅᑕᖃᖏᒪᑦ ᑲᑎᒪᔨᐅᔪᑦ ᐅᖃᖅᑕᕐᓂᖏᓐᓂᒃ ᐊᓯᐊᓂᒃ ᐅᖃᐅᓯᕐᒥᒃ ᐊᑐᖅᖢᑎᒃ ᑲᑎᒪᔨᑎᓪᓗᒋᑦ. ᑭᓯᐊᓐᓂ, ᐅᖃᖅᑎᑕᖃᓗᐊᖏᓂᖓᓐᓄᑦ ᖃᑉᓗᓇᑐᑦ ᕕᕕᑎᑐᓪᓗ ᐊᓯᐊᓐᓂᒃ ᑲᑎᒪᔨᐅᔪᑦ ᐅᖃᑲᓂᕆᐊᖃᖅᐸᒃᐳᑦ ᖃᑉᓗᓇᑐᑦ ᕕᕕᑎᑐᓪᓗ ᐅᖃᐅᓯᖏᑦ ᑎᑎᕋᒐᐅᓂᐊᕐᒪᑕ ᑲᑎᒪᔨᕐᔪᐃᑦ ᑎᑎᖃᖁᑎᖏᓐᓄᑦ.

ᐅᖃᖅᑎ ᐅᖃᑲᓂᖅᖢᓐᓂ ᒪᓐᓇᐅᔪᖅ ᐊᑐᒐᐅᔪᖅ ᑐᑭᓕᐅᖅᑕᐅᓂᖏᓐᓄᑦ ᐅᖃᐅᓯᑦ ᐊᓯᖏᑕ ᖃᑉᓗᓇᑐᑦ ᕕᕕᑎᑐᓪᓗ “ᑕᑯᔭᐅᓯᒪᖏᑐᓪᓗᐊᖅᐳᖅ ᓇᒻᒪᑎᐊᕐᓂᖓᓐᓂᒃ ᐊᓯᖏᓐᓄᑦ ᑲᑎᒪᔨᐅᔪᓐᓄᑦ.”[7] ᑭᓯᐊᓐᓂ, ᒥᔅᑐ ᐅᐃᓕᑦ ᐊᔪᖅᑎᑕᐅᓂᖓᓂᒃ ᐅᖃᕐᓂᕐᒥᒃ ᓇᓂᓯᓚᐅᖏᓚᖅ.

Le 25 ᓯᑉᑕᒻᐸ 2017, ᐅᖃᖅᑎ ᑎᑎᕋᓚᐅᖅᐳᖅ ᑲᑎᒪᔨᐅᓚᓄᑦ ᐃᓱᒪᑉᓗᓐᓂ ᖃᐅᔨᓴᕐᓂᐊᕐᒪᖑ ᑲᑎᒪᔨᑦ ᐊᑐᑕᕐᓂᖓᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑲᑎᒪᑉᕕᖕᒥ.

B. ᐅᖃᐅᓯᑦ ᐊᑐᖅᑕᐅᓂᖏᑦ ᑲᓇᑕᐅᑉ ᑲᑎᒪᕕᒡᔪᐊᖓᓐᓂ: ᒪᓕᒐᖅᑎᒍᑦ ᐊᕿᒃᓱᖅᑕᐅᓯᒪᓂᖓ

i. ᑐᑭᓕᐅᖅᑕᐅᓂᖏᑦ ᐅᖃᖅᐸᓕᐊᔪᑦ ᑲᑉᓗᓇᑐᑦ ᕕᕕᑎᑐᓪᓗ ᑲᓇᑕᐅᑉ ᑲᑎᒪᕕᖓᓐᓂ: ᒪᓕᒐᕐᔪᐊᖅᑎᒍᑦ ᒥᐊᓂᕆᔭᐅᓂᖓ

ᑲᑎᒪᔨᐅᔪᑦ ᐊᔪᖏᓂᖏᑦ ᐅᖃᖅᑕᕐᓂᕐᒥᒃ ᖃᑉᓗᓇᑐᑦ ᕕᕕᑎᑐᓪᓗ ᐊᖏᖅᑕᐅᓯᒪᕗᖅ ᐊᕕᒃᓯᒪᓂᖓᓂ 133 ᑲᓇᑕᐅᑉ ᒪᓕᒐᕐᔪᐊᖓᓐᓂ, 1867, ᐅᖃᖅᓯᒪᖕᒪᑦ ᓇᓕᐊᒥᐊᖅ ᐅᖃᐅᓯᒃ ᐊᑐᒐᐅᔪᖕᓇᖅᐳᒃ ᑲᑎᒪᕕᒡᔪᐊᕐᒥ ᑎᑎᕋᖅᓯᒪᔪᓂᓗᓐᓂᑦ ᑐᓴᒐᒃᓴᓐᓂ. ᐊᓯᖏᑕᐅᖅ ᐅᖃᐅᓯᑦ ᒥᐊᓂᕆᔭᐅᒋᕗᑦ ᐃᓗᐊᓐᓂ ᑲᓇᑕᐅᑉ ᐊᔪᖏᓂᖏᑦ ᐃᓱᒪᖅᓱᕈᖕᓇᕐᓂᖏᓪᓗ (la Charte), ᐊᕕᒃᓯᒪᓂᖓᓂ 16 ᐅᕗᖓ 19 ᐊᔪᖏᑎᑦᓯᕗᖅ ᐊᔨᒋᒃᑎᑕᐅᑉᓗᑎᒃ ᐅᖃᐅᓯᒃ ᑲᓇᑕᐅᑉ ᑲᑎᒪᕕᒡᔪᐊᖓᓐᓂ. ᑕᑉᑯᐊᒃ ᐊᕕᒃᓯᒪᓂᖏ ᑎᑎᕋᖅᓯᒪᕗᑦ ᑕᒪᕐᒥᒃ ᐊᖏᕈᑎᑦ, ᑎᑎᕋᖅᑕᐅᓯᒪᔪᑦ ᑐᓴᕈᑎᓄᑦ ᒪᓕᒐᖑᖅᑎᑕᐅᓯᒪᔪᑦ ᐅᖃᐅᓯᖕᓄᑦ ᑕᒪᐃᓐᓄᑦ ᑎᑎᕋᖅᑕᐅᓂᐊᖅᐳᑦ.[8]

ᓇᓕᐊᖕᓂᒥᐊᖅ ᐊᑐᕈᖕᓇᕐᓂᖅ ᖃᑉᓗᓇᑐᑦ ᕕᕕᑎᑐᓪᓗ ᑲᑎᒪᕕᐅᑉ ᐃᓗᐊᓐᓂ ᑐᑭᓯᔭᐅᑎᐊᕐᓗᓐᓂ ᐅᖃᖅᑎᖃᕐᓗᑎᒃ ᑐᑭᓕᐅᖅᑎᑕᖃᕐᓗᓐᓂᓗ ᑭᓯᐊᓐᓂᐅᕗᖅ. ᑐᑭᓕᐅᖅᐸᓕᐊᓂᖅ ᐅᖃᖅᑐᖅ ᒪᓕᒡᓗᒍ ᐱᒋᐊᖅᑎᑕᐅᓚᐅᖅᓯᒪᕗᖅ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ ᔭᓄᐊᕆ 1959, ᐊᔪᖏᑎᑦᓯᑉᓗᓂᓗ ᑲᑎᒪᔨᐅᔪᓐᓂᒃ ᐅᖃᕈᖕᓇᕐᓂᕐᒥᒃ ᑎᑎᕋᕈᖕᓇᕐᓂᕐᒥᒡᓗ ᓇᓕᐊᖕᓂᒥᐊᖅ ᐅᖃᐅᓯᒃ ᐊᑐᕐᓗᑎᒃ ᖃᑉᓗᓇᑐᑦ ᕕᕕᑎᑐᓪᓗᓐᓂ.[9]

ᐊᑐᖅᑕᐅᓂᖓ ᒥᐊᓂᕆᔭᐅᕗᖅ ᑲᓇᑕᐅᑉ ᒪᓕᒐᕐᔪᐊᖏᓐᓄᑦ. ᐅᖃᐅᓯᑦ ᒪᓕᒐᕐᔪᐊᖓᑦ (OLA) ᑎᑎᕋᖅᓯᒪᕗᖅ ᖃᑉᓗᓇᑐᑦ ᕕᕕᑎᑐᓪᓗ ᐊᑐᒐᐅᔭᕆᐊᖃᖅᐳᒃ ᑲᑎᒪᕕᐅᑉ ᐃᓗᐊᓐᓂ, ᑕᒪᕐᒥᒡᓗ ᐊᑐᒐᐅᓂᖏᒃ ᒥᐊᓂᕆᔭᐅᖕᒪᓂᒃ ᑲᑎᒪᓂᐅᑉ ᑲᔪᓯᓂᖓᓐᓂ. ᐃᓚᖓ I ᐅᖃᐅᓯᑦ ᒪᓕᒐᕐᔪᐊᖓᑕ ᐊᖏᖅᓯᒪᕗᖅ ᐊᑐᕈᖕᓇᕐᓂᕐᒥᒃ ᐅᖃᖅᑐᑦ ᒪᓕᒐᐅᕐᓗᑎᒃ ᑐᑭᓕᐅᖅᑎᒧᑦ ᑲᑎᒪᔪᑕᐅᔪᓐᓂ ᐊᓯᖏᓐᓂᓗ ᐅᖃᐅᓯᕐᓂ ᑲᑎᒪᕕᐅᑉ ᐃᓗᐊᓐᓂ.[10]

ii. ᑐᑭᓕᐅᕆᓂᖅ ᐅᖃᖅᑐᖅ ᒪᓕᒡᓗᒍ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ: ᒪᓕᒐᕐᔪᐊᕐᒥ ᐃᓱᒪᒋᔭᐅᓯᒪᓂᖓᑦ

ᑲᑎᒪᔨᐊᓚᑦ ᑐᓴᓚᐅᕐᒪᑕ ᐅᖃᖅᑐᓐᓂᒃ ᐊᕕᒃᑐᖅᓯᒪᓂᖏᓐᓂᒃ ᑲᓇᑕᐅᑉ ᒪᓕᒐᕐᔪᐊᖓᓐᓂ, ᐃᓚᐅᑉᓗᓐᓂ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᑕ ᐊᔪᖏᑎᑕᐅᓂᖓ ᐃᓱᒪᒋᔭᕐᒥᖕᓂᒃ ᐅᖃᕈᖕᓇᕐᓂᖅ, ᐃᑲᔪᖅᑐᒐᐅᓂᖏᑕᓗ ᐊᑐᕈᖕᓇᕐᓂᖓᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑐᑭᓕᐅᖅᑕᐅᓯᒪᑎᐊᕐᓗᓐᓂ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ.

ᐊᕕᒃᓯᒪᓂᖓ 35 ᒪᓕᒐᕐᔪᐊᑉ ᐃᓗᐊᓐᓂ ᐃᓕᑕᖅᓯᓯᒪᕗᖅ ᓄᓇᖃᖅᖃᖅᓯᒪᔪᑦ ᐊᔪᖏᓂᖏᓐᓂᒃ ᑲᓇᑕᐅᑉ ᐃᓗᐊᓐᓂ.

ᐊᕕᒃᓯᒪᓂᖓ 2(b) ᒪᓕᒐᕐᔪᐊᑉ ᐃᓗᐊᓐᓂ ᒥᐊᓂᖅᓯᕗᖅ ᐃᓱᒪᒋᔭᕐᒥ ᐅᖃᕈᖕᓇᕐᓂᕐᒥᒃ: ᐅᒃᐱᕆᔭᖃᕐᓂᖅ, ᑕᑯᑎᑦᓯᔪᖕᓴᕐᓂᖅ ᐊᒻᒪ ᐊᓯᒥᓂᒃ ᖃᐅᔨᑎᑦᓯᓂᕐᒥᒃ. ᑲᑎᒪᔨᐊᓚᑦ ᑐᓴᓚᐅᕐᒪᑕ ᐊᔪᖏᑎᑕᐅᓂᖏᓐᓂᒃ ᐃᓱᒪᒋᔭᕐᒥ ᐅᖃᕈᖕᓴᕐᓂᕐᒥᒃ ᐃᓚᐅᑎᑕᐅᑉᓗᓐᓂ ᐊᑐᕈᖕᓇᕐᓂᖓᑦ ᓇᓕᐊᖕᓂᒥᐊᖅ ᐅᖃᐅᓯᑦ ᐊᑐᕈᒪᔭᖓᑕ:

"ᐃᓱᒪᒋᔭᕐᒥ ᑕᑯᑎᑦᓯᔪᖕᓇᕐᓂᖅ" ᐊᖏᖅᑕᐅᓯᒪᕗᖅ ᐊᕕᒃᓯᒪᓂᖓᓂ 2b) ᑲᓇᑕᐅᑉ ᒪᓕᒐᕐᔪᐊᖓᓂ ᐊᒻᒪ ᐊᕕᒃᓯᒪᓂᖓᓂ 3 ᑯᐃᐱᒃ ᒪᓕᒐᕐᔪᐊᖓᓐᓂ ᐃᓚᐅᑎᑕᐅᑉᓗᓐᓂ ᐃᓱᒪᒋᔭᕐᒥ ᐊᖃᕈᖕᓇᕐᓂᖅ ᓇᓕᐊᒥᐊᖅ ᐅᖃᐅᓯᑦ ᐊᑐᕐᓗᒋᑦ. ᐅᖃᐅᓯᖅ ᑐᕋᖓᖕᒪᑦ ᐊᕿᒃᑕᐅᓯᒪᓂᖓᓄᑦ ᐃᓗᓕᖏᓐᓄᓪᓗ ᐃᓱᒪᔪᑕᐅᔪᑦ ᐃᓱᒪᖅᓱᕐᓇᖏᓂᖓᓄᑦ ᐅᖃᐅᓯᕐᒥᒃ ᐊᑐᕐᓂᕐᒥᒃ ᐊᔪᖅᑎᑕᐅᔪᖃᖅᐸᑦ ᐃᓱᒪᒥᓂᒃ ᐊᑐᕈᒪᒐᓗᐊᕐᓗᓐᓂ. ᐅᖃᐅᓯᖅ ᐃᓱᒪᑐᐃᓐᓇᐅᖏᒻᒪᑦ; ᑕᐅᑦᑐᖃᖅᑎᑦᓯᓂᖅ ᐊᒻᒪ ᐃᓄᖕ ᐃᓱᒪᒋᔭᖓᓐᓂᒃ ᑐᑭᓯᑦᑎᑎᓂᖅ. ᐃᓄᒃ ᐃᓕᖁᓯᕆᔭᕐᒥᓂᒃ ᐅᖃᐅᓯᒃᑯᑦ ᑕᑯᑎᑦᓯᔪᖕᓇᕐᒪᑦ ᐃᓕᑕᕆᔭᐅᓗᓂᓗ. ᐃᓄᓯᕐᒥᓂᒡᓗ ᐅᖃᐅᓯᑯᑦ ᑕᑯᑎᑦᓯᔪᖕᓇᕐᓗᓐᓂ ᑭᓇᐅᓂᕐᒥᓂᒃ ᐃᓄᑐᒐᓗᐊᕈᒻᒥ. ᐃᓕᑕᕆᔭᐅᓂᖓ "ᐃᓱᒪᒋᔭᕐᒥᓂᒃ ᑕᑯᑎᑦᓯᔪᖕᓇᕐᓂᖅ" ᐃᓗᓕᖃᖅᐳᖅ ᑕᑯᑎᑦᓯᔪᖕᓇᕐᓂᕐᒥᒃ ᐅᖃᐅᓯᕐᒥᓂᒃ ᐊᓯᖏᓐᓂᒃ ᐅᖃᐅᓯᕐᓂᒃ ᓴᓚᒃᓴᕐᓂᓗᖏᓗᓐᓂ ᐅᖃᐅᓯᖅ ᐊᔪᖏᔪᑎᒋᔭᐅᔪᖕᓇᕐᒪᑦ ᐃᓗᐊᓐᓂ ᐊᕕᒃᓯᒪᓂᖓ 133 ᑲᓇᑕᐅᑉ ᐱᖁᔭᕐᔪᐊᖓᓐᓂ, 1867 ᐊᒻᒪ ᐊᕕᒃᓯᒪᓂᖓ 16 ᑎᑭᓗᒍ 23 ᑲᓇᑕᐅᑉ ᐊᔪᖏᔪᑎᖏᓐᓂ.[11]

ᑲᑎᒪᔨᐊᓚᑦ ᑐᓴᓚᐅᕐᒪᑕ ᓄᓇᖃᖅᖃᖅᓯᒪᔪᑦ ᐱᔪᖕᓇᐅᑎᖏᓐᓂᒃ ᐊᒻᒪᓗ ᐅᐅᖃᓯᕐᒥᑎᒍᑦ ᐱᔪᖕᓇᕐᓂᕆᔭᐅᔪᓐᓂᒃ ᓄᖑᑎᑦᑕᐅᓚᐅᖅᓯᒪᖏᒪᑕ ᓯᕗᓂᖓᓂ ᐊᑐᖅᑕᐅᑉᓗᑎᒃ ᑲᓇᑕᐅᑉ ᐱᖁᔭᕐᔪᐊᖓᑕ.[12] ᐊᕕᒃᓯᒪᓂᖓ 22 ᑲᓇᑕᐅᑉ ᐱᖁᔭᕐᔪᐊᖓ ᐅᖃᖅᓯᒪᖕᒪᑦ:[13]

ᐃᓗᐊᓂᓯᐅᖅᑐᑦ ᐊᕕᒃᓯᒪᓂᖓᓂ 16 ᐅᕗᖓ 20 [ᑐᑭᓕᐅᖅᓯᒪᔪᖅ ᒥᐊᓂᖅᓯᑉᓗᓂᓗ ᑲᓇᑕᐅᑉ ᐅᖃᐅᓯᖏᓐᓂᒃ ᐃᓕᑕᕆᔭᐅᓯᒪᔪᓐᓂᒃ] ᓄᖃᖅᑎᑦᓯᓗᓐᓂ ᐅᕙᓗᓐᓂᑦ ᓇᒻᒪᒍᖕᓇᐃᖅᑎᑦᓯᓗᓂᓗᓂᑦ ᒪᓕᒐᓕᕆᓂᕐᒥᒃ ᐊᔪᖏᔪᑎᓂᒡᓗ ᑐᓂᔭᐅᓯᒪᔪᓐᓂᒃ ᖁᕕᐊᖏᔭᐅᔪᒪᒧᑦ ᓯᕗᓂᖓᓂ ᐊᑐᓕᖅᑎᑕᐅᓗᓂᓗᓐᓂᑦ ᑲᓇᑕᐅᑉ ᒪᓕᒐᕐᔪᐊᖏᓐᓂ ᑐᕋᖓᔪᓂᒃ ᐅᖃᐅᓯᕐᓄᑦ ᖃᑉᓗᓇᑐᖏᑐᖅ ᕕᕕᑎᑐᖏᑐᕐᓗ.

ᐊᕕᒃᓯᒪᓂᖓ 25 ᑲᓇᑕᐅᑉ ᐱᖁᔭᖕᔪᐊᖏᓐᓂ ᐅᖃᖅᓯᒪᕗᖅ ᓄᓇᖃᖅᖃᖅᓯᒪᔪᑦ ᐱᔪᖕᓇᐅᑎᖏᑦ ᐊᒃᑐᒐᐅᖏᓚᑦ ᑲᓇᑕᐅᑉ ᐱᖁᔭᕐᔪᐊᖏᓐᓄᑦ:[14]

ᐊᔪᖏᑎᑕᐅᓂᖓ ᑲᓇᑕᐅᑉ ᐱᖁᔭᕐᔪᐊᖓᓐᓂ ᐱᔪᖕᓇᕐᓂᐅᔪᓐᓂᒃ ᐃᓱᒪᖅᓱᕈᖕᓇᕐᓂᕐᒥᒡᓗ ᓄᖃᖅᑎᑦᓯᖏᓚᑦ ᐊᑐᑲᓂᖅᑎᑦᓯᖏᓚᓪᓗ ᓄᓇᖃᖅᖃᖅᓯᒪᔪᓐᓄᑦ ᐊᖏᕈᑕᐅᓯᒪᔪᓄᑦ ᐊᓯᖏᓐᓄᓪᓗ ᐱᔪᖕᓇᕐᓂᕆᔭᐅᔪᓄᑦ ᑐᕋᖓᔪᑦ ᓄᓇᖃᖅᖃᖅᓯᒪᔪᓄᑦ ᑲᓇᑕᒻᒥ ᐅᑯᐊ ᐃᓚᐅᖃᑕᐅᑉᓗᑎᒃ

a) ᐱᔪᓪᓗᐊᕐᓂᐅᔪᑦ ᐊᔪᖏᑎᑕᐅᓂᓪᓗ ᐃᓕᑕᕆᔭᐅᓯᒪᕗᑦ ᑯᐃᓐ ᐊᑎᓕᐅᕐᓂᑯᖓᓂ ᐊᖏᕈᒻᒥ ᐊᒃᑐᐸ 7, 1763; ᐊᒻᒪ

b) ᐱᔪᓪᓗᐊᕐᓂᐅᔪᑦ ᐊᔪᖏᑎᑕᐅᓂᓪᓗ ᐅᑉᓗᒥ ᐊᑐᖅᑐᑦ ᓄᓇᑕᕐᓂᕐᒧᑦ ᐃᓕᑕᕆᔭᐅᓯᒪᒋᕗᑦᑕᐅᖅ.

ᑲᑎᒪᔨᐊᓚᑦ ᑐᓴᓚᐅᖅᐳᑦ ᕕᕕᑎᑐᑦ ᖃᑉᓗᓇᑐᓪᓗ ᐅᖃᐅᓯᒃ ᐊᔪᖅᑎᑦᓯᔭᕆᐊᖃᖏᓚᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐅᖃᕐᓂᕐᒥᒃ ᑲᑎᒪᕕᒡᔪᐊᕐᒥ.[15] ᐅᖃᓕᒪᒐᐅᑉᓗᑎᒃ ᑕᒪᕐᒥᒃ, ᑲᓇᑕᐅᑉ ᒪᓕᒐᕐᔪᐊᖓ ᐃᓗᓕᖃᕐᒪᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᑦ ᓯᕗᓪᓕᐅᖏᑲᓗᐊᖅᖢᓐᓂ ᐃᓂᖃᖅᑎᑕᐅᕗᖅᑕᐅᖅ ᐃᓕᑕᕆᔭᐅᓯᒪᑉᓗᓐᓂ.[16] ᑲᑎᒪᔨᐊ ᐊᖏᖅᓯᒪᖓᒪ ᐊᔪᖏᑎᑦᓯᓂᕐᒥᒃ ᑐᑭᓕᐅᖅᑕᐅᓂᖏᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ ᐅᔨᕆᔭᐅᓂᖃᕐᒪᑦ, ᐊᔪᖏᑎᑦᓯᖏᒪᑕᓗ ᐱᑕᖃᓕᕐᓂᕐᒥᒃ ᐱᖓᔪᐊᖕᓂᒃ ᐅᖃᐅᓯᕐᒥᒃ ᐊᑐᓕᖅᑎᑦᑎᓂᕐᒥᒃ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ.[17]

ᑲᑎᒪᔨᐊᓚᑦ ᑐᓴᑲᓂᓚᐅᕆᕗᑦ ᐅᑯᓂᖓ ᐃᑲᔪᖅᑐᐃᔪᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᒐᐅᔪᖕᓇᕐᓂᕐᒥᒃ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ. ᑎᑎᕋᖅᓯᒪᓂᖓ 13(2) ᓯᓚᕐᔪᐊᕐᒥ ᑲᑎᒪᔨᕐᔪᐃᑦ ᐊᖏᕈᑎᖓᓐᓂᒃ ᓄᓇᖃᖅᖃᖅᓯᒪᔪᑦ ᐱᔪᖕᓇᐅᑎᖓᓐᓂᒃ (DNUDPA) ᑎᑎᕋᖅᓯᒪᕗᖅ “ᖃᐅᔨᓴᕆᐊᖃᖅᐳᑦ ᐅᔨᖅᑐᒐᐅᓗᑎᒡᓗ … ᓄᓇᖃᖅᖃᖅᓯᒪᔪᑦ ᑐᑭᓯᐊᖕᒪᑕ ᑐᑭᓯᔭᐅᔪᖕᓇᖅᖢᑎᒡᓗ ᒪᓕᒐᓕᐅᖅᑎᓄᑦ ᑎᑎᕋᖅᓯᒪᔭᖏᓐᓂᒃ ᑐᑭᓕᐅᖅᑕᐅᓯᒪᑎᐊᖅᐸᑕ ᐊᓯᖏᓐᓄᑦ ᑐᑭᓯᐊᑎᐊᖅᑐᓐᓄᑦ.”[18]ᓄᕕᒻᐱᕆ 2010, ᑲᓇᑕ ᑎᑎᖃᒻᒥᒃ ᓴᕿᑎᓚᐅᖅᐳᖅ ᐃᑲᔪᖅᑐᐃᔪᒻᒥᒃ ᓯᓚᕐᔪᐊᕐᒥ ᑲᑎᒪᔨᕐᔪᐃᑦ ᐊᖏᕈᑎᖓᓐᓂᒃ ᓄᓇᖃᖅᖃᖅᓯᒪᔪᑦ ᐱᔪᖕᓇᐅᑎᖓᓐᓂᒃ (DNUDPA)[19] ᐊᒻᒪᓗ ᒪᐃ 2016, ᓄᓇᖃᖅᖃᖅᓯᒪᔪᑦ ᐅᑭᐅᖅᑕᖅᑐᒥᐅᓪᓗ ᒥᓂᔅᑕᖓᑦ ᑐᓴᖅᑎᑦᓯᑉᓗᓐᓂ “ᑲᓇᑕ ᐃᑲᔪᖅᑐᐃᔨᐅᓕᖅᐳᖅ ᐊᔪᖏᓂᓗᒃᑕᒻᒥᓂᒃ ᐊᖏᕈᑕᐅᓯᒪᔪᒻᒥᒃ.”[20]

ᖃᓄᐃᓕᒋᐊᖁᔭᐅᔪᖅ 13 ᒥᒃᓴᖃᖅᑐᖅ ᑭᒡᓕᓯᓂᐊᖅᑎᓪᓗ ᑲᒥᓴᖓᑕ ᑭᖑᓪᓕᖅ ᐅᓂᑉᑲᖓ ᑐᑭᓯᑎᑦᑎᓂᓗᖕᓂᖅ ᓄᓇᖃᖅᖃᖅᓯᒪᔪᑦ ᐱᔪᖕᓇᕐᓂᖓᓐᓂᒃ ᐅᖃᐅᓯᖏᑕ.[21] ᑎᓯᒻᐱᕆ 2015, ᑲᓇᑕᐅᑉ ᒐᕙᒪᖏᑦ ᐊᖏᓚᐅᕐᒪᑕ ᐅᓂᑲᑉᒥᑦ ᐅᖃᖅᖢᑎᒡᓗ ᐃᑲᔪᖅᑐᐃᓂᐊᕐᒪᑕ ᑕᒪᐃᓐᓂᒃ ᖃᓄᐃᓕᐅᒋᐊᕈᑎᓐᓂᑦ ᐃᓗᐊᓂᓯᐅᖅᑐᓐᓂᒃ ᐅᓂᑉᑲᑉ.[22] ᒪᐃ 2018, ᑲᓇᑕᐅᑉ ᑲᑎᒪᕕᔪᐊᖓ ᐱᖓᔪᐊᖕᓂᒃ ᐊᖏᓚᐅᖅᐳᑦ ᖃᖏᖅᓯᖢᑎᒡᓗ ᒪᓕᒐᕐᔪᐊᕐᒥᒃ C-262, ᓯᓚᕐᔪᐊᕐᒥ ᑲᑎᒪᔨᕐᔪᐃᑦ ᐊᖏᕈᑎᖓᓐᓂᒃ ᓄᓇᖃᖅᖃᖅᓯᒪᔪᑦ ᐱᔪᖕᓇᐅᑎᖓᓐᓂᒃ ᐱᖁᔭᒻᒥᒃ. ᑕᒻᓇ ᒪᓕᒐᕐᔪᐊᖅ ᐱᖁᔨᓯᒪᖕᒪᑦ ᑲᓇᑕᐅᑉ ᒐᕙᒪᖏᓐᓂᒃ ᖃᓄᐃᓕᐅᖁᔨᑉᓗᑎᒃ ᒪᓕᒐᐅᓂᐊᖅᑐᖅ ᑲᓇᑕᒻᒥ ᐊᔨᒋᓕᖅᑎᑕᐅᓯᒪᓗᓐᓂ ᓯᓚᕐᔪᐊᕐᒥ ᑲᑎᒪᔨᕐᔪᐃᑦ ᐊᖏᕈᑎᖓᓐᓂᒃ ᓄᓇᖃᖅᖃᖅᓯᒪᔪᑦ ᐱᔪᖕᓇᐅᑎᖓᓐᓂᒃ (DNUDPA).

C. ᑲᑎᒪᓂᕐᒥ ᑲᔪᓯᑎᑕᐅᓂᖓᓂᒡᓗ ᑲᑎᒪᓂᐅᑉ ᐅᖃᕈᖕᓇᖅᑎᑕᐅᓂᖏᓐᓂᒃ ᐊᓯᐊᓂᒃ ᐅᖃᐅᓯᕐᒥᒃ ᐊᑐᕐᓗᓐᓂ ᖃᑉᓗᓇᑐᑦ ᕕᕕᑎᑐᓪᓗ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ

ᐊᒥᓱᓗᐊᖏᑐᓐᓂᒃ ᐱᑕᖃᕐᒪᑦ ᖃᓄᐃᓕᐅᕈᑕᐅᔪᑦ ᐱᖁᔭᖏᓐᓂ ᑲᑎᒪᕕᒡᔪᐊᕐᒥ ᐅᖃᐅᓯᑦ ᐊᑐᒐᐅᔪᖕᓇᕐᓂᖏᓐᓂᒃ ᑲᑎᒪᕐᔪᐊᕐᕕᖕᒥ ᑲᑎᒪᔨᐊᓚᓐᓂᓗ . ᐅᑯᐊᖑᑉᓗᑎᒃ:

ᐅᖃᖅᑎᐅᑉ ᑐᖏᓕᖓ ᐃᒃᓯᕙᐅᑕᐃᓪᓗ ᑲᑎᒪᔨᐊᓚᑦ ᑐᑭᓯᐅᒪᑎᐊᕆᐊᖃᖅᐳᑦ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ ᐊᑐᒐᐅᓱᖅᑐᓐᓂᒃ ᐅᖃᐅᓯᕐᓂᒃ ᑭᓯᐊᓂᐅᖏᑐᖅ ᐅᖃᖅᑎᐅᑉ ᐅᖃᐅᓯᖏᓐᓂᒃ (ᖃᓄᑐᐃᓐᓇᓕᒪᓄᑦ ᐱᖁᔭᐅᓯᒪᔪᖅ 7(2));
ᑎᑎᖃᑦ ᐊᑐᐃᓐᓇᐅᑎᑕᐅᔪᑦ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ ᐅᖃᐅᓯᖕᓂᒃ ᑎᑎᕋᖅᓯᒪᔭᕆᐊᖃᖅᐳᑦ ᖃᑉᓗᓇᑐᑦ ᕕᕕᑎᑐᓪᓗ (ᖃᓄᑐᐃᓐᓇᓕᒪᓄᑦ ᐱᖁᔭᐅᓯᒪᔪᖅ 32(4)); ᐊᒻᒪᓗ
ᓄᑕᐅᓐᓂᑯᑦ ᑐᒡᓕᐊᓂᒃ ᐅᖃᓕᒪᖅᑕᐅᔭ.ᕆᐊᖃᖅᐳᑦ ᖃᑉᓗᓇᑐᑦ ᕕᕕᑎᑐᓪᓗᓐᓂᑦ (ᖃᓄᑐᐃᓐᓇᓕᒪᓄᑦ ᐱᖁᔭᐅᓯᒪᔪᖅ 65).

ᐊᒪᓗᑲᓂᖅ, ᑎᑎᖃᑎᒍᑦ ᐊᑎᓕᐅᖅᑎᑦᓯᑕᕐᓂᖅ ᐊᖏᖅᑕᐅᓯᒪᕗᖅ ᐊᓯᐊᓂᒃ ᐅᖃᐅᓯᕐᒥᒃ ᑎᑎᕋᒐᐅᓯᒪᒃᐸᑦ ᐊᒻᒪ ᒪᕈᖕᓂᒃ ᐅᖃᐅᓯᖕᓂᒃ ᐃᓕᑕᕆᔭᐅᓯᒪᔪᖕᓂᒃ ᑎᑎᕋᒐᐅᓯᒪᑲᓂᕐᓗᓐᓂ.[23]

ᑭᓯᐊᓐᓂ, ᖃᓄᑐᐃᓐᓇᓕᕆᓂᕐᒧᑦ ᐱᖁᔭᖑᖅᑎᑕᐅᓯᒪᔪᖅ ᓂᐱᖃᓗᐊᖏᑐᑦ ᐊᑐᒐᐅᓂᖏᓐᓄᑦ ᐅᖃᐅᓯᑦ ᐊᓯᖏᓐᓂᒃ ᖃᑉᓗᓇᑐᑦ ᕕᕕᑎᑐᓪᓗ ᑲᑎᒪᓂᐅᑉ ᐃᓗᐊᓐᓂ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ. ᖃᖓᑐᐃᓐᓇᖅ, ᐊᑐᒐᐅᓂᖓᑕ ᑲᑎᒪᔨᑦ ᑕᑭᓗᐊᖏᑐᒻᒥᒃ ᐅᖃᖅᑎᑕᐅᔪᓪᓗᐊᖅᐳᑦ ᐊᓯᐊᓂᒃ ᐅᖃᐅᓯᕐᒥᒃ ᖃᑉᓗᓇᑐᑦ ᕕᕕᑎᑐᓪᓗᓐᓂᑦ ᐊᑐᕈᒪᓐᓂᕈᒥᒃ ᐊᔪᕈᑎᑕᖃᕋᔭᕐᒪᑦ ᐅᖃᐅᓯᖅ ᐅᖃᐅᑕᐅᓕᖅᐸᑦ ᑎᑎᕋᖅᑕᐅᓯᒪᓗᓂᓗ ᒪᓕᒐᓕᐅᕐᕕᐅᑉ ᐃᓗᐊᓐᓂ.[24]

15 ᔭᓄᐊᕆ 1959, ᐅᖃᖅᐸᓕᐊᔪᒻᒥᒃ ᒪᓕᒃᖢᑎᒃ ᑐᑭᓕᐅᕆᓂᖅ ᐱᒋᐊᓚᐅᖅᐳᖅ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ ᐊᖏᖅᑕᐅᒐᓂᖕᒪᑦ ᐃᓱᒪᒋᔭᐅᓯᒪᔪᖅ ᐊᕋᒍᒻᒥ 1958. ᐃᓱᒪᒋᑲᓂᕐᓗᒍ, ᐱᒋᐊᖅᖢᓐᓂ 1867 ᐅᕗᖓ 1959, ᐊᕋᒐᓐᓂᒃ ᐊᑐᒐᐅᓚᐅᖅᑐᖅ 92 ᐊᕋᒍᓐᓂᒃ, ᐊᑕᐅᓯᕐᒥᒃ ᐅᖃᕈᖕᓇᖅᑐᑦ ᑲᑎᒪᔨᑦ ᑐᑭᓯᐊᔪᖕᓇᓚᐅᖏᓚᑦ ᐅᖃᐅᓯᕆᔭᐅᔪᓐᓂᒃ ᐊᓯᖏᓐᓄᑦ ᒪᓕᒐᓕᐅᖅᑎᓄᑦ ᐊᒻᒪ ᑲᑎᒪᔨᐅᓚᑦ ᐅᖃᐅᓯᖓᑦ ᑐᑭᓯᔭᐅᔪᓇᓚᐅᖏᓚᖅ ᐊᑕᐅᓯᕐᒥᒃ ᐅᖃᐅᓯᖃᖅᑐᓄᑦ ᑲᑎᒪᔨᐅᔪᓄᑦ. ᑲᑎᒪᔨᐊᓚᓄᑦ ᐃᓚᐅᔪᑦ ᑐᑭᓯᓚᐅᕐᒪᑕ ᑲᑎᒪᔨᐅᔪᓗᒃᑕᑦ ᐃᖏᕋᔪᖕᓇᕐᒪᑕ ᑭᓯᐊᓐᓂ ᑐᑭᓯᐊᑎᐊᕈᒻᒥᒃ ᐅᖃᐅᓯᐅᔪᓐᓂᒃ ᑲᑎᒪᕕᐅᑉ ᐃᓗᐊᓐᓂ ᐊᓯᐊᓂᒃ ᐅᖃᐅᓯᕐᓂᒃ ᐊᑐᕐᖢᑎᒃ ᖃᑉᓗᓇᑐᑦ ᕕᕕᑎᑐᓪᓗᓐᓂᑦ.

ᐃᓱᒪᓕᐅᕐᓂᖓᓐᓂ ᔪᓐ 2017 ᐅᖃᖅᑎᐅᔪᖅ ᑲᑎᒪᕕᐅᑉ ᐃᓗᐊᓐᓂ ᐅᔨᕈᓱᓚᐅᕐᒪᑦ ᑐᑭᓯᔭᐅᑲᓂᕆᐊᖃᕐᓂᖓᓐᓂᒃ ᐊᐱᖁᑕᐅᔪᖅ ᕕᓂᐱ ᕿᑎᐊᓐᓄᑦ ᑲᑎᒪᔨᐅᔪᑉ.[25]

ᐃᓚᑲᓂᕐᓗᒍ ᔪᓐ 2017 ᐅᖃᖅᑎᐅᑉ ᐃᓱᒪᓕᐅᕐᓂᖓᓂ, ᐱᖓᓱᐃᖅᖢᓐᓂ ᐃᓱᒪᓕᐅᕆᐊᖃᓚᐅᖅᐳᖅ ᐅᖃᐅᓯᐅᔪᓄᑦ ᐊᓯᖏᓐᓂᒃ ᐅᖃᐅᓯᕐᓂᒃ ᐊᑐᖅᑕᐅᔪᖃᓚᐅᕐᒪᑦ ᑲᑎᒪᕕᐅᑉ ᐃᓗᐊᓐᓂ. ᐅᑯᐊᖑᑉᓗᑎᒃ:

8 ᑎᓯᒻᐸ 1964: ᑲᑎᒪᔨ ᐃᓚᖓ ᓇᒻᒪᖏᑐᒻᒥᒃ ᐱᓕᕆᐊᖃᓚᐅᕐᒪᑦ ᒍᕆᒃᑎᑐᑦ ᓚᑕᓐᑎᑐᓪᓗ ᐅᖃᖅᖢᓐᓂ, ᐅᖃᑎᐅᔪᖅ ᓄᖃᖅᑎᑦᓯᔭᕆᐊᖃᓚᐅᖅᐳᖅ ᐅᔨᖅᑐᖁᔨᑉᓗᓂᓗ ᑲᑎᒪᔨᑦ “ᐅᖃᕆᐊᖃᕐᒪᑕ ᐃᓕᑕᕆᔭᐅᓯᒪᔪᒻᒥᒃ ᐅᖃᐅᓯᕐᒥᒃ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ.[26]

12 ᐊᒻᒪ 13 ᔪᓐ 1995: ᐅᖃᖅᑎᐅᔪᖅ ᑐᑭᓯᑎᑦᓯᓗᓐᓂ ᐅᖃᐅᓯᕐᒥᒃ ᖃᑉᓗᓇᑐᑦ ᕕᕕᑎᑐᓪᓗ ᐊᓯᐊᓂᒃ ᑲᓇᑕᐅᑉ ᑲᑎᒪᕕᐊᓐᓂ ᐅᓂᑉᑲᖁᔭᐅᕗᖅ. ᐃᓚᐅᔪᓂᒃ ᐅᖃᐅᔨᓚᐅᖅᐳᖅ ᒪᓕᖁᔭᐅᓯᒪᔪᓂ ᐱᑕᖃᖏᒻᒪᑦ ᓇᓕᐊᖕᓂᒥᐊᖅ ᐅᖃᐅᓯᕐᓂᒃ ᐊᑐᕈᒪᓐᓂᖅᐸᑕ ᑲᓇᑕᐅᑉ ᑲᑎᒪᕕᖓᓐᓂ.[27] ᖃᐅᑐᐃᓐᓇᖅᑎᓪᓗᒍ, ᐊᖃᖅᑎ ᐊᐱᕆᓕᓚᐅᖅᐳᖅ ᐅᖃᓚᐅᑦᑐᒻᒥᕐ ᐊᓯᐊᓂᒃ ᐅᖃᐅᓯᕐᒥᒃ ᐊᑐᖅᖢᓐᓂ ᐃᓱᒪᑲᓂᖁᑉᓗᒍ ᑭᐅᖁᑉᓗᒍᓗ ᖃᑉᓗᓇᑐᑦ ᕕᕕᑎᑐᓪᓗ.[28]

ᑲᑎᒪᔨ ᐅᖃᖅᑎᑕᐅᓗᓂ ᑲᓇᑕᐅᑉ ᑲᑎᒪᕕᖓᓐᓂ ᑲᑎᒪᔨᐊᓚᓂᓗ ᐅᖃᐅᓯᕆᔭᒥᓂᒃ ᐊᑐᕐᓗᓐᓂ ᖃᑉᓗᓇᑐᑦ ᕕᕕᑎᑐᖑᑐᖅ, ᑎᑎᕋᖅᓯᒪᓂᐊᖅᐳᖅ ᑲᑎᒪᕕᐅᑉ ᑎᑎᕋᕐᕕᒃᓴᖏᓐᓂ[29] ᑲᑎᒪᔨ ᐅᖃᐅᓯᕐᒥᓂᒃ ᐊᑐᖅᖢᓐᓂ ᐅᖃᖅᒪᑦ . ᑲᑎᒪᔨᑦ ᐅᖃᐅᓯᕆᔭᕐᒥᖕᓂᒃ ᑐᓂᓯᒃᐸᑕ ᑲᑎᒪᕕᐅᑉ ᑎᑎᕋᖅᑎᖓᓐᓄᑦ ᑐᑭᓕᐅᖅᓯᒪᓂᐊᖅᐳᑦ ᖃᑉᓗᓇᑐᑦ ᕕᕕᑎᑐᓪᓗ. ᐅᓇ ᐅᒃᑐᑎᒋᓗᒍ, ᐅᓇᓕᖅᑐᑦ ᑎᑎᕋᖅᓯᒪᔪᑦ ᐅᖃᐅᓯᐅᓚᐅᖅᑐᖅ ᑲᑎᒪᔨᒧᑦ ᕕᓂᐱ ᕿᑎᐊᓐᓄᖅ ᐅᑉᓗᕐᒥ 4 ᒪᐃ 2017 ᐅᑯᓂᖓ ᑎᑎᕋᖅᓯᒪᓂᐊᖅᐳᖅ ᑐᑭᓕᐅᖅᓯᒪᓂᖓᓐᓂ:

[ᑲᑎᒪᔨ ᐅᖃᖅᑐᖅ ᐅᓇᓕᖅᑎᑐᑦ ᐅᑯᓂᖓ ᑎᑎᕋᖅᓯᒪᑉᓗᒋᑦ ᓄᐃᑕᑦᑎᑦᓯᑉᓗᓐᓂ ᑐᑭᖏᓐᓂᒃ:]

ᑲᑎᒪᔨ ᐅᖃᖅᑐᖅ ᐊᓯᐊᓂᒃ ᐅᖃᓯᖃᖅᐸᑦ ᖃᑉᓗᓇᑐ ᕕᕕᑎᑐᓪᓗ ᑎᑎᕋᖅᓯᒪᔪᒻᒥᒃ ᑐᓂᓯᓯᒪᖏᓗᓐᓂ ᑕᑉᑯᐊ ᐅᖃᕐᓂᑯᖏᑦ ᓄᐃᑕᓚᖏᑐᑦ ᑲᑎᒪᔨᕐᔪᐃᑦ ᑲᑎᒪᓪᓂᑯᖏᓐᓂ ᓇᓗᓇᐃᖅᓯᒪᑐᐃᓐᓇᕐᓗᑎᒃ ᑭᓯᐊᓐᓂ:

[ᑲᑎᒪᔨ ᐅᖃᖅᑐᖅ ᐅᓇᓕᖅᑎᑐᑦ.]

D. ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᖅᑐᑦ ᑲᑎᒪᕕᐅᑉ ᐃᓗᐊᓐᓂ ᐊᓯᖏᓐᓂᓗ

i. ᓯᓂᑦ ᒪᓕᒐᓕᕆᔨᑦ ᑲᓇᑕᒻᒥ

ᐃᐳᕈ 2008, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᑦ ᒪᓕᒐᓕᕆᓂᕐᒥᒃ, ᑲᑎᒪᕕᐅᑉ ᐃᓗᐊᓐᓂ ᐱᔪᖕᓇᕐᓂᕆᔭᐅᔪᓪᓗ ᑲᑎᒪᔨᓄᑦ ᖃᐅᔨᓴᓚᐅᕐᒪᑕ ᐊᑐᖅᑕᐅᓂᖏᓐᓂᒃ ᐃᓄᒃᑐᑦ ᓄᓇᖃᖅᖃᖅᓯᒪᔪᓪᓗ ᐅᖃᐅᓯᖏᓐᓂᒃ ᓯᓂᑦ ᑲᑎᒪᑎᓪᓗᒋᑦ. ᐅᓂᑉᑲᖓᓐᓂ ᑎᑎᕋᖅᑕᐅᓂᑯ ᐅᖃᖅᓯᒪᓂᖓᓂ 14 ᒪᐃ 2008, ᑲᑎᒪᔨᐊᓚᑦ ᐊᑐᓕᖁᔨᓚᐅᖅᐳᑦ ᐊᑐᖅᑕᐅᓂᖏᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᐊᔪᖏᑎᑕᐅᓗᑎᒃ ᑐᑭᓕᐅᖅᑕᐅᓂᖏᓪᓗ ᐊᑐᐃᓪᓇᐅᑎᑕᐅᓗᑎᒃ ᑎᑎᕋᖅᓯᒪᑎᐊᕐᓗᒋᑦ.[30] ᑲᑎᒪᔨᐊᓚᑦ ᐊᑐᓕᖁᔨᓚᐅᖅᐳᑦ ᖃᐅᔨᓴᒐᐅᑎᐊᕐᓗᓐᓂ ᐊᑐᓕᖅᑎᑕᐅᓂᖓ ᐃᑲᔪᖅᑐᒐᐅᓗᓂᓗ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᑦᑕ ᐊᑐᒐᐅᓂᖓ ᓯᓂᑦ ᑲᑎᒪᕕᖓᓐᓂ ᑲᑎᒪᔨᐅᓚᖏᓐᓂᓗ:

ᓯᕗᓪᓕᖅ, ᑲᑎᒪᔨᐊᓚᑦ ᐊᑐᓕᖁᔨᓚᐅᖅᐳᑦ ᑲᔪᓯᑎᑕᐅᓗᓐᓂ – ᐱᒋᐊᑲᒡᓗᓐᓂ- ᖃᐅᔨᓴᖅᑕᐅᓗᓐᓂ ᐃᓄᒃᑐᑦ ᐅᖃᕐᓂᖅ ᓯᓂᑦ ᑲᑎᒪᕕᒡᔪᐊᖓᓐᓂ.
ᑐᒡᓕᐊᓂᒃ ᑲᑎᒪᔨᐊᓚᑦ ᐊᑐᓕᖁᔨᓚᐅᖅᐳᑦ ᑕᒻᓇ ᐱᓕᕆᐊᖑᔪᖅ ᐊᓯᖏᓐᓄᑦ ᐊᑐᖅᑕᐅᓕᕐᓗᓐᓂ ᓱᓇᑐᐃᓐᓇᓕᕆᔨᑦ ᑲᑎᒪᔨᐅᓚᖏᑦ ᓄᓇᖃᖅᖃᖅᓯᒪᔪᑦ ᐊᒻᒪ ᓯᓂᑦ ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏᑦ ᐃᖃᓗᓕᕆᓂᕐᒧᑦ ᑕᕆᐅᓕᕆᓂᕐᒧᓪᓗ.
ᐱᖓᔪᐊᖕᓂ, ᐊᑐᒐᐅᓚᐅᕐᓗᓐᓂ ᐃᓄᒃᑐᑦ ᐅᖃᐅᓯᖅ, ᑲᑎᒪᔨᐊᓚᑦ ᐃᓱᒪᖕᒪᑕ ᖃᐅᔨᓴᒐᐅᓂᖓᓐᓂᒃ ᐊᑐᒐᐅᑐᐃᓐᓇᓕᕐᓗᓐᓂ ᑲᑎᒪᕕᐅᑉ ᐃᓗᐊᓐᓂ ᐊᓯᖏᓐᓄᑦ ᓄᓇᖃᖅᖃᖅᓯᒪᔪᓄᑦ ᐊᑐᒐᐅᔪᖕᓇᖅᓯᓗᓐᓂ ᓯᓂᑦ ᑲᑎᒪᕕᖓᓐᓂ.

ᑲᑎᒪᔨᐊᓚᑦ ᐅᔨᕈᓱᓚᐅᕐᒪᑕ ᐊᑐᓕᖅᑎᑕᐅᓂᖓᓐᓂᒃ ᑭᒡᓕᖃᖅᑎᑕᐅᓂᖓᓄᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑐᑭᓯᔭᐅᓯᒪᑎᐊᕐᓗᓐᓂ ᓯᓂᑦ ᑲᑎᒪᕕᖓᓐᓂ. ᐱᓗᐊᖅᑐᒻᒥᒃ, ᐊᑐᓕᖅᑎᑕᐅᓂᖓ ᐊᑐᖁᔭᐅᓯᒪᔪᑦ ᐊᔪᓕᖅᑎᑕᐅᔪᖕᓇᖅᐳᑦ ᐱᑕᖃᓗᐊᖏᓂᖏᓐᓄᑦ ᖃᐅᔨᒪᑎᐊᖅᑐᑦ ᑐᑭᓕᐅᕆᔨᑦ ᐊᒻᒪ ᐃᓱᒪᓗᖕᓇᖅᑐᑦ ᓴᕿᑎᑕᐅᔪᖕᓇᖅᐳᑦ ᐅᖃᖅᐸᓕᐊᔪᓐᓂᒃ ᑐᑭᓕᐅᕆᓂᕐᒧᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐅᖃᖅᑎᐅᑉ ᐊᑐᐃᓐᓇᐅᖏᓗᐊᕐᓂᖓᓐᓄᑦ.[31]

ᐊᑐᓕᖅᑎᑕᐅᓂᖓᑕ ᐅᓂᑉᑲᖅᓯᒪᔪᑉ ᒪᐃ 2008, ᐅᖃᐅᓯᐅᔪᑦ ᓯᓂᑦᑕᓄᑦ ᐃᓄᒃᑎᑐᑦ.[32] ᐊᑐᓕᖅᑎᑕᐅᖁᔭᐅᓯᒪᔪᑦ ᑲᔪᓯᖏᑲᓗᐊᖅᖢᑎᒃ ᑕᒪᕐᒥᒃ, ᓯᓂᑦ ᐊᑐᕈᖕᓇᖅᓯᑎᑦᑎᕗᑦ ᐃᓄᒃᑐᑦ ᐅᖃᕈᖕᓇᕐᓂᕐᒥᒃ ᐊᒥᓱᐃᖅᖢᑎᒃ ᓯᓂᑦ ᑲᑎᒪᓂᖏᓐᓂ.[33]

ᒪᓐᓇ ᐊᑐᖅᑕᐅᓂᖓ ᒪᓕᒃᓗᒍ, ᓯᓂᑦᑕ ᐃᓄᒃᑐᑦ ᐅᖃᕈᒪᒃᐸᑦ ᓯᕗᓂᖓᓂ ᑐᓴᖅᑎᑦᑎᔭᕆᐊᖃᖅᐳᖅ [34] ᑲᑎᒪᕕᐅᔪᖅ ᑲᔪᓯᓂᐊᖅᑐᓂᒡᓗ ᑲᒪᔨᐅᔪᖅ ᑐᓴᔨᐅᓂᐊᖅᑐᒻᒥᒃ ᐊᕿᒃᓯᔪᓪᓗᐊᖁᑉᓗᒍ ᑕᒪᕐᒥᒃ ᐅᖃᐅᓯᒃ ᑲᓇᑕᒻᒥ ᒪᓕᒡᓗᒋᒃ. ᑐᓴᔨᐅᓂᐊᖅᑐᑦ ᐊᕿᒃᓱᖅᓴᐅᓱᖑᕗᑦ ᑲᓇᑕᐅᑉ ᒪᓕᒐᓕᐅᕐᕕᖓᑕ ᑐᓴᔨᐅᓂᐊᖅᑐᓐᓂᒃ ᐊᕿᒃᓱᐃᔨᖏᓐᓄᑦ ᒪᓕᒐᓕᐅᕐᕕᐅᑉ ᑐᑭᓕᐅᕆᔨᖏᑦ. ᑎᑎᕋᖅᓯᒪᔪᓐᓂᒃ ᑐᓂᓯᓱᖑᕗᑦ ᐅᖃᐅᓯᕆᓂᐊᖅᑕᒥᖕᓂᒃ ᓯᕗᓂᖓᓂ ᖃᑉᓗᓇᑐᑦ ᐊᒻᒪ ᕕᕕᑎᑐᑦ. ᐃᓚᓂᑯᑦ, ᑐᑭᓕᐅᕆᓂᖅ ᐃᓄᒃᑐᑦ ᖃᑉᓗᓇᑐᒐᐅᑉᓗᓂ, ᐊᒻᒪ ᖃᑉᓗᓇᑐᑦ ᐊᑐᒐᐅᓗᐊᖅᐸᒃᐳᖅ[35] ᕕᕕᑎᑐᑦ ᑐᓴᔨᐅᔪᓄᑦ.

ii. ᓄᓇᑦᓯᐊᕐᒥ ᒐᕙᒪᐃᑦ ᑲᑎᒪᑉᕕᖓᓐᓂ

ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᐊᔨᖏᒻᒥᒃ ᑕᐅᑐᒐᐅᕗᑦ ᖃᑉᓗᓇᑐᑦ ᕕᕕᑎᑐᓪᓗ ᓄᓇᑦᓯᐊᕐᒥ ᐅᖃᐅᓯᑦ ᐃᓕᑕᕆᔭᐅᓯᒪᓂᖏᓐᓂ (T.N.‑O.).[36] ᓄᓇᑦᓯᐊᕐᒥ ᐅᖃᐅᓯᒃ ᐃᓕᑕᕆᔭᐅᓯᒪᔪᑦ ᐊᑐᒐᐅᓂᖏᓐᓄᑦ ᐱᖁᔭᖅ[37] (NWTOLA) ᐊᕿᒋᐊᖅᑕᐅᕗᖅ 1990 ᐃᓕᑕᖅᓯᖁᑉᓗᒍ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ, ᐃᓚᐅᑉᓗᑎᒃ ᖃᑉᓗᓇᑐᑦ ᕕᕕᑎᑐᓪᓗ, ᐅᖃᐅᓯᐅᔪᓪᓗᐊᖁᑉᓗᒋᑦ ᓄᓇᑦᓯᐊᑉ ᒪᓕᒐᓕᐅᕐᕕᖓᓐᓂ ᐊᒻᒪ ᓄᓇᑦᓯᐊᕐᒥ ᒐᕙᒪᒃᑯᓐᓂ.[38]ᓄᓇᑦᓯᐊᕐᒥ ᐅᖃᐅᓯᒃ ᐃᓕᑕᕆᔭᐅᓯᒪᔪᑦ ᐊᑐᒐᐅᓂᖏᓐᓄᑦ ᐱᖁᔭᖅ (NWTOLA) ᐃᓕᑕᖅᓯᓯᒪᖕᒪᑦ ᐅᖃᐅᓯᕐᓂᒃ ᐊᑐᒐᐅᕙᒃᑐᓐᓂᒃ ᓄᓇᑦᓯᐊᕐᒥᐅᓄᑦ ᐱᑕᖃᐃᓐᓇᖅᑎᑦᓯᑉᓗᓐᓂ ᐊᑐᒐᐅᕙᓪᓕᖅᑎᑦᓯᑉᓗᓂᓗ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᓄᓇᑦᓯᐊᕐᒥ.

ᐅᑯᐊ ᐅᖃᐅᓯᑦ 9 ᐃᓕᑕᕆᔭᐅᓯᒪᔪᑦ ᓄᓇᑦᓯᐊᕐᒥ ᐅᖃᐅᓯᐅᔪᑦ ᐊᑐᒐᐅᔪᓪᓗᐊᖅᑐᑦ ᐱᖁᔭᖓᓐᓂ ᐅᑯᐊᖑᕗᑦ: ᐊᓪᓚᐃᑦ, ᐃᓄᐃᑦ, ᐃᐅᖓᑲᓐ/ᐅᓇᓕᑦ 5 ᐊᓪᓚᐃᑦ ᐅᖃᐅᓯᖏᑦ ᓯᐱᕙᓐ, ᑯᕕᓐᓯᓐ, ᓄᐊᑦ ᔅᓕᕕ ᐊᒻᒪ Tłı̨chǫ Yatıı̀. 3 ᐃᓄᐃᑦ ᐅᖃᐅᓯᖏᑦ ᐃᓄᐃᓐᓇᖅᑐᑦ, ᐃᓄᒃᑐᑦ, ᐃᓄᕕᐊᓗᒃᑐᓪᓗ. ᐃᐅᖓᑲᓐ ᐅᖃᐅᓯᖓ ᐅᓇᓕᑦ

ᐊᑕᓐᓂ ᓄᓇᑦᓯᐊᕐᒥ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᐱᖁᔭᖓᓐᓂ (NWTOLA), ᑭᓇᒥᐊᖅ ᐅᖃᕈᖕᓇᖅᐳᖅ ᐃᓕᑕᕆᔭᐅᓯᒪᔪᑦ ᐅᖃᐅᓯᖓᓐᓂᒃ ᐊᑐᕐᓗᓐᓂ ᑲᑎᒪᕕᐅᑉ ᐃᓗᐊᓐᓂ ᓄᓇᑦᓯᐊᕐᒥ; ᐱᖁᔭᐃᑦ, ᑲᑎᒪᓐᓂᑯᑦ ᒐᕙᒪᑯᑦ ᑲᑎᒪᔨᖏᓐᓂᑦ ᑎᑎᕋᖅᓯᒪᔭᕆᐊᖃᖅᐳᑦ ᖃᑉᓗᓇᑐᑦ ᐊᒻᒪ ᕕᕕᑎᑐᑦ; ᑕᑉᑯᐊᓗ ᓄᓇᑦᓯᐊᕐᒥ ᐊᖓᔪᖃᐅᑎᐅᔪᑦ ᒪᓕᒐᓕᐅᕐᕕᖓᓐᓂ ᐱᖁᔨᔪᖕᓇᖅᐳᑦ ᐱᖁᔭᐃᑦ ᓇᓕᐊᒥᐊᖅ ᑐᑭᓕᐅᖅᑕᐅᖁᑉᓗᒍ ᖃᑉᓗᓇᑐᑦ ᕕᕕᑎᑐᓪᓗᓐᓂᑦ . ᐃᓚᑉᓗᒍ, ᑐᓴᔭᐅᓂᖓᑦ ᓄᓇᑦᓯᐊᕐᒥ ᒐᕙᒪᑯᑦ ᒪᓕᒐᓕᐅᕐᕕᖓᑕ ᓇᓕᐊᖕᓂᒥᐊᖅ ᐅᖃᐅᓯᑦ ᐅᖃᒐᐅᔪᖕᓇᖅᐳᑦ ᒪᓕᒐᓕᐅᕐᕕᖕᓯ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᐊᑐᒐᐅᓗᑎᒃ. ᓂᐱᓕᐅᖅᑕᐅᓯᒪᔪᑦ ᒪᓕᒐᓕᐅᕐᕕᖕᒥ ᑲᑎᒪᓐᓂᑯᑦ ᓄᓇᑦᓯᐊᕐᒥ ᐊᑐᐃᓐᓇᐅᕗᑦ ᑐᒃᓯᕋᒐᐅᔪᖕᓇᖅᖢᑎᒡᓗ.

ᓄᓇᑦᓯᐊᑉ ᒪᓕᒐᓕᐅᕐᕕᖓᓐᓂ ᐃᖃᓇᐃᔭᖅᑎᑕᖃᖅᑐᖅ ᐱᖓᓱᓐᓂᒃ ᑐᑭᓕᐅᕆᔨᓐᓂᒃ ᐊᑐᐃᓐᓇᐅᕙᒃᑐᑦ ᐱᖓ)ᓐᓂᒃ ᐅᖃᐅᓯᕐᓂᒃ ᑐᑭᓕᐅᕆᔨᐅᑉᓗᑎᒃ. ᑕᑉᑯᐊ ᐅᖃᐅᓯᑦ ᐊᓯᐊᖑᖅᑕᖅᑐᑦ ᓴᓇᑕᐃᓕᑉ ᐊᑯᓐᓂᖓᓂ, ᐊᑐᒐᐅᑉᓗᓐᓂ Tłı̨chǫ Yatıı̀ ᐱᔨᑦᓯᕋᖅᑎᐅᑉᓗᓂᓗ, ᐅᖃᖅᑎᐅᑉᓗᓂ ᓇᓕᐊᖕᓂᒥᐊᖅ ᐅᖃᐅᓯᕐᓂᒃ. ᒪᓇᐅᔪᖅ ᑲᑎᒪᔨᐅᔪᑦ ᐱᖓᓱᕗᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑲᑎᒪᕕᖕᒥ ᐊᑐᖅᐸᒃᑐᑦ ᑲᑎᒪᑎᓪᓗᒋᑦ.[39]

ᐱᓕᕆᐊᖓ ᐱᑉᓗᒍ, ᑲᑎᒪᓂᐅᑉ ᐱᒋᐊᕐᓂᖓᓐᓂ, ᑎᑎᕋᖅᑎᖓᑦ ᒪᓕᒐᓕᐅᕐᕕᐅᑉ ᐅᖃᖃᑎᖃᖅᐸᒃᐳᖅ ᑲᑎᒪᔨᐅᔪᓂᒃ ᓇᓕᐊᖕᓂᒃ ᐅᖃᐅᓯᕐᓂᒃ ᐊᑐᕐᓂᐊᕐᓂᖏᓐᓂᒃ ᒪᓕᒐᓕᐅᕐᕕᖕᒥ. ᐃᓕᑕᕆᔭᐅᓯᒪᔪᑦ ᐅᖃᐅᓯᑦ 3-ᓂᒃ ᒪᓕᒐᖃᖅᑎᑕᐅᕗᑦ:[40]

ᓇᒻᒪᒋᔭᐅᑉᓗᓐᓂ: ᑲᑎᒪᔨ ᓇᓗᓇᐃᖅᓯᑉᓗᓐᓂ ᖃᑉᓗᓇᑐᑦ ᐅᖃᕈᖕᓇᖏᒻᒪᑦ ᑭᓯᐊᓐᓂᓕ ᐊᓯᐊᓂᒃ ᐅᖃᐅᓯᕐᒥᒃ ᐊᑐᕈᖕᓇᕐᒪᑦ ᐱᑕᖃᕐᓂᖅᐸᑦ ᑐᑭᓕᐅᕆᔨᒃᓴᒻᒥᒃ. ᑲᔪᓯᑎᐊᖁᑉᓗᒍ, ᑐᑭᓕᐅᖅᑕᐅᓂᖏᑦ ᑲᑎᒪᔨᐅᔪᑦ ᐊᑐᐃᓐᓇᐅᖕᒪᑕ ᑲᑎᒪᓂᓗᒃᑕᓐᓂ ᑲᑎᒪᔨᐅᓚᑦ ᐃᓚᐅᓂᐊᖅᐸᑦ ᓇᓕᐊᖕᓂᒥᐊᖅ.
ᐃᓂᖃᖅᑎᑦᑎᓂᖅ: ᑲᑎᒪᔨ ᓇᓗᓇᐃᖅᓯᑉᓗᓐᓂ ᐅᖃᕈᖕᓇᕐᒪᑦ ᖃᑉᓗᓇᑐᑦ ᑭᓯᐊᓐᓂ ᐅᖃᐅᓯᐅᑉ ᐊᓯᐊᓂᒃ ᐊᑐᕈᒪᖕᒪᑦ ᒪᓕᒐᓕᐅᕐᕕᐅᑉ ᐃᓗᐊᓐᓂ. ᐅᖃᐅᓯᑦ ᐊᑐᐃᓐᓇᐅᓂᖏᓐᓄᑦ, ᐊᔪᕐᓇᖏᑕᕋᖓᑦ ᐱᓂᓗᒃᐸᒃᐳᑦ ᑐᑭᓕᐅᖅᑕᐅᓂᖏᓐᓂᒃ ᓯᕗᓂᖓᓂ ᑐᓴᖅᑎᑕᐅᒍᒻᒥᒃ (ᐃᑲᕋᓐᓂ ᓯᑕᒪᓐᓂ ᓯᕗᓂᖓᓂ) ᑎᑎᕋᖅᑎ ᒪᓕᒐᓕᐅᕐᕕᖕᒥ ᐊᕿᒃᓯᓂᐊᕐᒪᑦ ᑐᑭᓕᐅᖅᑎᐅᓂᐊᖅᑐᒻᒥᒃ ᑲᑎᒪᔨᒻᒧᑦ.
ᐊᑐᕆᐊᖃᖏᒥᐊᖅᑐᑦ: ᐃᓕᑕᕆᔭᐅᓯᒪᔪᖅ ᐅᖃᐅᓯᖅ ᓇᓗᓇᐃᖅᑕᐅᔪᒪᖅᐳᖅ ᑲᑎᒪᔨᑦ ᓇᓗᓇᐃᖅᓯᖏᓐᓂᖏᓐᓂ ᐅᖃᐅᓯᕐᒥᒃ ᐊᑐᒐᐅᓂᐊᖅᑐᒻᒥᒃ ᒪᓕᒐᓕᐅᕐᕕᖕᒥ. ᑎᐊ8ᓴᐃᑐᖃᖅᑎᓪᓗᒍ, ᑐᑭᓕᐅᕆᔨᑦ ᐊᑐᐃᓐᓇᐅᓚᖏᑐᑦ ᐃᓚᓐᓂᑯᑦ ᑭᓯᐊᓐᓂ.

ᐊᑐᖅᑕᐅᓂᖏᑦ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᒪᕈᐃᖅᖢᓐᓂ ᓇᓗᓇᐃᖅᑕᐅᓯᒪᔪᖅ ᐃᓗᐊᓐᓂ ᒪᓕᒐᖏᑦ ᒪᓕᒐᓕᐅᕐᕕᐅᑉ ᐃᖏᕋᓂᖓᑕ. ᐊᑕᓐᓂ ᒪᓕᒐᐅᑉ 38, ᐅᖃᐅᓯᖏᓐᓂᒃ ᑲᑎᒪᔨᑦ ᒪᓕᒐᓕᐅᕐᕕᖕᒥ ᒪᓕᒐᓕᐅᖅᑎ (MLA) ᐅᖃᕈᒪᔪᖅ ᐅᖃᐅᓯᕐᒥᒃ ᐊᓯᐊᓂᒃ ᑐᓂᓯᔭᕆᐊᖃᖅᐳᖅ ᑎᑎᖃᑲᒻᒥᒃ ᐅᖃᖅᑎᒻᒧᑦ ᐊᑕᐅᓯᕐᒥᒃ ᐃᑲᕋᒻᒥ ᓯᕗᓂᖓᓂ ᐅᖃᕐᓂᐊᖅᑎᓪᓗᒍ. ᒪᓕᒐᓕᐅᖅᑎ ᒪᕈᖕᓂᒃ ᐅᖃᐅᓯᖕᓂᒃ ᐊᑐᖅᐸᑦ ᐊᖏᖅᑕᐅᓯᒪᕗᖅ ᐃᑲᕋᐅᑉ ᓇᐸᖓᓐᓂᒃ ᐅᖃᒃᑲᓂᕈᖕᓇᖅᖢᓐᓂ ᐊᒻᒪ ᑭᖑᓂᖓᓐᓂ 30 ᓯᑲᓐᔅ ᐅᖃᑲᓂᕐᓗᓐᓂ ᑐᒡᓕᐊᓂᒃ ᐅᖃᐅᓯᕐᒥᒃ ᐊᑐᕐᖢᓐᓂ. ᑐᑭᓕᐅᕆᔨᐅᔪᑦ ᓄᓇᑦᓯᐊᕐᒥ ᒪᓕᒐᓕᐅᕐᕕᖓᓐᓂ ᐊᓯᖏᓐᓂᒃ ᐊᑐᖅᐸᖕᖏᑐᑦ ᑐᑭᓕᐅᕆᑉᓗᑎᒃ.

ᑭᖑᓪᓕᖅ, ᑎᑎᖃᑦ ᑐᓂᔭᐅᔪᖕᓇᖅᑐᑦ ᑲᑎᒪᔪᑕᐅᓂᐊᕐᓗᓄᑎᒃ ᒪᓕᒐᓕᐅᕐᕕᖕᒥ ᐊᒻᒪ ᑐᓂᔭᐅᓗᑎᒃ ᑲᑎᒪᔨᐊᓚᓄᑦ ᑐᑭᓕᐅᖅᑕᐅᓯᒪᖏᒥᐊᕐᓗᑎᒃ ᒪᓕᒐᓕᐅᕐᕕᖕᒥ ᐅᖃᐅᓯᐅᓱᖅᑐᓄᑦ.

iii. ᓄᓇᕗᒻᒥ ᒪᓕᒐᓕᐅᕐᕕᒃ

ᐊᕕᒃᓯᒪᓂᖓ 3 ᓄᓇᕗᒻᒥ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᐱᖁᔭᖓᓐᓂ [41] (LLON) ᑎᓕᔭᐅᓯᒪᕗᖅ “ᐃᓄᐃᑦ ᐅᖃᐅᓯᖓᑦ, ᖃᑉᓗᓇᑐᑦ ᐊᒪ ᕕᕕᑎᑐᑦ” ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᓄᓇᕗᒻᒥ. ᓄᓇᕗᒻᒥ ᐃᓄᐃᑦ ᐅᖃᐅᓯᖏᑕ ᒥᐊᓂᕆᔭᐅᓂᖏᓐᓄᑦ ᐱᖁᔭᖓ[42] ᑐᑭᖃᖅᐳᖅ ᐃᓄᐃᑦ ᐅᖃᐅᓯᖓᑦ ᐃᓄᐃᓇᖅᑐᑦ ᐃᓄᑐᓪᓗ. ᓄᓇᕗᒻᒥ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᐱᖁᔭᖓᓐᓂ ᒥᐊᓂᖅᓯᓱᖅᑐᖅ ᓄᓇᕗᒻᒥ ᐅᖃᐅᓯᐅᔪᓐᓂᒃ ᑲᑎᒪᑎᓪᓗᒋᑦ ᐊᓯᖏᓐᓂᓪᓗ ᑲᑎᒪᓂᐅᔪᓐᓂ ᒪᓕᒐᓕᐅᕐᕕᖕᒥ. ᐊᕕᒃᓯᒪᓂᖓ 5 ᓄᓇᕗᒥ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᐱᖁᔭᖏᓐᓂ (LLON), ᐱᕈ.ᐃᑦ ᒪᓕᒐᓕᐅᕐᕕᖕᒥ ᑎᑎᕋᖅᓯᒪᔭᕆᐊᖃᖅᐳᑦ ᖃᑉᓗᓇᑐᑦ ᕕᕕᑎᑐᓪᓗ, ᐃᓄᒃᑐᓪᓗ ᑎᑎᕋᖅᓯᒪᔪᑦ ᐊᑐᐃᓐᓇᐅᓗᑎᒃ ᒪᓕᒐᖅ ᑲᔪᓯᑎᑕᐅᒃᐸᑦ. ᓄᓇᕗᒻᒥ ᑲᒥᓯᓇᖓ ᐃᓱᒪᑕᐅᕕᖕᒥ, ᑎᓕᓯᔪᖕᓇᖅᐳᑦ ᑎᑎᕋᒐᐅᖁᔨᓗᓐᓂ ᐃᓄᒃᑐᑦ.

ᐅᖃᖅᑐᖅ ᒪᓕᒡᓗᒍ ᑐᑭᓕᐅᕆᓂᖅ ᐃᓄᒃᑐᑦ (ᐃᓄᒃᑐᑦ ᐃᓄᐃᓐᓇᖅᑐᓪᓗ) ᑲᑎᒪᕕᐅᑉ ᐃᓗᐊᓐᓂ ᐊᑐᖅᑕᐅᓕᖅᐳᖅ ᓯᕗᓪᓕᕐᒥᒃ ᑲᑎᒪᑎᓪᓗᒋᑦ 1 ᐃᐳᕈ 1999.[43]

ᒪᓕᒐᐃ ᒪᓕᒐᓕᐅᕐᕕᐅᑉ ᐃᓗᓕᖃᖅᐳᑦ ᑐᑭᓕᐅᖅᑕᐅᓂᖏᓐᓂᒃ ᑎᑎᕋᖅᓯᒪᔪᑦ. ᒥᓂᔅᑕᐃᑦ ᐅᖃᐅᓯᖏᑦ ᑭᓇᐅᔭᓕᕆᓂᑦ ᓄᑕᐅᓐᓂᑯᓪᓗ ᓇᓕᐊᖕᓂᒥᐊᖅ ᐃᓕᑕᕆᔭᐅᓯᒪᔪᒻᒥᒃ ᐅᖃᐅᓯᕐᒥᒃ ᐊᑐᕆᐊᖃᖅᐳᑦ. ᐃᖃᓇᐃᔭᖅᑎᖏᑦ ᓄᓇᕗᒻᒥ ᒪᓕᒐᓕᐅᕐᕕᐅᑉ ᖃᐅᔨᒪᑉᓗᑎᒃ ᑎᑎᕋᖅᓯᒪᔪᑦ ᒪᓕᒐᓕᐅᖅᑎᓐᓄᑦ ᑲᑎᒪᓂᖏᓐᓂ ᐃᓄᒃᑐᑦ ᖃᑉᓗᓇᑐᓪᓗ ᑎᑎᕋᖅᓯᒪᕙᒃᐳᑦ.[44] ᑎᑎᖃᐃᑦ ᐊᑐᐃᓐᓇᐅᑎᑕᐅᔪᖕᓇᖅᐳᑦ ᐅᖃᐅᓯᕐᒥᒃ ᐊᑕᐅᓯᕐᒥᒃ ᑭᓯᐊᓐᓂ ᑭᖑᓂᖓᒍᑦ ᑐᑭᓕᐅᖅᑕᐊᓂᕐᓗᑎᒃ. ᒪᓕᒐᓕᐅᕐᕕᐅᑉ ᑐᓴᕈᑎᖏᑦ ᕼᐊᓐᓴᑦ ᐃᓄᒃᑐᑦ ᖃᑉᓗᓇᑐᓪᓗ ᓴᓇᔭᐅᓱᖅᑐᖅ ᑲᑎᒪᓐᓂᑯᓂᒃ ᒪᓕᒐᓕᐅᕐᕕᖕᒥ ᑎᑎᕋᖅᓯᒪᑉᓗᑎᒃ (ᐃᓄᒃᑐᑦ, ᐃᓄᐃᓐᓇᖅᑐᑦ, ᖃᑉᓗᓇᑐᓪᓗ). ᑐᑭᓕᐅᖅᑕᐅᓱᖅᐳᑕᐅᖅ ᑎᕕᒃᑯᑦ ᓄᐃᑕᑎᑕᐅᔪᑦ ᒪᓕᒐᓕᐅᖅᑎᑦ ᑲᑎᒪᓂᖏᑦ.[45]

ᓄᓇᕗᒻᒥ ᒪᓕᒐᓕᐅᕐᕕᒃ ᐊᔨᖏᖏᑐᓐᓂᒃ ᐃᓄᒃᑐᑦ ᖃᑉᓗᓇᑐᓪᓗ ᐅᖃᕈᖕᓇᖅᑐᓐᓂᒃ ᒪᓕᒐᓕᐅᖅᑎᖃᖅᐳᖅ. ᑲᑎᒪᔨᐊᓚᑦ ᑐᓴᓚᐅᕐᒪᑕ ᓴᓂᐊᓐᓂ 20% ᒪᓕᒐᓕᐅᖅᑎᐅᓚᐅᖅᑐᑦ ᒪᓕᒐᓕᐅᖅᑎᓪᓗ ᖃᑉᓗᓇᑐᑦ ᑭᓯᐊᓂ ᐅᖃᕈᖕᓇᖅᑐᑦ, 10% ᐃᓄᒃᑐᑦ ᑭᓯᐊᓂ ᐅᖃᕈᖕᓇᖅᑐᑦ, ᐊᒻᒪ 70% ᖃᑉᓗᓇᑐᑦ ᓄᓇᖃᖅᖃᖅᓯᒪᔪᑎᑐᓪᓗ ᐅᖃᕈᖕᓇᖅᑐᑦ.[46] ᓯᕗᓂᖓᓂ ᐅᖃᖅᑎᐅᓂᖅ ᐃᓄᒃᑐᑦ ᖃᑉᓗᓇᑐᓪᓗ ᒪᓕᒐᓕᐅᕐᕕᖕᒥ ᐊᕋᒍᓐᓂᒃ ᐅᓄᖅᑐᓐᓂᒃ ᐊᑐᖅᑕᐅᓯᒪᓕᖅᐳᖅ ᒪᓕᒐᓕᐅᖅᑎᑦ ᑐᑭᓯᐊᖁᑉᓗᒋᑦ ᑲᑎᒪᓕᕋᖓᒻᒥᒃ .[47] ᑕᐃᒪᖓᓂᑦ ᓄᓇᕗᒥ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᐱᖁᔭᖏᓐᓂ ᐱᔪᖕᓇᖅᑎᑦᓯᒐᓗᐊᖅᑎᓪᓗᒍ ᑕᒪᐃᓐᓂᒃ ᒪᓕᒐᓕᐅᖅᑎᓂᒃ ᐃᓄᒃᑐᑦ, ᖃᑉᓗᓇᑐᑦ ᕕᕕᑎᑐᓪᓗ ᐅᖃᕐᓂᕐᒥᒃ, ᐊᖏᕈᑎᑕᖃᖏᓚᖅ ᐅᖃᖅᐸᓕᐊᑎᓪᓗᒋᑦ ᑐᑭᓕᐅᖅᑕᐅᓂᖏᓐᓂᒃ.

ᒪᕈᖕᓂᒃ ᐃᓂᒃᓴᖃᖅᐳᑦ ᒪᓕᒃᖢᑎᒃ ᐅᖃᖅᑐᒻᒥᒃ ᑐᑭᓕᐅᕆᔨᑦ: ᐃᓄᐃᓐᓇᖅᑐᑦ - ᖃᑉᓗᓇᑐᑦ ᐃᓄᒃᑐᓪᓗ-ᖃᑉᓗᓇᑐᑦ ᐊᓯᐊᓐᓂ. ᐃᓱᒪᒋᔭᐅᑉᓗᓐᓂ ᐊᓯᐊᓂᒃ ᐅᖃᐅᓯᕐᒥᒃ ᐅᖃᕈᖕᓇᕐᓂᐊᕐᒪᑕ ᓯᕗᓂᖓᓂ ᑐᓴᖅᑎᑦᑦᓯᒪᓗᑎᒃ ᐊᒻᒪ ᑐᒡᓕᐊᓂ ᖃᑉᓗᓇᑐᑦ ᐅᖃᖅᑕᐅᓕᕐᓗᓐᓂ.[48]

ᒪᓕᒐᓕᐅᕐᕕᒥ ᐃᖃᓇᐃᔭᖅᑐᑦ ᐅᔨᕈᓱᒃᐳᑦ ᐅᖃᖅᐸᓕᐊᕐᓗᓐᓂ ᑐᑭᓕᐅᕆᓂᖅ ᐅᖃᐅᓯᕐᓂᒃ ᐃᓕᑕᕆᔭᐅᓯᒪᔪᓐᓂ ᐱᑕᖃᓗᐊᖏᒻᒪᑦ ᑐᑭᓕᐅᕆᔨᐅᔪᓐᓂᒃ ᐃᓄᐃᑦ ᐅᖃᐅᓯᓕᕆᕕᖓᓐᓂ. ᒪᓕᒐᓕᐅᕐᕕᒃ ᐱᓕᕿᖃᑎᖃᖅᐳᑦ ᑐᑭᓕᐅᕆᕕᖕᒥ ᐅᖃᖅᑎᐅᓂᕐᒥᒡᓗ ᐃᓕᓐᓂᐊᕐᑎᑕᐅᓂᖏᓐᓂᒃ ᓯᓚᑦᑐᖅᓴᕐᕕᖕᒥ ᐊᔪᖏᓂᖅᑕᐅᓕᖁᑉᓗᒋᑦ ᐃᓕᓐᓂᐊᖅᑐᑦ ᐃᓄᐃᑦ ᐅᖃᐅᓯᖏᓐᓂᒃ ᖃᑉᓗᓇᑐᑦ ᕕᕕᑎᑐᓪᓗ.[49]

iv. ᔪᑲᓐᒥ ᒪᓕᒐᓕᐅᕐᕕᒃ

ᐊᕕᒃᓯᒪᓂᖓ 3(1) ᔪᑲᓐᒥ ᐅᖃᐅᓯᑦ ᐱᖁᔭᖓ [50] (LLY) ᒥᐊᓂᖅᓯᓱᖅᑐᖅ ᐊᑐᕈᖕᓇᕐᓂᕐᒥᒃ ᖃᑉᓗᓇᑐᑦ ᕕᕕᑎᑐᓪᓗ ᐅᕙᓗᓐᓂᑦ 8-ᖑᔪᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᔪᑲᓐᒥ ᑲᑎᒪᕕᐅᑉ ᐃᓗᐊᓐᓂ ᒪᓕᒐᓕᐅᕐᕕᖕᒥ.[51] ᐊᑕᓐᓂ ᐊᕕᒃᓯᒪᓂᖓᑕ 3(2) ᔪᑲᓐ ᒪᓕᒐᓕᐅᕐᕕᖓᓐᓂ, ᒪᓕᒐᓕᐅᕐᕕᒃ ᑲᑎᒪᔨᐊᓚᓪᓗ ᐊᔪᖏᑎᑕᐅᓂᖏᓐᓄᑦ ᒪᓕᒐᓕᐅᕐᕕᖕᒧᑦ ᐊᑐᖁᔭᐅᔪᓐᓂᒃ ᑎᓕᓯᔪᖕᓇᖅᐳᑦ ᑐᑭᓕᐅᖅᑕᐅᓂᖏᓐᓄᑦ ᓂᐱᓕᐅᖅᑕᐅᓂᖏᓐᓄᓪᓗ ᑲᑎᒪᕕᐅᑉ ᐃᓗᐊᓐᓂ ᐅᖃᐅᓯᐅᔪᑦ, ᕼᐊᓐᓴᓐᒥ, ᓱᓇᑐᐃᓐᓇᓕᕆᔨᖅ ᐱᖁᓯᒪᔭᖏᓐᓂᒃ, ᐊᓯᖏᓐᓂᒡᓗ ᐅᖃᐅᓯᐅᔪᓐᓂᒃ.

ᒪᓇ ᒪᓕᒐᓕᐅᕐᕕᒃ ᐅᖃᖅᐸᓕᐊᔪᓐᓂᒃ ᑐᑭᓕᐅᖅᑕᖏᑦᑐᖅ ᑲᑎᒪᕕᖕᒥ ᑲᑎᒪᔨᐊᓚᓐᓂᓗ. ᐊᒪ ᓱᓕ, ᑎᑎᕋᖅᓯᒪᔪᑦ ᒪᓕᒐᓕᐅᕐᕕᖕᒥ ᐊᑐᐃᓐᓇᐅᔪᑦ ᖃᑉᓗᓇᑐᑦ ᑭᓯᒥ, ᒪᓕᒐᐅᓂᐊᖅᑐᒻᒥ ᐊᕿᒃᓯᓯᒪᖏᒪᑕ ᐊᕕᒃᓯᒪᓂᖓᓂ 3(2) ᔪᑲᓐᒥ ᐅᖃᐅᓯᓕᕆᓂᕐᒧᑦ ᒪᓕᒐᓕᐅᕐᕕᖕᒥ LLY.

ᑎᑎᕋᖅᓯᒪᔪᑦ ᒪᓕᒐᓕᐅᕐᕕᐅᑉ ᐃᓗᐊᓐᓂ ᓴᕿᑎᑕᐅᔪᖕᓇᖅᐳᑦ ᐅᖃᐅᓯᖅ ᐊᑐᒐᐅᔪᖅ ᑲᑎᒪᕕᖕᒥ ᒪᓕᒡᓗᒍ. ᑭᓯᐊᓂ, ᐃᖃᓇᐃᔭᖅᑎᑦ ᒪᓕᒐᓕᐅᕐᕕᖕᒥ ᖃᐅᔨᒪᖕᒪᑕ ᑐᑭᓕᐅᖅᑕᐅᔪᓪᓗᐊᕐᓂᖏᓐᓂᒃ ᑎᑎᕋᖅᓯᒪᔪᑦ ᑭᓯᐊᓐᓂ ᐊᑐᐃᓐᓇᐅᔪᖃᖅᐸᑦ ᐊᒪ ᒪᓕᒐᓕᐅᕐᕕᒃ ᐱᓕᕆᖃᑎᖃᕐᓗᓐᓂ ᐅᖃᐅᓯᓕᕆᔨᖏᓐᓂᒃ ᑐᑭᓕᐅᖅᑕᐅᓂᖏᓐᓂᒃ ᑭᓯᐊᓂ ᐊᖏᖅᑕᐅᓯᒪᖏᑐᑦ ᐊᕕᒃᓯᒪᓂᖓᓂ 3(2) ᔪᑲᓐ ᒪᓕᒐᓕᐅᕐᕕᖓᓐᓂ LLY.

ᐊᑕᓐᓂ ᐊᕕᒃᓯᒪᓂᖓᓂ 4 ᔪᑲᓐᒥ ᒪᓕᒐᓕᐅᕐᕕᖓᑕ, ᐱᖁᔭᐃᑦ, ᒪᓕᒐᐃᓪᓗ ᖃᖏᖅᑕᐅᓯᒪᔪᑦ ᒪᓕᒐᓕᐅᕐᕕᖕᒧᑦ ᑎᑎᕋᒐᐅᓗᑎᒃ ᖃᑉᓗᓇᑐᑦ ᕕᕕᑎᑐᓪᓗ.

v. ᑯᐃᓐ ᓄᓇᖓᑕ ᒪᓕᒐᓕᐅᕐᕕᖓ

ᔅᑲᐊᑦᓚᓐ ᒪᓕᒐᓕᐅᕕᖓᑕ ᐱᖁᔭᖏᑦ ᖃᑉᓗᓇᑐᑦ ᐱᓕᕆᓂᐊᕐᒪᑕ ᒪᓕᒐᓕᐅᕐᕕᖕᒥ ᑭᓯᐊᓐᓂ ᑲᑎᒪᔨᐊᔪᑦ ᐅᖃᕈᖕᓇᖅᐳ ᑦ ᒐᐃᓕᒃᑐᑦ ᐊᓯᐊᓂᒡᓗᓂᑦ ᐅᖃᐅᓯᕐᒥᒃ ᐊᑐᕐᓗᑎᒃ ᐊᖏᖅᑕᐅᓯᒪᒃᐸᑕ ᐱᖁᔭᓕᕆᔨᒧᑦ. ᒪᓇ ᒪᕈᑐᐃᓐᓇᖕᓂᒃ ᐅᖃᕈᖕᓇᖅᑐᖃᖅᐳᖅ ᒐᐃᓕᒃᑐᑦ ᔅᑲᐊᑦᓚᓐ ᒪᓕᒐᓕᐅᕐᕕᖓᓐᓂ.[52]

ᒋᐃᓕᒃ ᐅᖃᐅᓯᖓᑕ (ᔅᑲᑦᓚᓐᒥ) ᐱᖁᔭᖓ 2005 ᓴᕿᑎᑕᐅᓚᐅᕐᒪᑦ ᔅᑲᑦᔅ ᒋᐃᓕᕐᒧᑦ ᐅᖃᐅᓯᐅᓂᐊᕐᓗᓐᓂ ᔅᑲᐊᑦᓚᓐᒥ ᒥᐊᓂᕆᔭᐅᓯᒪᓗᓐᓂ. ᐃᓕᓯᓯᒪᕗᕐᓗ ᐱᓕᕆᐊᖑᓂᐊᖅᑐᓐᓂᒃ ᑎᒥᐅᔪᓄᑦ ᒥᐊᓂᕆᔭᐅᖁᑉᓗᒋᑦ ᒋᐃᓕᒃ ᐅᖃᐅᓯᖏᑕ ᐸᕐᓇᐅᑎᖏᑦ, ᐃᑲᔪᕈᑕᐅᓂᐊᖅᑐᑦ ᓯᕗᓂᕐᒥ ᐱᕈᖅᐸᓕᐊᓂᖓᓐᓂᒃ ᒋᐃᓕᐅᑉ.[53] ᒋᐃᓕᒃ ᐅᖃᐅᓯᖓᑕ ᐸᕐᓇᐅᑎᖓ ᑐᑭᓕᐅᖅᓯᒪᔭᕆᐊᖃᖅᐳᑦ ᒋᐃᓕᒃᑐᑦ ᓇᓗᓇᐃᖅᓯᒪᓗᓂᓗ MSPs ᐊᑐᕈᖕᓇᕐᓂᐊᕐᒪᑦ ᒋᐃᓕᒃ ᑲᑎᒪᔪᑕᐅᓂᖏᓐᓂ, ᓴᕿᑎᑦᓯᓗᑎᒡᓗ ᐊᖏᖅᑕᐅᓯᒪᓂᖏᓐᓂᒃ ᐊᖓᔪᖃᕐᒥᑦ ᑲᑎᒪᔨᐊᓚᓐᓂᓪᓗᓐᓂᑦ ᓯᕗᓂᖓᓂ (ᑲᑎᒪᔨᐊᓚᑦ ᐊᖓᔪᖃᖓᓐᓂᑦ).

ᐊᔨᑎᐊᖓᓐᓂᒃ, ᐃᓚᐅᖁᔭᐅᕗᑦ ᐅᖃᐅᓯᖃᕐᓂᖓᓐᓂ ᒪᓕᒐᓕᐅᕐᕕᐅᑉ ᑲᑎᒪᔨᐅᓚᓐᓂᓗ ᑐᓴᓗᑎᒃ ᐊᑐᕈᖕᓇᖅᐳᑦ ᒐᐃᓕᒃ ᐊᖏᖅᑕᐅᓂᖏᑕ ᓯᕗᓂᖓᓂ. ᓴᓇᑕᐃᓕᑉ ᒪᕈᒃ ᑐᓴᖅᑎᑕᐅᓂᖓᓐᓂ ᓯᕗᓂᖓᓂ ᐊᑐᕈᒪᓐᓂᖅᐸᑦ ᒋᐃᓕᒃ ᑐᑭᓕᐅᕆᔨ ᐊᑐᐃᓐᓇᐅᖁᑉᓗᒍ.[54] ᒋᐃᓕᒃ ᑐᑭᓕᐅᖅᑕᓂᖏᑦ ᒪᓕᒐᓕᐅᕐᕕᖕᒥ ᐱᓕᕆᐊᖑᔪᓐᓂᒃ ᑲᓐᑐᕋᒃᓯᒪᔪᑎᒍᑦ ᐱᓕᕆᐸᖑᑉᓗᑎᒃ.[55]

ᐊᒪ ᓱᓕ, ᒪᓕᒐᐃᑦ ᑎᑎᕋᒐᐅᔪᖕᓇᖅᐳᑦ ᒐᐃᓕᒃ ᐊᑐᕐᓗᒍ ᐊᖏᖅᑕᐅᓯᒪᓐᓂᖅᐸᑕ ᑲᑎᒪᔨᕐᔪᐊᕐᓂᑦ ᑲᑎᒪᔨᐊᓚᓂᓪᓗ, ᐅᓂᑉᑲᖅᓯᒪᔪᑦ ᑎᑎᕋᒐᐅᓗᑎᒃ ᐱᓕᕆᐊᖃᖅᑐᑦ ᑲᑎᒪᔨᐊᓚᑦ ᓇᒻᒪᒃᓴᕐᓂᖏᓐᓂ. ᒪᓕᒐᖑᕐᓂᐊᖅᑐᑦ, ᓄᑕᐅᓂᐊᖅᑐᑦ ᐊᐱᖁᑎᓪᓗᓐᓂᑦ ᑐᓂᔭᐅᔪᖕᓇᖅᐳᑦ ᒐᐃᓕᒃ ᑐᑭᓕᐅᖅᑕᐅᓯᒪᓗᓐᓂ, ᖃᑉᓗᓇᑐᑦ ᐅᖃᓕᒪᒐᖑᖅᓯᒪᓕᕐᓗᓂ. ᒋᐃᓕᒃ ᐊᑐᒐᐅᒃᐸᑦ ᑲᑎᒪᑎᓪᓗᒋᑦ ᑲᑎᒪᔨᐊᓚᓐᓂᓗ, ᑎᑎᖃᖏᑦ ᒋᐃᓕᒃ ᕼᐊᓐᓴᓐᒥ ᑕᑯᒃᓴᐅᔭᕆᐊᖃᖅᐳᑦ ᖃᑉᓗᓇᑐᑦ ᑐᑭᓕᐅᖅᓯᒪᓗᒋᑦ.[56]

vi. ᔪᓇᐃᑎᑦ ᑭᖕᑕᒻ ᑲᑎᒪᔨᕐᔪᐊᖏᑦ

ᕕᐅᔅ ᐅᖃᐅᓯᖏᓐᓄᑦ ᐱᖁᔭᖅ 1993, ᖃᖏᖅᑎᑕᐅᓚᐅᖅᐳᖅ ᑯᐃᓐ ᓄᓇᖓᑕ ᒐᕙᒪᖏᓐᓄᑦ (R.-U.) ᑲᑎᒪᕕᒡᔪᐊᖅ, ᐱᓕᕆᐊᖃᖅᐸᒃᑐᖅ ᐊᑐᒐᐅᓂᖏᓐᓂᒃ ᕕᐅᒡ ᐅᖃᐅᓯᖏᓐᓂᒃ ᓄᓇᓕᐅᑉ ᕕᐅᔅ ᓄᓇᖁᑎᖓᓐᓂ. ᐃᓗᓕᖏᑦ ᓄᑕᖑᖅᑎᖅᑕᐅᓚᐅᖅᐳᑦ ᕕᐅᔅ ᐅᖃᐅᓯᓕᕆᔨᖏᓐᓄᑦ 2011, ᑕᒪᕐᒥᒡᓗ ᒪᓕᒐᕐᓂᒃ ᒪᓕᓕᖅᖢᑎᒃ ᐅᖃᐅᓯᓕᕆᓂᕐᒥᒃ ᕕᐅᔅ ᐅᖃᐅᓯᖏᓐᓂᒃ. ᐊᖏᕈᑎᒃ ᑕᒪᕐᒥᒃ ᐊᑐᖁᔨᓯᒪᖕᒪᓂᒃ ᕕᐅᔅ ᖃᑉᓗᓇᑐᓪᓗ ᐅᖃᐅᓯᒃ ᐊᔨᖏᒻᒥᒃ ᐃᓱᒪᒋᔭᐅᓗᑎᒃ ᑲᑎᒪᕕᐅᑉ ᐃᓗᐊᓐᓂ ᐊᑐᒐᐅᓂᐊᖅᑎᓪᓗᒋᒃ ᕕᐅᑉᔅ ᑲᑎᒪᕕᖓᓐᓂ.[57]

ᐊᔪᕈᖕᓇᐃᖅᓴᕐᓂᖅ ᐊᒪ ᑲᔪᓯᑎᑦᑎᓂᖅ, ᐅᖃᐅᓯᑦ ᑯᐃᓐ ᓄᓇᖓᓐᓂ ᑲᓇᑕᒻᒥ ᑲᑎᒪᕕᒡᔪᐊᕐᕕᒃ ᖃᑉᓗᓇᑐᑦ ᐅᖃᕆᐊᖃᖅᐳᑦ. ᑲᑎᒪᔨᐊᔪᑦ ᐊᖏᑕᐅᓯᒪᕗᑦ ᑕᑭᓗᐊᖏᑐᒻᒥᒃ ᐅᖃᕈᖕᓇᕐᓂᕐᒥᒃ ᐊᓯᖏᓐᓂ ᐅᖃᐅᓯᕐᓂᒃ ᐊᑐᕐᓗᑎᒃ ᑭᓯᐊᓐᓂ ᑐᑭᓕᐅᖅᑕᐅᔭᕆᐊᖃᖅᐳᑦ.[58]

ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᒪᓕᒐᓕᐅᕐᕕᖕᒥ ᐊᑐᖅᑎᑦᓯᔪᖕᓇᖅᐳᑦ ᕕᐅᔅ ᑲᑎᒪᕕᐅᑉ ᐃᓗᐊᓐᓂ ᐊᑐᖅᑕᐅᓱᖅᑐᓐᓂᒃ, ᑕᒪᕐᒥᒃ ᑐᕋᖓᑉᓗᑎᒃ ᕕᐅᔅᒧᑦ. ᑎᐊᓐᓇᑐ, ᒪᐊᑦᔅ 1, 2017, ᑲᑎᒪᕕᒃ ᓄᑎᒋᐊᓚᐅᕐᒪᑦ ᐊᖏᖅᓯᒪᑉᓗᓐᓂ ᖃᑉᓗᓇᑐᑦ ᐅᖃᐅᓯᐅᓂᐊᕐᒪᑦ ᑲᑎᒪᕕᐅᑉ ᐃᓗᐊᓐᓂ, ᑭᓯᐊᓐᓂ ᕕᐅᔅ ᐃᓱᒪᒥᖕᓂᒃ ᐅᖃᐅᓯᕐᒥᒃ ᐊᑐᕈᖕᓇᖅᑐᑦ ᑲᑎᒪᔨᐅᓚᓂ ᕕᐅᔅᓗ ᑲᑎᒪᔨᐅᓚᖁᑎᖏᓐᓂ.[59] ᑲᑎᒪᕕᐅᑉ ᑲᑎᒪᔨᐊᓚᖏᓐᓂ, ᐃᒃᓯᕙᐅᑕᖅ ᑐᓴᖅᑎᑦᓯᓗᓐᓂ ᐅᖃᕈᒪᔪᖃᖅᐸᑦ ᕕᐅᔅᒧᑦ ᖃᑉᓗᓇᑐᑦ ᑭᓯᐊᓐᓂ ᐅᖃᕆᐊᖃᕋᔭᖅᐳᖅ ᕕᐅᔅᖑᖏᑐᖅ ᐃᒃᓯᕙᐅᑕᖓ ᑎᑎᕋᖅᑎᖓᓪᓗ ᑭᐅᔭᕆᐊᖃᕐᒪᓂᒃ ᐊᐱᖁᑕᐅᔪᓄᑦ. Hᐊᓐᓴᑦ ᑎᑎᖃᖁᑎᖏᑦ ᑎᑎᕋᖅᐸᒃᐳᑦ ᐅᖃᐅᓯᐅᔪᓗᒃᑕᓐᓂᒃ ᕕᐅᔅ ᐅᖃᐅᓯᖓ ᐊᑐᖅᖢᒍ ᑭᖑᓂᖓᒍᑦ ᖃᑉᓗᓇᑐᑦ ᑐᑭᓕᐅᖅᑕᐅᑉᓗᑎᒃ.[60]

ᕕᐅᔅ ᑲᑎᒪᔨᐊᓚᖏᑦ ᐃᓚᐅᔪᑦ ᕕᐅᔅ ᐃᒃᓯᕙᐅᑕᖃᕐᕕᖏᓐᓂ ᑲᑎᓪᓗᑎᒃ 5ᖑᔪᑦ ᑲᑎᒪᔨᐊᓚᓂᓯᐅᖅᑐᑦ. ᑲᑎᒪᕙᒃᑐᑦ ᐊᕋᒍᑕᒪᑦ ᐊᑕᐅᓯᖅᖢᑎᒃ ᒪᕈᐃᖅᖢᑎᒡᓗ. ᑲᑎᒪᑎᓪᓗᒋᑦ ᕕᑉᕈᐊᕆ 2018, 60 % ᑲᑎᒪᓂᐅᔪᑦ ᑲᔪᓯᑎᑕᐅᓚᐅᖅᐳᑦ ᕕᐅᔅᑯᓐᓄᑦ ᑐᑭᓕᐅᖅᑕᐅᑉᓗᑎᒃ ᕕᐅᔅᒥᑦ ᖃᑉᓗᓇᑐᑦ.[61]

ᕕᐅᔅ ᐱᓕᕆᐊᖏᓐᓄᑦ ᑲᑎᒪᔨᐊᓚᑦ ᐊᑐᕈᖕᓇᖅᐳᑦ ᕕᐅᔅᒥᒃ ᑲᑎᒪᓂᖓᓐᓂ, ᑭᓯᐊᓐᓂ ᖃᑉᓗᓇᑐᑦ ᐱᓕᕆᕙᒃᐳᑦ ᑲᑎᒪᓂᖏᓐᓂ. ᖃᑉᖢᓴᑐᐃᓐᓇᖅ ᐱᓕᕆᕙᖕᒪᖓ ᑭᓯᐊᓐᓂ ᑐᒃᓯᕋᖅᑐᖃᖅᓯᖕᒪᖕᒪᑦ ᕕᐅᔅ ᐃᓂᖃᖅᑎᑕᐅᖁᑉᓗᒍ. ᑲᑎᒪᔨᐊᓚᑦ ᑲᑎᒪᓂᖓᑦ 27 ᒪᐊᑦᔅ 2018 ᒪᕈᐃᓂᒃ ᐅᖃᐅᓯᖕᓂᒃ ᐊᑐᓚᐅᕐᒪᑕ ᐊᒻᒪ ᑎᑎᕋᒐᐅᓂᖓᑦ ᑕᒪᕐᒥᒃ ᕕᐅᔅ ᑎᑎᖃᖏᓪᓗ ᖃᓗᓇᑐᖅᑐᑦ ᑐᑭᓕᐅᖅᑕᐅᓂᖏᑦ.[62]

vii. ᒪᓕᒐᓕᐅᕐᕕᖓ ᐅᑭᐅᖅᑕᖅᑐᒻᒥᐅᒃ ᐊᕕᒃᓯᒪᓂᖓᓐᓂ(ᐊᔅᑐᕆᓕᐊ)

ᐅᑭᐅᖅᑕᖅᑐᕐᒥᐅᑦ ᐊᕕᒃᓯᒪᓂᖓᑦ ᐅᖃᐅᓯᕐᒥᒃ ᐃᓕᑕᕆᔭᐅᓯᒪᔪᒻᒥᒃ ᐱᖃᖏᑲᓗᐊᖅᖢᓐᓂ,[63] ᖃᑉᓗᓇᑐᑦ ᓇᒻᒪᒋᔭᐅᕗᖅ ᒐᕙᒪᑯᓐᓂ ᐅᖃᐅᓯᐅᕙᒃᖢᓂᓗ ᒪᓕᒐᓕᐅᕐᕕᖕᒥ.[64] ᐊᑐᒐᐅᓱᖅᑐᑐᖃᖅ ᑲᑎᒪᔨ ᓇᓕᐊᖕᓂᑐᐃᓐᓇᖅ ᐅᖃᕈᖕᓇᒪᐅᕐᒪᑦ ᒪᓕᒐᓕᐅᕐᕕᐅᑉ ᐃᓗᐊᓂᐅᖏᑐᖅ. ᐃᓗᐊᓂ 2016, ᓱᓇᑐᐃᓐᓇᓕᕆᔨᑦ ᒪᓕᖁᔭᖓᑦ ᒪᓕᒐᓕᐅᕐᕕᖕᒥ ᓄᓇᑦᓯᐊᕐᒥ ᐊᕿᒋᐊᖅᑕᐅᓚᐅᕐᒪᑦ ᑲᑎᒪᔨ ᐅᖃᕈᖕᓇᖅᑐᖅ ᖃᑉᓗᓇᑐᑦ ᐊᓯᐊᓂᒃ ᑭᓯᐊᓐᓂ ᑭᖑᓂᖓᒍᑦ ᖃᑉᓗᓇᑐᑦ ᐅᖃᓕᕐᓗᓂᐅᒃ ᑐᑭᓕᐅᓕᕐᓗᓂᐅᒡᓗ ᑎᑎᕋᖅᓯᒪᑎᐊᕐᓂᐊᕐᒪᑦ. ᑲᑎᒪᔨᐊᓚᑦ ᑭᓯᐊᓐᓂ ᐅᔨᕈᓱᒃᐳᑦ ᑕᒻᓇ ᑲᑎᒪᔨᑦ ᐅᖃᕈᖕᓇᕐᓂᖓᓐᓂᒃ ᓇᐃᓕᑎᑦᓯᖕᒪᑦ ᐊᒻᒪ ᐊᓯᐊᒍᑦ ᐅᖃᑲᓂᕐᓂᖅ ᐊᔪᓕᖅᑎᑦᓯᑉᓗᑎᒃ ᑐᑭᓕᐅᖅᑕᐅᓯᒪᔪᓐᓂᒃ. ᑲᑎᒪᔨ ᑎᑎᕋᕆᐊᖃᖅᐳᖅ ᐅᖃᐅᓯᕆᓂᐊᖅᑕᒥᓂᒃ ᓯᕗᓂᖓᓂ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐅᖃᕐᓂᐊᕐᓂᖅᐸᑦ ᒪᓕᒐᓕᐅᕐᕕᖕᒥ ᐊᑐᐃᓐᓇᐅᓂᐊᖅᐳᓪᓗ ᒪᓕᒐᓕᐅᕐᕕᐅᑉ ᑎᑎᖃᖁᑎᖏᓐᓂ ᖃᑉᓗᓇᑐᖅᑐᑦ ᓴᓂᐊᓐᓂ.[65] ᐊᕋᒍᒻᒥ 2016, ᓄᑕᐅᔪᖃᓚᐅᖅᐳᖅ ᖃᓄᐃᓕᐅᕈᑎᓕᒪᓐᓂᒃ ᐱᓕᕆᐊᖃᖅᑐᓂᑦ ᐊᓯᐊᖑᖅᑕᐅᖁᑉᓗᒍ ᑲᑎᒪᔨᑦ ᐅᖃᕈᖕᓇᕐᓂᖓᑦ ᐅᖃᐅᓯᕐᒥᒃ ᐊᓯᐊᓂᒃ ᐊᑐᕐᓗᑎᒃ ᑭᓯᐊᓐᓂ ᓄᑕᐅᓂᖅ ᑕᒻᓇ ᑲᔪᓯᓚᐅᖏᓚᖅ.[66]

ᑐᑭᓕᐅᕐᓂᖅ ᐊᑐᒐᐅᖏᑐᖅ ᒪᓕᒐᓕᐅᕐᕕᐅᑉ ᐃᓗᐊᓐᓂ ᒪᓐᓇ ᐊᕿᒃᓯᒪᔪᖃᖏᖢᓂᓗ ᑐᑭᓕᐅᕈᑎᓐᓂᒃ ᒪᓕᒐᓕᐅᕐᕕᖕᒥ.[67] ᒪᓕᒐᓕᐅᕐᕕᒃ ᑭᓯᐊᓐᓂ ᑐᑭᓕᐅᖅᑎᑦᓯᕙᒃᐳᖅ ᐊᓯᖏᓐᓂᒃ ᐱᓕᕆᐊᖑᔪᓐᓂᒃ ᐃᓄᖕᓄᑦ ᑐᕋᖓᔪᓐᓂᒃ ᓄᓇᓕᖕᓂ. ᓄᓇᖃᖅᖃᖅᓯᒪᔪᑦ ᑐᑭᓕᐅᖅᑎᖏᓐᓂᒃ ᐱᓕᕆᐊᖃᖅᑐᑦ ᐱᓕᕆᐊᖃᖅᑐᑦ ᑐᑭᓕᐅᕆᓂᕐᒥᒃ ᒪᓕᒐᓕᐅᕐᕕᖕᒥ ᑲᑎᒪᔨᐅᓚᓄᑦ ᐊᕋᒍᑦ 7 ᐅᕙᓗᓐᓂᑦ 8 ᐱᐊᓂᒃᓯᒪᓕᖅᑐᑦ ᐊᑐᐃᓐᓇᐅᑎᑦᑎᑉᓗᑎᒡᓗ ᐊᑐᒐᐅᓪᓗᕆᒃᑐᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ.[68]

ᖃᓂᑕᖓᓂᓯᐅᖅᐳᑦ ᐅᖓᑕᓐᓂ 100 ᐊᔾᔨᖏᖏᑐᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᐅᖃᖅᑕᐅᕙᒃᑐᑦ ᐃᓄᐃᑦ ᓄᓇᖓᓐᓂ ᐅᑭᐅᖅᑕᖅᑐᒻᒥᓗ. ᐃᓱᒪᒋᔭᐅᕗᖅ 70 000 ᓄᓇᖃᖅᖃᖅᓯᒪᔪᑦ ᓄᓇᑦᓯᐊᕐᒥ (30% ᐊᒥᓱᓂᖏᑦ ᓄᓇᑦᓯᐊᕐᒥᐅᑦ), ᑕᑉᑯᐊᓕ 60% ᐅᖃᕈᖕᓇᖅᑐᑦ ᓄᓇᖃᖅᖃᖅᓯᒪᔪᑎᑐᑦ ᐅᕙᒍᒥᖕᓂ ᓄᓇᓕᖕᒥᓗ ᐅᑉᓗᑕᒪᑦ.[69] ᐅᖓᑕᓐᓂ 100 ᐊᔨᖏᖏᑐᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐅᖃᕈᖕᓇᖅᑐᑦ ᓄᓇᑦᓯᐊᕐᒥ, ᑭᓯᐊᓐᓂ ᑎᑎᕋᕐᓂᖅ ᐊᔪᖅᑐᑦ. ᒪᓕᒐᓕᐅᕐᕕᒃ ᐃᓚᐅᑎᑦᓯᓚᐅᕐᒪᑦ ᐊᑕᐅᓯᕐᒥᒃ ᓄᓇᖃᖅᖃᖅᓯᒪᔪᒻᒥᒃ ᑲᑎᒪᔨᐅᑉᓗᓐᓂ ᑕᐃᑉᓱᒪᖓᑦ ᐱᒋᐊᕐᒪᑦ 1974.[70]

ᐅᖃᐅᓯᐅᓂᖓᑦ

A. ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᑲᓇᑕᒻᒥ; ᐱᒋᐊᖅᐸᓕᐊᓂᖏᓐᓂᒃ ᓇᐃᑐᑉᓗᒍ ᐅᖃᐅᓯᖃᖅᑐᖅ

ᐊᒥᓱᑦ ᑐᓴᓚᐅᖅᑐᑦ ᑲᑎᒪᔨᐅᓚᓂ ᐅᖃᐅᓯᖃᓚᐅᕐᒪᑕ ᐊᑐᖁᔭᒥᖕᓂᒡᓗ ᐅᖃᖅᐸᒃᖢᑎᒃ ᐊᑐᖅᑕᐅᓂᖏᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑲᓇᑕᐅᑉ ᒪᓕᒐᓕᐅᕐᕕᖓᓐᓂ ᐊᕋᒍᓐᓂ ᐊᑐᐊᓂᒃᓯᒪᔪᓐᓂ ᐅᑉᓗᒥᐅᓕᖅᑐᖅ ᐊᒻᒪ ᓯᕗᓂᕐᒥ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑲᓇᑕᒻᒥ. ᖃᐅᔨᓴᕐᓂᖏᓐᓄᑦ ᑲᑎᒪᔨᐊᓚᑦ ᐊᑐᖅᑕᐅᓂᖏᓐᓂᒃ ᐅᖃᐅᓯᑦ ᒪᓕᒐᓕᐅᕐᕕᖕᒥ ᓄᓇᖃᖅᖃᖅᓯᒪᔪᑦ ᑲᑎᒪᕕᖕᒥ, ᑲᑎᒪᔨᐊᓚᑦ ᐊᑐᕐᓂᖃᕈᒋᖕᓂᓚᐅᕐᒪᑕ ᐊᑐᖅᑕᐅᓂᖏᓐᓂᒃ ᐅᑉᓗᒥᐅᓕᖅᑐᖅ ᐅᖃᐅᓯᐅᔪᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑲᓇᑕᒻᒥ, ᐃᓱᒪᑲᓂᕈᑕᐅᑉᓗᓂᓗ ᑐᓴᐅᒪᑎᑦᑎᓂᕐᒥᒃ ᐅᖃᐅᓯᐅᔪᓐᓂᒃ ᒪᓕᒐᓕᐅᕐᕕᖕᒥ.

ᓯᕗᓪᓕᕐᒥᒃ, ᐃᓗᐊᓐᓂ 2016 ᖃᐅᔨᓴᕐᓂᐅᑉ, 1,6 ᒥᓕᔭᓐ ᑲᓇᑕᒻᒥᐅᑦ ᓄᓇᖃᖅᖃᖅᓯᒪᔪᓂᕋᒐᐅᕗᑦ ᐃᓄᒋᐊᖕᓂᑲᖅᖢᑎᒡᓗ 260 000 ᐊᑐᕈᖕᓇᖅᑐᑦ ᐅᖃᕈᖕᓇᖅᑐᓪᓗ ᓄᓇᖃᖅᖃᖅᓯᒪᔪᑦ ᐅᖃᐅᒥᖓᓐᓂᒃ.[71] ᒪᓇᐅᔪᖅ ᐱᑕᖃᖅᐳᖅ 58 ᐅᖃᐅᓯᕐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑲᓇᑕᒻᒥ, ᐊᒥᓱᓂᖅᓴᐅᑉᓗᑎᒃ ᐅᖃᐅᓯᓪᓚᒃᑕᑦ ᐊᑐᒐᐅᕙᒃᑐᑦ.[72] ᑕᑉᑯᐊ ᐅᖃᐅᓯᑦ ᒪᓕᒃᖢᒋᑦ, 6ᖑᕗᑦ ᐊᒥᓱᓂᖃᖅᑐᑦ 10 000 ᐃᓄᐃᑦ ᐊᓇᓇᒥᖕᓂᑐᑦ ᐅᖃᕈᖕᓇᖅᑐᑦ ᐃᓄᒐᒻᒥᒃ: ᐅᓇᓕᑦ ᐅᖃᐅᓯᖏᑦ, ᐊᓪᓚᐃᑦ, ᐃᓐᓄ, ᐃᓄᒃᑐᑦ, ᐅᔨᑉᕕ ᐊᒻᒪ ᐅᔾᔨ ᐅᓇᓕᑦ.[73]

ᑭᓯᐊᓂ, ᑲᑎᒪᔨᐊᓚᑦ ᑐᓴᓚᐅᕐᒪᑕ ᑕᐃᑉᓱᒪᖓᑦ ᐊᑐᖅᑎᓪᓗᒋᑦ 1940, ᐃᓱᒪᓗᒋᔭᐅᓕᓚᐅᖅᐳᖅ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᐊᑐᖅᑕᐅᓗᐊᕈᖕᓇᐃᖅᐸᓕᐊᓂᖏᓐᓂᒃ.[74] ᐱᒋᐊᖅᖢᓐᓂ 1980, ᐊᓪᓚᐃᑦ ᐃᓄᖁᑎᖏᑦᑕ ᑲᑎᒪᔨᕐᔪᐊᖏᑦ ᓄᑎᑦᓯᒋᐊᓚᐅᖅᐳᑦ ᐅᖓᑕᓐᓂ 18 ᓄᒋᐊᕈᙱᓂᒃ ᖃᓄᐃᓕᐅᖅᑕᐅᖁᔨᑉᓗᑎᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᐱᑕᖃᐃᓐᓇᕈᑎᒃᓴᖏᓐᓂᒃ.[75] ᖃᐅᔨᓴᕐᓂᑯᓂᑦ ᑐᑭᓯᓇᓚᐅᖅᑐᖅ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᐊᓇᓇᒥᖕᓂᑦ ᐅᖃᐅᓯᐅᒋᐊᓚᐅᖅᑐᑦ ᐊᑐᖅᑕᐅᓗᐊᕈᖕᓇᐃᖅᐸᓕᐊᖕᒪᑕ .[76] ᐃᓚᑲᓂᕐᓗᒍ, ᐃᓄᐃᑦ ᓄᓇᖃᖅᖃᖅᓯᒪᔪᑦ ᓄᑕᕋᐅᑉᓗᑎᒃ ᐅᖃᕆᐅᖅᓴᓂᑯᑦ ᐊᕋᒍᒻᒥ 2016 ᐅᑯᐊᖑᑉᓗᑎᒃ 36,7 ᐊᕋᒍᖃᖅᑐᑦ ᐃᓄᒋᐊᒃᓯᕙᓪᓕᓚᐅᖅᐳᓪᓗ ᐊᕋᒍᑦ 9 ᐃᓗᐊᓐᓂ 1981 ᖃᐅᔨᓴᒐᐅᓂᖓᓐᓂ.[77] ᑕᑕᒻᓇᒻᒥ ᐊᒥᓱᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᑲᓇᑕᒻᒥ ᐃᓱᒪᒋᔭᐅᓯᒪᓕᖅᑐᑦ “ᐊᓯᐊᕙᓪᓕᐊᓕᖅᑐᑦ.”[78]

ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᐊᓯᐊᕙᓪᓕᐊᓂᖓᑦ ᐱᔪᑎᖃᕐᒪᑦ ᑲᓇᑕᒻᒥ ᒐᕙᒪᑯᑦ ᒪᓕᒐᓕᐊᖏᓐᓂᒃ ᐱᖁᔭᓕᐊᖏᓐᓂᒡᓗ ᐱᓗᐊᖅᑐᒻᒥᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐊᖓᔪᖃᒥᖕᓂᑦ ᐊᐅᓚᖅᑎᑕᐅᑉᓗᑎᒃ, ᑕᒪᑯᐊ ᐅᖃᐅᓯᐅᓚᐅᖅᑐᑦ ᑲᑎᒪᔨᐊᓚᓄᑦ ᐅᖃᐅᑎᔭᐅᓂᖏᓐᓂᒃ ᑲᑎᒪᔭᖅᑐᓚᐅᖅᑐᑦ.[79] ᐊᑕᐅᓯᐅᑉ ᐅᖃᐅᓯᖓᓄᑦ, ᐊᑐᑎᖃᖅᑐᖅ ᐊᒥᓱᑦ ᓄᓇᖃᖅᖃᖅᓯᒪᔪᑦ ᐃᓚᐅᓚᐅᖅᑐᑦ ᐃᓕᓐᓂᐊᕐᕕᖕᓂ ᐅᒍᐊᖅᑐᐃᓐᓇᖅᐳᑦ ᐃᓄᓂᕐᒥᖕᓂᑦ ᐅᖃᐅᓯᕐᒥᒃ ᐊᑐᖅᑕᕐᓂᕐᒥᖕᓂᒃ.[80]

ᒪᓇᐅᔪᖅ ᓴᕿᓚᐅᖅᑐᑦ ᑲᑎᒪᔨᐅᓚᓄᑦ ᐅᖃᓚᐅᕐᒪᑕ ᐊᑐᑎᖃᕐᓂᖓᓂᒃ ᐳᐃᒍᖅᑕᐃᓕᓂᕐᒥᒃ ᐊᑐᐃᓐᓇᐅᑎᑦᑎᓂᕐᒥᒡᓗ ᑲᓇᑕᒻᒥ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ. ᑕᑉᑯᐊᓗ ᐅᖃᐅᓯᖃᓚᐅᖅᐳᑦ :

ᐅᖃᐅᓯᑦ ᐃᓚᒋᔭᐅᖕᒪᑕ ᐃᓕᖁᓯᑉᑎᖕᓄᑦ ᓯᕗᓂᒃᓴᑉᑎᖕᓄᓪᓗ ᐃᓱᒪᔪᓯᕗᑦ ᒪᓕᒃᖢᒍ. ᐊᕿᒃᓱᖅᐸᐸᕗᑦ ᐃᓱᒪᔪᓯᕗᑦ ᐅᖃᐅᓯᑉᑎᒍᑦ ᑐᓴᐅᒪᑎᑕᐅᓂᑯᓪᓗ ᐃᓕᖁᓯᑉᑎᖕᓂᒃ ᓯᕗᓕᑉᑎᖕᓂᑦ ᐱᒋᐊᖅᖢᒍ.[81]
ᑲᓇᑕᒻᒥ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᒥᐊᓂᕆᔭᐅᔭᕆᐊᖃᖅᐳᑦ ᐱᑕᖃᐃᓐᓇᖅᑎᑕᐅᓗᑎᒡᓗ ᓯᕗᓂᕐᒧᑦ.[82]
ᐃᓄᑐᖃᐃᑦ ᐃᓕᓐᓂᐊᖅᑎᑦᑎᔪᑦ ᒪᒃᑯᒃᑐᓂᒃ ᐳᐃᒍᖅᑕᐃᓕᓂᕐᒥᒃ ᓇᑭᖓᕐᓂᖏᓐᓂᒃ ᓯᕗᓕᖏᓐᓂᒡᓗ ᐅᖃᖅᑕᕐᓂᕐᒥᑎᒍᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ.[83]
ᑲᓇᑕᒻᒥ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᐃᓱᒪᒋᔭᐅᔭᕆᐊᖃᖅᐳᑦ ᒥᐊᓂᕆᔭᐅᔭᕆᐊᖃᖅᑐᑐᑦ ᐊᓯᐅᔨᑕᐃᓕᓗᒋᑦ.[84]
ᑐᓴᑉᓗᓐᓂ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐃᓄᐃᑦ ᑲᑎᒪᓂᖓᓐᓂᒃ ᑕᑯᒃᓴᐅᑎᑦᑎᕗᖅ ᐊᒃᑐᐃᓂᖃᖅᐳᕐᓗ ᐊᓯᖏᓐᓂᒃ ᓯᕗᓂᕐᒥ ᐃᓱᒪᒋᔭᐅᑲᓂᖁᑉᓗᒍ.[85]
ᐃᑲᔪᖅᑐᐃᓂᖅ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᒪᓕᒐᓕᐅᕐᕕᖕᒥ ᑐᓴᖅᑎᑦᑎᕗᖅ ᒪᒃᑯᒃᑐᓂᒃ ᓄᓇᖃᖅᖃᖅᓯᒪᔪᓂᒃ ᓯᕗᓪᓕᕐᒥᖕᓂᒃ ᐊᑐᓕᖅᑎᑕᐅᑲᓂᖅᑐᓐᓂᒃ ᐅᑉᓗᒥᐅᔪᖅ ᐃᓕᖁᓯᑦ ᒪᓕᒃᖢᒋᑦ. ᐃᓕᑕᕆᔭᐅᖁᑉᓗᒍ ᐱᓕᕆᖃᑎᒋᖕᓂᐅᔪᖅ ᓄᓇᖃᖅᖃᖅᓯᒪᔪᑦ ᖃᑉᓗᓇᓪᓗ ᑲᓇᑕᒥᐅᑕᐅᑉᓗᑎᒃ.[86] ᐃᑲᔪᖅᑐᐃᔪᖕᓇᖅᐳᖅ ᐊᑐᑲᓂᖁᑉᓗᒍ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᒪᒃᑯᒃᑐᓄᑦ.[87]
ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐊᑐᕈᖕᓇᕐᓂᖅ ᑲᑎᒪᕕᒡᔪᐊᕐᕕᖕᒥ ᐊᐅᓚᑕᐅᓂᖏᓪᓗ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᑲᓇᑕᐅᑉ ᒐᕙᒪᖏᓐᓂ. ᐃᑲᔪᖅᑐᐃᓂᐊᖅᐳᑦ ᑕᑉᑯᓂᖓ ᐅᖃᐅᓯᕐᓂᒃ, ᓄᓇᓕᑦ ᐃᓕᖓᓂᐊᖅᐳᑦ ᑐᓂᔭᐅᓂᐊᖅᐳᓪᓗ ᓄᓇᖃᖅᖃᖅᓯᒪᔪᑦ ᐃᓄᖁᑎᖏᓐᓄᑦ ᑲᓇᑕᐅᑉ ᐃᓕᖁᓯᑐᖃᖏᓐᓄᑦ.[88]

ᒪᓇᐅᔪᖅ, ᑲᓇᑕᐅᑉ ᑲᑎᒪᔨᕐᔪᐊᖏᑦ ᓄᓇᖃᖅᖃᖅᓯᒪᔪᒻᒥᒃ ᑲᑎᒪᔨᑕᖃᖅᐳᑦ ᑲᑎᒪᔨᐅᓂᖏᓐᓂ.[89] ᑲᑎᒪᔨᐊᓚᑦ ᑐᓴᓚᐅᕐᒪᑕ ᓯᕗᓂᖓᓂ ᓂᕈᐊᕐᓇᐅᑉ ᑲᑎᒪᔨᕐᔪᐊᖏᓐᓂ ᕈᒥᐅᓪ ᓴᒐᓐᓂᔅ, ᑲᑎᔨᐅᔪᖅ ᐊᐱᑎᐱᒻᒧᑦ —ᐸᐃ-ᔨᒻᔅ—ᓄᓇᕕᒃ—ᐃᔪᐅ, ᑐᓴᕐᓇᖅᑐᖃᓚᐅᖏᓚᖅ ᐅᓇᓕᑦ ᐅᖃᐅᓯᖓᓐᓂᒃ “ᑲᑎᒪᔨᕐᔪᐊᖑᔪᖅ ᑲᓇᑕᐅᑉ ᑲᑎᒪᕕᒡᔪᐊᖓᓐᓂ.” ᐅᖃᖃᑎᖃᓚᐅᖅᐳᑦ ᐊᒃᑐᓂᒃ, ᐅᖃᐅᓯᖅ yimstimagesu, ᐅᕙᓗᓂᑦ “ᐊᖑᑦ ᐅᕙᓗᕙ ᐊᕐᓇᖅ ᐅᖃᕈᔨᔪᖅ ᐃᓕᖕᓂᒃ” ᓴᕿᑎᑕᐅᓚᐅᖅᐳᖅ ᐊᑐᒐᐅᓂᐊᕐᓗᓐᓂ ᑲᓇᖕᕼᒻᒥ ᐅᓇᓪᓕᓄᑦ.[90]

ᐃᓱᒪᓗᖕᓇᖅᑐᒻᒧᑦ ᐊᑕᐅᓯᕐᒧᑦᑕᐅᖅ, ᐅᓇᓕᑦ ᐅᖃᐅᓯᖓᑦ, ᑲᑎᒪᔨᕐᔪᐊᖑᔪᖅ ᕕᓂᐱᒃ ᕿᑎᖓᓄᑦ ᖃᐅᔨᒋᐊᖅᐳᖅ ᐅᓇᓕᑦ ᐊᒃᑐᖏᓐᓂᒃ ᐅᖃᐅᓯᓕᕆᔨᓂᒡᓗ ᓴᕿᑎᑦᓯᔪᒪᑉᓗᓐᓂ ᐅᖃᐅᓯᕐᒥᒃ otapapistamâkew, ᐅᕙᓗᕙ “ᐃᓄᒃ ᑭᒐᖅᑐᖅᑐᖅ ᐅᖃᕈᔨᔪᑉᓗᓐᓂᑦ ᐊᓯᒥᓂᒃ.”[91]

ᑲᑎᒪᔨᐊᓚᑦ ᑐᓴᓚᐅᕐᒪᑕ ᐃᔾᔪᓪ ᐃᑦᓯ ᔨᒻᔅ ᑕᕆᐅᖓᓐᓂ ᒐᕙᒪᑯᑦ ᐊᑐᖅᐸᖕᒪᑕ ᑐᑭᓕᐅᖅᑕᐅᓯᒪᔪᓂᒃ ᖃᑉᓗᓇᑐᑦ, ᕕᕕᑎᑐᑦ ᐊᒻᒪ ᐅᓇᓪᓕᑐᑦ ᑲᑎᒪᓂᕐᒥᖕᓂ.[92] ᑐᑭᓕᐅᖅᑕᐅᔪᑦ ᐅᖃᖅᐸᓕᐊᑉᓗᑎᒃ ᐊᑐᖅᑕᐅᕙᒃᑐᖅ ᑲᑎᒪᔨᑦ ᐊᓯᐊᓂᒃ ᐅᖃᐅᓯᖃᕋᓗᐊᖅᑎᓪᓗᒋᑦ ᑭᓯᐊᓐᓂ ᐊᑕᐅᓯᐅᓂᕐᒥᒃ ᐃᓱᒪᖃᖅᑐᑦ ᐃᓚᐅᑎᑦᓯᓂᕐᒥᒡᓗ ᐊᓯᒥᖕᓂᒃ.[93] ᑲᑎᒪᔨᑦ ᑲᑎᒪᓂᖓ ᑐᓴᖅᓴᐅᕙᒃᑐᖅ ᐃᓄᓗᒃᑕᓐᓄᑦ ᑕᒪᓇᓗ ᐃᑲᔪᖅᑐᐃᓂᐅᑉᓗᓐᓂ ᒐᕙᒪᖃᕐᓂᕐᒥᒃ ᓄᓇᓕᐅᑉ ᐊᐅᓚᑕᖓᓐᓂᒃ.[94]

ᑲᑎᒪᔨᐊᓚᑦ ᑐᓴᑲᓂᓚᐅᕆᕗᑦ ᐊ9ᒪᐃᑦ ᑲᑎᒪᔨᕐᔪᐊᖏᓐᓂᑦ ᒪᐃ 2018 ᐅᔨᕐᓇᖅᑐᒻᒥᒃ ᑲᑎᒪᕐᔪᐊᕐᓂᖓᓐᓂ ᐊᑐᕐᓂᐊᕐᒪᑕ ᑐᑭᓕᐅᖅᑕᐅᓗᓂᓗ ᓄᓇᖃᖅᖃᓯᒪᔪᑦ ᐅᖃᐅᓯᖓᓐᓂᒃ ᓯᕗᓪᓕᖅᐸᒻᒥᒃ.

B. ᑐᑭᓕᐅᕆᓂᖅ ᐅᖃᖅᑎᐅᑕᓂᕐᓗ ᑲᓇᑕᐅᑉ ᑲᑎᒪᕕᐊᓗᖓᓐᓂ

ᑐᑭᓕᐅᕆᓂᖅ ᑎᑎᕋᖅᓯᒪᔪᓐᓂᒃ ᐅᖃᐅᓯᕐᒥᑦ ᐊᑕᐅᓯᕐᒥᑦ ᐊᓯᐊᓄᑦ ᑎᑎᕋᖓᐅᑉᓗᑎᒃ. ᐅᖃᖅᑐᑦ ᑐᑭᓕᐅᖅᑕᐅᓂᖏᑦ ᐅᖃᖅᐸᓕᐊᑉᓗᓐᓂ ᑐᑭᓕᐅᖅᑕᐅᓱᖅᑐᑦ.[95] ᐅᖃᖅᑐᖅ ᒪᓕᒃᓗᒍ ᑐᑭᓕᐅᖅᑕᐅᓱᖅᑐᑦ ᓂᐱᖃᖅᖢᑎᒃ, ᐅᖃᖅᑐᑦ ᓇᑭᑉᓂᖓ ᒪᓕᒃᓗᒍ, ᑕᑭᓗᐊᖏᑐᒥᒡᓗ ᐅᑲᖅᐸᒃᐳᑦ ᑐᑭᓕᐅᖅᑕᐅᑎᓪᓗᒋᑦ ᐅᖃᖅᐸᓕᐊᑉᓗᑎᒃ. ᒪᓇᐅᔪᖅ, ᐅᖃᖅᐸᓕᐊᕐᓗᓐᓂ ᑐᑭᓕᐅᕆᓂᖅ ᐅᖃᐅᓯᑦ ᐊᑐᖅᑕᐅᓱᐃᑦᑐᖕᒪᑕ ᑭᓯᐊᓐᓂ ᐃᓄᒃ ᐅᖃᖅᑐᖅ ᒪᓕᒃᑕᐅᑉᓗᓐᓂ ᐊᓯᐊᓂᒃ ᐅᖃᐅᓯᕐᒥᒃ ᐊᑐᖅᖢᑎᒃ ᑐᑭᓕᐅᖅᑕᐅᓱᖅᐳᑦ. ᐃᓗᓕᖏᓐᓂᒃ ᐅᖃᐅᓯᖃᖅᐸᒃᑐᑦ ᑭᓯᐊᓐᓂ ᑕᒪᕐᒥᒃ ᐅᖃᖅᑕᐅᔪᑦ ᑐᑭᓕᐅᖅᑕᐅᓱᐃᑦᑐᑦ ᐊᔪᕐᓇᕋᔭᕐᒪᑦ ᑎᑎᖃᕐᓂᐊᓗᒋᑦ ᐅᖃᖅᐸᓕᐊᔭᐅᔪᑦ.[96] ᐊᓯᐊᓂᒃ ᐊᑐᖅᖢᑎᒃ ᑐᑭᓕᐅᖅᑕᐅᓱᖅᑐᑦ ᐅᖃᐅᓯᐅᑉ ᐊᓯᐊᓂᒃ ᒪᓕᒃᖢᑎᒃ ᑐᑭᓕᐅᖅᐸᓕᐊᑉᓗᒍ ᐱᖓᔪᐊᖕᓄᑦᑎᑭᑦᖢᒍ ᑐᑭᓕᐅᖅᑕᐅᓂᖓ. ᐅᑯᐊᑐᑦ, ᐊᓯᐊᓂᒃ ᐊᑐᖅᖢᑎᒃ ᑐᑭᓕᐅᖅᑕᐅᓂᖓ ᐅᖃᐅᓯᖅ C, ᐅᖃᐅᓯᖅ A ᑐᑭᓕᐅᖅᑕᐅᓕᖅᐳᖅ ᐅᖃᐅᓯᕐᒧᑦ B ᐊᒻᒪ ᐅᖃᐅᓯᖅ B ᑐᑭᓕᐅᖅᑕᐅᑉᓗᓐᓂ ᐅᖃᐅᓯᕐᒧᑦ C. ᑕᒻᓇ ᐅᒃᑐᕋᐅᑦ ᒪᓕᒃᓗᒍ, ᐱᒋᐊᕈᑎᒋᔭᖓᑦ ᐅᖃᐅᓯᖅ B. ᑕᒻᓇ ᐊᓯᖏᓐᓂᒃ ᐊᑐᕐᖢᑎᒃ ᐅᖃᐅᓯᖃᕐᓂᖅ ᓇᒻᒪᑎᐊᕐᓂᖅᓴᒥᒃ ᑐᑭᓯᓇᑎᐊᕐᓂᖅᓴᒥᒡᓗ ᑐᓴᔪᒻᒧᑦ ᑐᑭᓕᐅᖅᑕᐅᕙᒃᐳᑦ.

ᐅᖃᖅᑎᑦ ᓚᓴᑕᖅᑎᑕᐅᔪᖕᓇᖅᐳᑦ ᑲᑎᒪᕐᔪᐊᕐᓂᕐᒧᑦ, ᓄᓇᓕᖕᒧᑦ, ᐊᓐᓂᐊᑕᐃᓕᓂᕐᒧᑦ ᐅᕙᓗᓂᑦ ᐃᖃᖅᑐᐃᔨᓄᑦ ᐅᖃᖅᑎᐅᓂᐊᕐᓗᑎᒃ. ᐅᖃᖅᑎᑦ ᑲᑎᒪᕐᔪᐊᖅᑐᓐᓂ ᐃᓂᖃᖅᑎᑕᐅᕙᒃᐳᑦ ᐃᒡᓗᕈᓯᕐᒥ ᐊᓯᖏᓐᓂᒃ ᑐᓴᓐᓇᖏᑐᓐᓂ ᐅᖃᖅᐸᓕᐊᑎᓪᓗᒍ ᐃᓄᒃ ᑐᑭᓕᐅᕆᕙᓪᓕᐊᑉᓗᓐᓂ. ᐃᖃᓇᐃᔭᖅᐸᒃᐳᑦ ᑲᑎᒪᕐᔪᐊᖅᑐᓐᓂ ᒪᓕᒐᓕᐅᕐᕕᖕᒥᓗ, ᑲᓇᑕᐅᑉᓗ ᑲᑎᒪᑉᕕᒡᔪᐊᖓᓐᓂ. ᑲᑎᒪᕐᔪᐊᖅᑐᓂ ᑐᑭᓕᐅᖅᑕᐅᓂᕐᒥᒃ ᓄᓇᓕᖕᒥ ᑐᑭᓕᐅᖅᑎᐅᔪᑦ ᑕᐅᑐᒐᐅᓱᖅᑐᑦ ᐱᓕᕆᑎᓪᓗᒋᑦ ᐅᖃᖅᐸᓕᐊᑎᓪᓗᒋᓪᓗ ᑲᑎᒪᖃᑕᐅᔪᓂ ᐊᒻᒪ ᑐᓴᖅᐸᓕᐊᑎᑦᑎᓕᖅᖢᑎᒃ ᐊᐱᖁᑎᓂᒃ ᐊᓯᖏᓐᓄᑦ ᑎᒥᐅᔪᓄᑦ. ᐃᖃᓇᐃᔭᑦ ᐃᓚᖏᑦ ᐊᓐᓂᐊᕕᓕᐊᖅᓯᒪᔪᓪᓗ ᑲᓇᑕᒻᒧᑦ ᓄᓴᖅᑐᑦ ᐃᓄᓕᕆᔨᓪᓗᓐᓂᑦ ᐃᖃᖅᑐᐃᔨᓂ ᐱᓕᕆᔪᑦ ᐊᑐᕆᐊᖃᖅᐳᑦ ᐅᖃᖅᑎᓐᓂᒃ.[97]

ᑲᓇᑕᐅᑉ ᒐᕙᒪᖏᓐᓂ ᐅᖃᖅᑎᑦ ᑎᑎᕋᕐᕕᖓᑦ ᐃᓚᒋᔭᐅᑉᓗᓐᓂ ᐃᓄᓗᒃᑕᓐᓂᒃ ᐱᓕᕆᐊᖃᖅᑐᑦ ᐱᔨᑦᓯᖅᑎᓪᓗ ᒐᕙᒪᑯᓐᓂᒃ ᐱᓕᕆᐊᖃᖅᑐᑦ ᐊᕿᐅᒪᑎᑦᑎᓂᕐᒥᒃ ᐅᖃᖅᑎᓂᒃ ᑐᑭᓕᐅᕆᔨᓂᒡᓗ ᑲᓇᑕᐅᑉ ᒐᕙᒪᖏᓐᓂ ᐃᖃᓇᐃᔭᕐᕕᖏᓐᓂ ᐊᒻᒪ ᑲᑎᒪᕕᐊᓗᐊᓐᓂ. ᒪᓇᐅᔪᖅ, ᐊᑐᐃᓐᓇᐅᕗᑦ 100 ᐅᖃᐅᓯᑦ ᑎᑎᕋᐅᓯᓪᓗ 24 ᐃᑲᕋᑦ ᐃᓗᐊᓐᓂ ᐅᑉᓗᑕᒪᑦ, 7 ᐅᑉᓗᑦ ᓴᓇᑕᐃᓕᑉ ᐊᑯᓐᓂᖓᓂ.[98]

ᐃᓗᐊᓂ 2017-18, ᑐᑭᓕᐅᕆᔨᑦ ᐅᖃᖅᑎᓕᕆᔨᓪᓗ ᑐᒃᓯᕋᕐᕕᐅᓚᐅᖅᐳᑦ 760 ᓄᓇᖃᖅᖃᖅᓯᒪᔪᓄᑦ ᐅᖃᐅᓯᖏᓐᓂᒃ ᐅᕙᓗᓐᓂᑦ 0.5% ᑲᑎᓪᓗᒋᑦ ᑐᒃᓯᕋᖅᑕᐅᔪᑦ ᐊᑐᕈᒪᑉᓗᑎᒃ ᐅᖃᖅᑎᖃᕐᓂᕐᒥᒃ ᑐᑭᓕᐅᕆᓂᕐᒥᒡᓗ. ᐃᓗᐊᓐᓂ 760 ᑐᒃᓯᕋᖅᑐᑦ ᖃᓂᒋᔭᖓᓐᓂ 85% ᐃᓄᐃᑦ ᐅᖃᐅᓯᖏᓐᓂᒃ.[99] ᓄᓇᖃᖅᖃᓯᒪᔪᑦ ᐅᖃᐅᓯᖏᓐᓄᑦ ᑐᒃᓯᕋᒐᐅᔪᓂᒃ ᑐᑭᓕᐅᕆᕕᒃ ᑎᑎᕋᖅᓯᒪᔪᓐᓂᒃ ᐱᖃᖅᐳᑦ ᐊᑎᕐᓂᒃ 100 ᐅᖃᖅᑎᐅᔪᓪᓗᐊᖅᑐᓐᓂᒃ ᐱᓕᕆᐊᖃᕐᓗᑎᒃ 20 ᐊᔨᖏᖏᑐᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ. ᑕᐃᒪᖓᑦ 2016, ᑐᑭᓕᐅᕆᕕᒃ ᐅᖃᖅᐸᓕᐊᔪᑦ ᑐᑭᓕᐅᕈᔨᖏᓐᓂᒃ ᓄᓇᖃᖅᖃᓯᒪᔪᑦ ᐅᖃᐅᓯᖓᓐᓂᒃ ᑲᓇᑕᐅᑉ ᒐᕙᒪᖏᓐᓂ ᑲᑎᓪᓗᒋᑦ 33 ᐅᑉᓗᑦ.

ᑲᑎᒪᔨᐊᓚᑦ ᑐᓴᓚᐅᕐᒪᑕ ᑐᑭᓕᐅᕆᔨᑦ ᐅᖃᖅᑎᓕᕆᔨᓪᓗ ᐃᓱᒪᑲᓂᕈᖕᓇᖅᐳᑦ ᐱᓕᕆᐊᒥᖕᓂᒃ ᐊᒡᓕᒋᐊᖅᑎᑦᓯᓂᕐᒥᒃ ᐊᑐᖅᑕᐅᓱᐊᖅᑐᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ.[100] ᑲᔪᓯᑎᑦᑎᓂᐊᖅᐸᑕ ᑭᓯᐊᓐᓂ, ᑐᑭᓕᐅᕆᔨᑦ ᐅᖃᖅᑎᓕᕆᔨᓪᓗ ᐊᕿᒃᓱᐃᓂᐊᖅᐳᖅ ᐃᓚᐅᖃᑕᐅᓂᕐᒥᒃ ᐊᒥᓱᓂᖅᓴᐅᓕᖅᑎᑦᑎᓂᕐᒥᒃ ᓄᓇᖃᖅᖃᓯᒪᔪᑦ ᐅᖃᐅᓯᖏᓐᓂᒃ ᑐᑭᓕᐅᕆᓂᕐᒥᒃ ᑲᓇᑕᒻᒥ. ᐅᔨᕆᔭᐅᑉᓗᓐᓂ ᐊᔪᖏᑎᐊᖅᑐᑦ ᐅᖃᖅᑎᑦ ᑲᓇᑕᒻᒥ ᖃᓂᒋᔭᖓᓂᓯᐅᕐᒪᑕ 90 ᓄᓇᖃᖅᖃᓯᒪᔪᑦ ᐅᖃᐅᓯᖏᓐᓂᒃ ᐊᒥᓱᓗᐊᖏᒪᑕ ᐅᖃᖅᑎᓕᕆᔨᑯᑦ ᐱᔪᓪᓗᐊᑕᖏᓐᓂᒃ ᖃᐅᔨᒪᓂᖃᑎᐊᖅᖢᑎᒃ.[101] ᐊᕿᒃᓯᒪᑎᐊᕆᐊᖃᖅᐳᖅ ᐱᔪᒪᓂᖃᕐᓗᑎᒡᓗ ᑲᓇᑕᐅᑉ ᑲᑎᒪᕕᖓᓐᓂ ᑲᔪᓯᓂᐊᕐᒪᑦ ᐊᔨᖏᖏᓂᖏᓐᓂᒃ ᓄᓇᖃᖅᖃᓯᒪᔪᑦ ᐅᖃᐅᓯᖏᓐᓂᒃ ᐱᔨᑦᑎᕐᓂᐊᖅᑐᑦ.[102]

ᒪᓇᐅᔪᖅ ᐅᖃᖅᐸᓕᐊᔪᓐᓂᒃ ᐅᖃᖅᑎᐅᓂᕐᒥᒃ ᖃᑉᓗᓇᑐᑦ ᕕᕕᑎᑐᓪᓗ ᓂᕆᐅᒋᔭᐅᕗᑦ ᒪᔅᑕᒻᒥᒃ ᐃᓕᓂᐊᖅᓯᒪᓗᓂᓗ ᐃᓕᓐᓂᐊᕐᕕᒡᔪᐊᕐᒥ ᐊᒻᒪ ᓚᐃᓴᑕᖅᑎᑦᓯᓗᓂ ᑲᑎᒪᔨᑦ ᖃᐅᔨᓴᖅᑎᓂᑦ ᑲᓇᑕᒻᒥ ᑐᑭᓕᐅᕆᔨᑦ, ᐅᖃᐅᓯᓕᕆᔨᑦ ᐊᒻᒪ ᐅᖃᖅᑎᑦ ᑲᑎᒪᔨᖏᑦ.[103] ᑲᑎᒪᔨᐊᓚᑦ ᑐᓴᓚᐅᕐᒪᑕ ᐃᓕᓂᐊᖅᓯᒪᓂᖓ ᐊᑐᕐᓂᖃᕐᒪᑦ ᐅᖃᖅᑎᐅᓂᖅ ᑕᒻᒪᕐᓗᓐᓂ ᐅᔨᕐᓇᓗᐊᕐᒪᑦ ᑐᑭᓕᐅᕐᓗᓂᐊᕐᓗᒍᓗ ᐊᔪᕐᓇᖅᖢᓐᓂ ᐅᖃᐅᓯᐅᔪᑦ ᐅᖃᖅᑎᐅᓂᐊᕐᓗᓐᓂ.[104]

ᓚᐃᓴᑕᕐᓂᐊᕐᓗᓐᓂ ᑐᑭᓕᐅᕆᔨᐅᓂᕐᒧᑦ ᑲᑎᒪᔨᑦ ᖃᐅᔨᓴᖅᑎᓐᓄᑦ, ᐅᖃᖅᑎᐅᔪᑦ ᐅᑯᓂᖓ ᓇᓕᐊᖕᒥᓂᐊᖅ ᐊᑐᕈᖕᓇᖅᐳᖅ:

ᐃᓕᓂᐊᕈᑎᒥᓂᒃ ᓄᓇᓕᐅᑉ ᐊᕕᒃᓯᒪᓂᖓᓂ ᐱᐊᓂᒃᓯᓗᓐᓂ; ᐅᕙᓗᓂᑦ
ᑕᑯᑎᑦᓯᓗᓐᓂ ᐃᓕᓐᓂᐊᖅᓯᒪᓂᕐᒥᓂᒃ, ᐊᕋᒍᓐᓂᒃ ᐅᖃᖅᑎᐅᓯᒪᓕᕐᓂᖓᓂᒃ, ᑕᑯᑎᑦᓯᓗᓂᓗᓐᓂᑦ ᐃᖃᓇᐃᔭᖅᓯᒪᔭᖏᓐᓂᒃ ᖃᐅᔨᒪᔪᑕᐅᓂᐊᕐᒪᑕ.[105]

ᑭᓯᐊᓂᑕᐅᖅ, ᐅᔨᖅᑐᕆᐊᖃᖅᐳᑦ ᓚᐃᓴᖃᖅᑎᑕᐅᓂᖓᑦ ᐊᑐᕆᐊᖃᖏᑐᖅ ᐅᖃᖅᑎᐅᓂᐊᕐᓗᓐᓂ ᓄᓇᖃᖅᖃᓯᒪᔪᑦ ᐅᖃᐅᓯᖓᓐᓂᒃ ᑲᓇᑕᒻᒥ ᓚᐃᓴᖃᖅᑐᖃᖏᓚᕐᓗ ᐅᖃᖅᑎᐅᔪᒻᒥᒃ ᓄᓇᖃᖅᖃᓯᒪᔪᓐᓂ.[106]

ᑲᑎᒪᔨᐊᓚᑦ ᑐᓴᑲᓂᓚᐅᕐᒪᑕ ᐅᖃᖅᐸᓕᐊᑉᓗᑎᒃ ᑐᓴᔨᐅᔪᑦ ᐊᕿᒃᑕᐅᓯᒪᖕᒪᑕ, ᐊᕕᒃᑐᖅᓯᓚᔪᓐᓂ ᓄᓇᓕᖕᓂ, ᒪᓕᒐᖃᖅᐳᑦ ᐃᓄᔭᕆᐊᖃᕐᓂᖏᓐᓂᒃ ᐅᖃᖅᑎᐅᓗᑎᒡᓗ “ᖃᐅᔨᒪᑎᐊᕐᓗᑎᑦ ᑐᑭᓯᐅᒪᑎᐊᕐᓗᑎᒡᓗ” ᐅᕙᓗᓐᓂᑦ “ᖃᐅᔨᒪᒻᒪᕆᒡᓗᒍ ᐅᖃᐅᓯᕆᔭᖓᑦ” [107] ᑐᑭᓕᐅᕆᔨᐅᔪᑦ ᑐᑭᓯᐊᑎᐊᕆᐊᖃᖅᐳᑦ ᑕᒪᐃᓐᓂᒃ ᐅᖃᐅᓯᖕᓂᒃ ᐅᖃᖅᑕᐅᔪᓐᓂᒃ ᓇᓕᐊᖕᓂᒡᓗ ᐅᖃᐅᓯᕐᒥᒃ ᐅᖃᕐᒪᖓᑕ ᑐᑭᓕᐅᕆᑎᐊᕈᒪᒍᒥᒃ.

C. ᐊᑉᖁᑎᒃᓴᑦ ᓯᕗᒻᒧᑦ

ᑲᑎᒪᔨᐊᓚᑦ ᐃᖃᐅᒪᖁᔨᖕᒪᑕ ᐅᔨᕈᓱᒡᓗᑎᒡᓗ ᖃᐅᔨᓴᕐᓂᖕᒥᖕᓂᒃ ᐊᑐᖅᑕᐅᓂᖓᓐᓂᒃ ᓄᓇᖃᖅᖃᓯᒪᔪᑦ ᐅᖃᐅᓯᖓᓐᓂᒃ ᑲᓇᑕᐅᑉ ᑲᑎᒪᕕᖓᓐᓂ ᖃᐅᔨᓴᕐᓂᐅᓚᐅᖅᐳᖅ ᐊᓯᐊᖑᖅᐸᓕᐊᓂᖓᓐᓂ ᐱᓕᕆᖃᑎᒋᖕᓂᐅᑉ ᓄᓇᖃᖅᖃᓯᒪᔪᑦ ᓄᓇᖃᖅᖃᓯᒪᖏᑐᓪᓗ ᑲᓇᑕᒥᐅᑦ. ᐃᓕᑕᕆᔭᐅᓂᖏᑦ ᐃᓕᖁᓯᖏᑕ ᓄᓇᖃᖅᖃᓯᒪᔪᑦ ᐅᖃᐅᓯᖏᑕ ᑲᓇᑕᐅᑉ ᑲᑎᒪᕕᖓᓐᓂ ᐊᑐᕐᓂᖃᕐᒪᑦ ᐃᓂᓪᓚᒃᑎᑕᐅᑲᓂᕆᐊᖃᕐᒪᓪᓗ.

ᖃᐅᔨᓴᕐᓂᐅᑉ ᐃᓗᐊᓐᓂ, ᑕᑯᓚᐅᖅᑐᑦ ᓇᓗᓇᐃᓚᐅᕐᒪᑕ ᓄᓇᖃᖅᖃᓯᒪᔪᑦ ᐅᖃᐅᓯᖏᑦ ᐃᓕᖓᖕᒪᑕ ᐃᓕᖁᓯᖏᓐᓄᑦ ᐃᓕᑕᕆᔭᐅᓯᒪᖏᑐᐃᓐᓇᖅᖢᑎᒡᓗ ᑲᓇᑕᒻᒥ ᓄᓇᓕᐅᔪᓄᑦ. ᑲᑎᒪᔨᐊᓚᑦ ᐃᓱᒪᓕᐅᖅᓯᒪᕗᑦ ᐅᑯᓂᖓ ᑐᑭᓯᓯᒪᔭᕐᒥᖕᓂᒃ ᐅᔨᕐᓇᖅᑐᖕᒪᑕ ᐃᓱᒪᓗᖕᓇᖅᖢᑎᒡᓗ.

ᐊᒥᓱᑦ ᖃᐅᔨᒪᓚᐅᕐᒪᑕ ᐃᓱᒪᒋᔭᐅᓯᒪᔪᒻᒥᒃ ᑲᑎᒪᔨᑦ ᑲᓇᑕᐅᑉ ᑲᑎᒪᕕᖓᓐᓂ ᐊᔪᖏᑎᑕᐅᖕᒪᑕ ᓄᓇᖃᖅᖃᓯᒪᔪᑦ ᐅᖃᐅᓯᖓᓐᓂᒃ ᑐᑭᓯᓪᓚᒃᓯᓐᓇᖅᖢᑎᒡᓗ ᑲᑎᒪᔨᐅᓂᕐᒥᒃ ᑲᓇᑕᐅᑉ ᑲᑎᒪᕕᖓᓐᓂ ᑲᑎᒪᔨᐊᓚᓐᓂᓗ ᐃᓕᑕᖅᓯᓯᒪᔪᓪᓗᐊᕐᒪᑕ ᑲᑎᒪᔨᐊᓚᖏᑦ ᐃᓂᒃᓴᐃᓂᐊᖅᑐᒻᒥᒃ ᓄᓇᖃᖅᖃᓯᒪᔪᑦ ᐃᓄᖁᑎᖏᓐᓄᑦ ᓇᔪᖅᓯᒪᖕᒪᔪᒃ ᐊᕋᒍᓐᓂᒃ ᐅᓄᖅᑐᓐᓂᒃ ᓄᓇᒋᔭᖓᑦ.

ᐱᔪᓪᓗᐊᖅᑎᑕᐅᓂᖏᑦ ᑲᑎᒪᔨᑦ ᑲᓇᑕᐅᑉ ᑲᑎᒪᕕᖓᓐᓂ ᖃᓗᓇᑐᑦ ᕕᕕᑎᑐᓪᓗ ᐅᖃᕐᓂᕐᒥᒃ ᑲᑎᒪᕕᐅᑉ ᓗᐃᓐᐊᓂ ᑲᓇᑕᐅᑉ ᒪᓕᒐᖏᓐᓂ ᑎᑎᕋᖅᓯᒪᕗᖅ ᓯᕗᓪᓕᕐᒥᒃ ᑲᑎᒪᓚᐅᖅᑎᓪᓗᒋᑦ. ᑲᑎᒪᔨᐊᓚᑦ ᐃᓱᒪᖕᒪᑕ ᐱᔪᓪᓗᐊᖏᓐᓂᖏᓐᓂᒃ ᑲᑎᒪᔨᑦ ᐅᖃᕈᖕᓇᕐᓂᕐᒥᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑲᑎᒪᕕᐅᑉ ᐃᓗᐊᓐᓂ ᑐᑭᓯᐅᔭᐅᔭᕆᐊᖃᕐᒪᑦ ᑲᓇᑕᒥᐅᓪᓗ ᐃᓕᖁᓯᕆᖏᒪᔪᒃ ᐊᔪᖅᑎᑦᓯᓂᖅ ᐅᖃᐅᓯᕐᒥᒃ ᑲᓇᑕᒻᒥ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᖃᑉᓗᓇᓄᑦ ᑕᐅᑐᒐᐅᑉᓗᓐᓂ.

ᑎᐊᓐᓴᐃᑎᓪᓗᒍ, ᑲᑎᒪᔨᐊᓚᑦ ᐅᑯᓂᖓ ᑲᔪᓯᖁᔨᓯᒪᕗᑦ:

i. ᐊᑐᖅᑕᐅᓂᐊᖅᑐᖅ ᑲᔪᓯᑎᑕᐅᓂᖓᓄᑦ ᐊᔨᖏᖏᑐᓄᑦ ᐃᓱᒪᒋᔭᐅᓯᒪᕗᖅ

ᑲᑎᒪᔨᐊᓚᑦ ᐃᓱᒪᖕᒪᑕ ᐊᑐᓕᖅᑎᑕᐅᓂᖓ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᑲᑎᒪᕕᐅᑉ ᐃᓗᐊᓐᓂ ᑲᑎᒪᔨᐊᓚᓐᓂᓗ ᖃᖓᑐᐃᓐᓇᖅ ᐊᑐᕆᐊᖃᓕᕋᖓ ᐊᑐᖅᑕᐅᑕᕐᓂᐊᖅᐳᖅ. ᑲᑎᒪᔨᐊᓚᑦ ᐊᖏᖃᑕᐅᔪᑦ ᐅᖃᐅᑎᔭᐅᓂᕐᒥᖕᓂᒃ ᒥᑭᓚᐅᕐᓗᓐᓂ ᐱᒋᐊᕐᓗᓐᓂ ᐊᔪᕈᖕᓇᐃᑎᐊᕈᒪᖕᓗᓐᓂ.[108]

ᑐᑭᖃᑎᐊᖁᑉᓗᒍ, ᑲᑎᒪᔨᐊᓚᑦ ᐊᑐᖁᔨᓯᒪᕗᑦ ᐊᑐᓕᖅᑎᑕᐅᓂᖏᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᖃᖓᑐᐃᓐᓇᖅ, ᐊᔪᕐᓇᖏᑎᐊᕐᓗᓂᓗ, ᐊᑐᖅᑕᐅᔪᓪᓗᐊᕐᓗᓂ ᐊᒻᒪ ᐅᐱᒋᔭᐅᓗᓐᓂ. ᑭᖑᓪᓕᕐᒧᑦ, ᐱᓕᕆᐊᖑᔪᖅ ᐊᒡᒋᓕᖅᑎᑦᓯᓂᕐᒥᒃ ᐅᐱᒍᓱᖕᓂᕐᒥᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᖅᑕᐅᔪᓪᓗᐊᖅᑐᓐᓂᒃ ᑲᓇᑕᐅᑉ ᑲᑎᒪᕕᖓᓐᓂ.

ᐊᖏᕈᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᕈᖕᓇᕐᓂᕐᒥᒃ

ᑲᑎᒪᓂᕐᒥ ᓇᓕᐊᖕᓂᒥᐊᖅ, ᑲᑎᒪᔨᑦ ᑕᒪᕐᒥᒃ ᐅᖃᕈᒪᔪᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑐᓴᖅᑎᑦᑎᔭᕆᐊᖃᖅᐳᑦ ᑲᑎᒪᕕᐅᑉ ᑎᑎᕋᖅᑎᖓᓐᓂᒃ ᑎᑎᕋᖅᓯᒪᓗᓐᓂ ᑐᑭᓯᑎᑦᑎᓗᑎᒡᓗ ᓇᓕᐊᖕᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᕐᓂᐊᕐᒪᖓᑕ ᐊᔪᖏᑎᐊᕐᒪᑕᓗ ᓯᕗᓂᕐᒥ ᐅᖃᖅᑕᕐᓂᕐᒥᒃ ᑲᑎᒪᕕᐅᑉ ᐃᓗᐊᓐᓂ ᑲᑎᒪᔨᐊᓚᓂᓗ. ᐊᖏᕈᑎᑉ ᐱᔪᑎᖓ ᐱᖃᖅᑎᑦᑎᓂᖅ ᑎᑎᕋᕐᕕᖕᒥᒃ ᐊᒻᒪ ᑐᑭᓕᐅᕈᕕᖕᒥᒃ ᓴᕿᑎᑕᐅᓂᖓᓂᒃ ᐊᔪᕐᓇᖏᓕᖅᐸᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑐᑭᓕᐅᕆᔨᐅᓂᐊᖅᑐᓐᓂᒃ ᐊᑐᐃᓐᓇᐅᓗᑎᒃ, ᑐᑭᓕᐅᖅᑎᐅᓂᐊᕐᓗᑎᒃ ᑲᑎᒪᕕᐅᑉ ᐃᓗᐊᓐᓂ ᑲᑎᒪᑎᓪᓗᒋᑦ ᑐᓴᐅ,ᑎᑦᑎᓗᑎᒃ ᑲᑎᒪᓂᕐᓂᒃ ᑕᒪᐃᓐᓂᒃ ᐊᑐᒐᐅᓱᐊᖅᐸᑕ ᐊᕿᒃᓯᒪᓗᑎᒃ ᐃᓕᖁᓯᖏᓐᓂᒃ ᒪᓐᓇ ᒥᓂᔅᑕᐅᔪᑦ ᑲᑎᒪᓂᖏᓐᓂ ᑐᑭᓕᐅᕆᔨᐅᓗᑎᒃ.

ᑕᒻᓇ ᐊᖏᕈᑦ ᐅᖃᒐᐅᑲᓂᕆᐊᖃᖅᐳᖅ ᑲᑎᒪᔨᑦ ᑲᑎᒪᓂᖏᓐᓂ ᐊᒻᒪ ᓄᑕᓐᓂᒃ ᑲᑎᒪᔨᓂᒃ ᐃᒃᓯᕙᔪᖃᓕᕋᖓᑦ ᐊᑐᕆᐊᖃᖅᑐᓪᓗ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑲᑎᒪᓂᐅᑉ ᐃᓗᐊᓐᓂ.

ᑐᓴᒐᒃᓴᑦ ᑲᑎᒪᔨᐅᔪᓄᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐊᑐᕐᓂᕐᒥᒃ

ᓯᕗᓪᓕᕐᒥᒃ, ᑲᑎᒪᔨᐊᓚᑦ ᐊᑐᖁᔨᕗᑦ ᑲᑎᒪᔨᑦ ᑐᓴᐅᒪᑎᑦᑎᑕᕐᓗᑎᒃ ᒪᓕᒐᓕᐅᖅᑎᑦ ᑎᑎᕋᖅᑎᖓᓐᓂᒃ ᐅᖃᕐᓂᐊᕐᓂᖅᐸᑕ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᕐᓗᑎᒃ ᑲᑎᒪᕕᐅᑉ ᐃᓗᐊᓐᓂ ᓯᕗᓂᖓᓂ ᑐᓴᖅᑎᑎᑕᕐᓗᑎᒃ. ᐊᔪᖏᑎᑦᓯᓂᕐᒥᒃ, ᑕᒻᓇ ᓯᕗᓂᖓᓂ ᑐᓴᐅᒪᑎᑦᑎᓂᖅ ᐊᔨᐅᖕᒪᑦ ᓯᓂᑦ ᑲᑎᒪᓂᖏᓐᓂ ᓯᕗᓂᖓᓂ ᑐᓴᐅᒪᑎᑎᓱᕐᒪᑕ. ᓯᓂᑦᒥ, ᑐᓴᐅᒪᓐᓇᖅᑐᒥᒃ ᑐᓂᔭᐅᓯᒪᑎᐊᕐᓗᑎᒃ ᑐᑭᖃᑎᐊᕐᓗᒍ; ᑭᓯᐊᓂᓕ ᐅᖃᐅᓯᖓ “ᐊᔪᖏᑎᑕᐅᓂᖅ ᐱᕕᒃᓴᖃᕐᓂᕐᓗ” ᐊᓯᐊᖑᖅᑕᐅᔪᓪᓗᐊᕐᓗᓐᓂ ᐊᑐᐃᓐᓴᐅᔪᖃᕐᓂᖓᓄᑦ ᒪᓕᒡᖢᑎᒃ ᐅᖃᖅᑐᒻᒥᒃ ᑐᑭᓕᐅᕆᔨᐅᓂᐊᖅᑐᑦ. ᑲᓇᑕᐅᐃ ᑲᑎᒪᕕᖓᑕ, ᑲᔪᓯᑎᐊᕐᓗᓐᓂ, ᑐᑭᓯᔪᑎᑕᖃᕆᐊᖃᖅᐳᖅ ᐊᑐᒐᐅᓂᖓᓄᑦ ᓄᓇᖃᖅᖃᖅᓯᒪᔪᑦ ᓇᓗᓇᐃᖅᓯᒪᓗᓐᓂ ᑐᑭᓕᐅᖅᑕᐅᓂᐊᕐᒪᑦ ᐊᑐᕆᐊᖃᖅᑐᓪᓗ ᑐᑭᓕᐅᕈᑎᑦ ᐊᕿᒃᓯᒪᔭᕆᐊᕐᖃᒪᑕ. ᑲᑎᒪᔨᐊᓚᑦ ᓇᓗᓇᐃᓚᐅᕐᒪᑕ ᖃᓄᐃᓕᐅᕆᐊᖃᕐᓂᖏᑦ ᐊᑐᒐᐅᓂᖏᓐᓄᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑕ ᑲᑎᒪᕕᐅᑉ ᐃᓗᐊᓐᓂ ᐊᔨᐅᖏᒪᑦ ᑲᑎᒪᔨᐅᓚᑦ ᑲᑎᒪᓂᖏᓐᓂᑦ.

ᑐᓴᓚᐅᖅᑐᑦ ᐃᓚᖃᖅᑐᑦ ᒪᓕᒐᓕᐅᖅᑎᓂᒃ ᐱᖓᓱᓐᓂᒃ ᓇᓗᓇᐃᓚᐅᕐᒪᑕ ᐊᖏᖅᓯᒪᓂᕐᒥᖕᓂᒃ ᐅᖃᕈᖕᓇᖅᑎᑕᐅᓂᖓᑕ ᓄᓇᖃᖅᖃᖅᓯᒪᔪᑉ ᐅᖃᐅᓯᖓᓐᓂᒃ ᐊᑐᕐᓗᓐᓂ ᐱᕙᓪᓕᕈᑕᐅᓂᐊᕐᒪᑦ ᑐᑭᓕᐅᖅᑕᐅᓂᖓᓄᑦ ᑲᑎᒪᔨᑦ ᑐᓴᔪᑦ ᑐᑭᓯᐊᑎᐊᕐᓂᐊᕐᒪᑕ.[109]

ᐊᑐᒐᐅᔪᖕᓇᖅᑐᑦ ᐅᖃᕐᓂᐊᕐᓗᓐᓂ ᓄᓇᖃᖅᖃᖅᓯᒪᔪᑉ ᐅᖃᐅᓯᖏᓐᓂᒃ ᑲᓇᑕᐅᑉ ᑲᑎᒪᕕᐊᓐᓂ ᑲᑎᒪᑎᓪᓗᒋᑦ

ᑲᑎᒪᔨᐊᓚᑦ ᐃᓱᒪᖕᒪᑕ ᑲᑎᒪᔨᐅᔪᑦ ᕿᓂᕐᓂᖅᐸᑕ ᐅᖃᕆᐊᒃᓴᒻᒥᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑲᓇᑕᐅᑉ ᑲᑎᒪᕕᖓᓐᓂ ᐊᑐᐃᓐᓇᐅᓂᐊᖅᐳᑦ ᐅᑯᓂᖓ ᓇᓕᐊᖕᓂᒥᐊᖅ ᐊᑐᕈᖕᓇᕐᓗᑎᒃ ᐊᔨᖏᖏᑐᓐᓂᒃ. ᓯᕗᓂᖓᓂ ᐊᕿᒃᑕᐅᓯᒪᓂᖓᓄᑦ, ᐃᓚᓐᓂᑯᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂ ᑐᑭᓕᐅᕈᑎᑦ ᐊᑐᐃᓐᓇᐅᖕᒪᑕ ᑲᑎᒪᔨᐅᔪᓪᓗ ᐅᑯᓂᖓ ᐊᔪᖏᑎᑕᐅᕗᑦ:

ᐅᖃᕐᓂᐊᖅᑎᓪᓗᒍ ᑲᑎᒪᔨᐅᔪᖅ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᕐᓗᓐᓂ, ᑎᑎᕋᖅᓯᒪᔪᓐᓂᒃ ᑐᓂᓯᔭᕆᐊᖃᖅᐳᖅ ᑲᑎᒪᕕᐅᑉ ᑎᑎᕋᖅᑎᖓᓐᓄᑦ ᑐᓂᔭᐅᓂᐊᕐᒪᑕ ᑐᑭᓕᐅᕆᔨᐅᔪᒻᒧᑦ ᐅᖃᖅᑎᐅᔪᒻᒧᑦ. ᑕᕙᓂᓕ, ᑲᑎᒪᔨᐅᑉ ᐅᖃᖅᑕᖏᑦ ᑐᑭᓕᐅᒐᐅᔪᖕᓇᖅᐳᑦ ᐊᓯᐊᓂᑦ ᓄᓇᓕᖕᒥᑦ ᑐᑭᓕᐅᕆᔨᒧᑦ ᐱᔭᕆᐊᖃᖅᐸᑦ.
ᐅᖃᕆᐊᖃᖅᐸᑦ ᐅᖃᕈᖕᓇᖅᑐᖅ ᑎᑎᕋᖅᓯᒪᔪᓐᓂᒃ ᐅᖃᐅᓯᕆᓂᐊᖅᑕᒥᓂᒃ ᑐᓂᓯᖏᒥᐊᕐᓗᓐᓂ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᕐᓂᐊᖅᐸᑦ. ᑲᑎᒪᔨᐅᔪᑉ ᐅᖃᐅᓯᖓ ᐅᖃᓕᒪᖅᑕᐅᔪᖕᓇᖅᑐᖅ ᖃᑉᓗᓇᑐᑦ ᕕᕕᑎᑐᔾᓗ ᐊᓯᐊᓂᑦ ᓄᓇᓕᖕᒥᑦ ᐅᖃᓕᒪᖅᑕᐅᓗᓐᓂ. ᑲᑎᒪᔨᐅᔪᖅ ᑐᓂᓯᖏᐸᑦ ᐅᖃᐅᓯᕆᓂᐊᖅᑕᒥᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᕐᓂᐊᕐᓗᓐᓂ, ᑕᒻᓇ ᐊᔪᖏᑎᑕᐅᕗᖅ ᐊᓯᐊᒍᑦ ᐅᑉᓗᑯᑦ ᑎᑎᕋᖅᓯᒪᔪᓐᓂᒃ ᑐᓂᓯᓂᕐᒥᒃ ᑲᑎᒪᔨᑦ ᑲᑎᒪᓂᑯᖏᓐᓄᑦ ᑎᑎᕋᖅᑕᐅᓂᐊᖅᑐᓐᓂᒃ ᑲᑎᒪᕕᐅᑉ ᑎᑎᕋᕐᕕᖓᓐᓄᑦ.

ᐃᓚᓐᓂᑯᑦ ᓄᓇᖃᖅᖃᖅᓯᒪᔪᓄᑦ ᑐᑭᔨᐅᕆᔨᐅᔪᖅ ᐱᑕᖃᖏᐸᑦ ᑐᑭᓕᐅᕐᓂᐊᖅᑐᖅ, ᑲᑎᒪᔨᐅᔪᖅ ᐊᔪᖏᑎᑕᐅᕗᖅ:

ᓯᕗᓂᖓᓂ ᐅᖃᕆᐊᕐᓂᐊᕐᓗᓐᓂ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ, ᑎᑎᕋᖅᓯᒪᔪᒻᒥᒃ ᑐᓂᓯᓗᓐᓂ ᖃᓗᓇᑐᑦ ᕕᕕᑎᑐᓪᓗᓐᓂᑦ ᑎᑎᕋᖅᑎᒻᒧᑦ ᑐᓂᔭᐅᓂᐊᖅᑐᒻᒥᒃ ᑐᑭᓕᐅᕆᔨᐅᓂᐊᖅᑐᒻᒧᑦ. ᑕᒪᓇ ᒪᓕᒡᓗᒍ, ᑲᑎᒪᔨᐅᑉ ᐅᖃᐅᓯᖏᑦ ᐅᖃᖅᑕᐅᔪᓪᓗᐊᖅᐳᑦ ᖃᑉᓗᓇᑐᑦ ᕕᕕᑎᑐᓪᓗ. ᑲᑎᒪᔨᐊᓚᑦ ᐃᖅᑎᐅᑉ ᐅᖃᓕᒪᕆᐊᖃᖅᐸᖏᑦ ᐃᓱᒪᖕᒪᑕ ᑐᑭᓕᐅᖅᓯᒪᔪᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑎᑎᖃᖏᓐᓂᒡᓗ ᖃᑉᓗᓇᑐᑦ ᕕᕕᑎᑐᓪᓗ ᐅᖃᓕᒪᕆᐊᖃᖅᐸᖏᑦ ᑐᑭᓕᐅᕆᔪᑉ. ᑲᑎᒪᔨᐊᓚᑦ ᓇᓗᓇᐃᖅᓯᔪᑦ ᐊᖏᖅᓯᒪᓂᖏᓐᓂᒃ ᐅᖃᖅᐅᓂᐊᖅᑐᑦ ᖃᑉᓗᓇᑐᑦ ᕕᕕᑎᑐᓪᓗ ᑐᑭᓯᐊᖏᑕᒻᒥᒃ ᐃᓱᒪᒋᔭᐅᔪᑉ ᐊᓯᐊᓂᒃ ᑐᑭᓯᓐᓇᓕᕐᓗᓐᓂ ᒪᓕᒐᖃᖅᖢᑎᒡᓗ ᐊᕿᒃᑕᐅᓯᒪᔪᓐᓂᒃ ᒪᓕᒋᐊᖃᖅᑕᒥᖕᓂᒃ. ᑭᓯᐊᓂᐅᒐᓗᐊᖅ, ᑲᑎᒪᔨᐊᓚᑦ ᑐᓴᓚᐅᕐᒪᑕ ᐅᖃᖅᑎᐅᑉ ᐱᓕᕆᐊᖏᓐᓂᒃ. ᐃᓚᓂᑯᑦ ᐅᖃᖅᑎ ᐅᖃᕈᖕᓇᖅᑐᖅ ᓯᕗᓂᖓᓂ ᐅᖃᐅᓯᐅᔪᑦ ᑎᑎᕋᖅᑕᐅᓯᒪᔪᓂᒃ ᐊᓯᐊᓄᑦ ᐅᖃᓕᒪᕐᓗᓐᓂ, ᑭᓯᐊᓐᓂ ᑕᒪᓇ ᐱᓕᕆᐊᕆᖏᒪᒍ.[110]
ᓇᖏᖅᓯᑉᓗᓐᓂ ᐅᖃᓚᐅᕐᒪᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᐊᑐᖅᖢᓐᓂ ᑎᑎᕋᖅᓯᒪᔪᓐᓂᒃ ᑐᓂᓯᖏᖢᓐᓂ ᐅᖃᐅᓯᕆᔭᕐᒥᓂᒃ. ᑲᑎᒪᔨᐅᑉ ᐅᖃᐅᓯᖏᑦ ᑐᑭᓕᐅᖅᑕᐅᓚᐅᖏᓚᑦ ᖃᑉᓗᓇᑐᑦ ᕕᕕᑎᑐᓪᓗ. ᑲᑎᒪᔨᑦ ᐅᔨᖅᑐᕆᐊᖃᖅᐳᖅ, ᑲᑎᒪᔨᐊᓚᑦ ᐃᓱᒪᓗᑎᖏᓐᓂᒃ ᐅᖃᐅᓯᐅᔪᓐᓂᒃ ᖁᓚᓐᓂ ᐊᔪᖏᓂᖏᑕ ᑲᑎᒪᔨᐅᔪᑦ ᐱᓕᕆᐊᖏᓐᓂᒃ ᑲᑎᒪᑉᕕᖕᒥ ᐊᒃᑐᐃᓂᖃᕐᓂᐊᖅᒪᑕ ᑐᑭᓯᐊᖏᑐᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ. ᑲᑎᒪᔨᐅᔪᖅ ᑐᓂᓯᖏᐸᑦ ᑎᑎᕋᖅᓯᒪᔪᒻᒥᒃ ᐊᔨᖏᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ, ᑲᑎᒪᔨᐅᑉᓗ ᐅᖃᐅᓯᖏᑦ ᑎᑎᕋᒐᐅᓗᑎᒃ ᑐᑭᓕᐅᒐᐅᓗᑎᒡᓗ ᓯᕗᓂᖓᓂ ᑲᑎᒪᓂᐅᑉ ᐃᓱᒪᒋᔭᕐᒥᖕᓂᒃ ᐅᖃᐅᓯᖃᖅᑎᓪᓗᒋᑦ ᓇᖕᒥᓂᕆᔭᐅᓂᐊᖅᐳᑦ ᑲᑎᒪᕕᒡᔪᑉ ᑎᑎᕋᕐᕕᖓᓐᓄᑦ.

ᐃᓚᑲᓂᕐᓗᒍ, ᑲᑎᒪᔨᐊᓚᑦ ᐃᓱᒪᒋᔭᖃᖅᐳᑦ ᑐᑭᓯᐅᒪᔭᕐᒥᖕᓂᒃ ᑲᑎᒪᔨᐅᑉ ᐅᖃᐅᓯᖏᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑐᑭᓕᐅᖅᑕᐅᖏᑦᖢᓐᓂ ᖃᑉᓗᓇᑐᑦ ᕕᕕᑎᑐᓪᓗ ᑲᔪᓯᑐᐃᓐᓇᕆᐊᓕᒃ ᓄᖃᖅᑎᑕᐅᓯᒪᖏᓗᓐᓂ. ᑲᑎᒪᕕᐅᑉ ᐱᔪᒪᔭᖓ ᐊᐱᖅᓱᕆᐊᖃᖏᓗᓂ ᐊᑐᒐᐅᓂᖓᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᓐᓂᒃ ᑲᑎᒪᕕᐅᑉ ᐃᓗᐊᓐᓂ ᖃᖓᑐᐃᓐᓇᕐᓗ ᐊᑐᒐᐅᔭᕆᐊᖃᓕᖅᐸᑦ ᐊᑐᒐᐅᕙᒡᓗᓐᓂ.

ᑲᑎᒪᔨᐊᓚᑦ ᑐᑭᓯᓐᓇᖅᓯᓚᐅᖅᐳᑦ ᐊᔪᕈᖕᓇᐃᖅᓴᖅᖢᑎᒃ ᑕᒻᓇ ᓄᖃᖓᑎᑦᓯᔪᖕᓇᕐᒪᑦ ᑲᑎᒪᔨᐅᔪᒻᒥᒃ ᓄᓇᖃᖅᖃᖅᓯᒪᔪᒻᒥᒃ ᐅᖃᐅᓯᕐᒥᓂᒃ ᐅᖃᕈᒪᒐᓗᐊᕐᓗᓐᓂ ᐊᐱᖁᑎᑦ ᓇᓪᓕᐅᓯᒪᓂᖓᓐᓂ, ᐊᐱᕆᕙᒡᓗᓐᓂ ᐅᖃᖅᐸᒡᓗᓂᓗ ᐅᖃᐅᓯᐅᔪᓐᓂᒃ ᑲᑎᒪᕕᒡᔪᐊᕐᒥ ᑐᑭᓯᓐᓇᕐᓗᓂᓗ ᑲᑎᒪᔨᐊᖃᑎᒥᓄᑦ.

ᓄᓇᖃᖅᖃᖅᓯᒪᔪᑦ ᐅᖃᐅᓯᖏᑦ ᐊᑐᒐᐅᔪᑦ ᑲᑎᒪᓂᕐᒥ; ᑎᑎᕋᖅᓯᒪᔪᑦ ᑎᑎᖃᐅᑎᖏᓐᓂ ᑲᑎᒪᔨᕐᔪᐃᑦ ᑲᓇᑕᐅᑉ ᑲᑎᒪᕕᖓᓐᓂ

ᑲᑎᒪᔨᐊᓚᑦ ᐊᑐᓕᖁᔨᕗᑦ ᑎᑎᕋᖅᓯᒪᔪᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐊᑐᕐᓗᑎᒃ ᐅᖃᕐᓂᐊᖅᑐᑦ ᑲᑎᒪᕕᒡᔪᐊᕐᒥ ᐅᑉᓗᕐᒥ ᓄᑕᒻᒥ ᐃᓕᔭᐅᓂᐊᖅᐳᖅ ᑐᓴᒐᒃᓴᓄᓪᓗ ᑲᑎᒪᓐᓂᑯᓄᑦ ᖃᑉᓗᓇᑐᑦ ᕕᕕᑎᑐᓪᓗ ᑎᑎᕋᖅᑕᐅᓗᓐᓂ ᑲᑎᒪᕕᒡᔪᐊᕐᒥ ᓯᕗᓂᖓᓂ ᒪᓕᒐᐅᑉ ᐅᖃᐅᓯᓕᕆᓂᐅᑉ ᐊᕿᒃᑕᐅᖏᓂᖓᓐᓂ. ᑲᑎᒪᔨᑦ ᐱᔪᒪᒃᐸᑕ ᓇᖕᒥᓂᖅ ᐱᓕᕆᐊᖃᕈᖕᓇᖅᑐᑦ ᑐᒃᓯᕋᕐᓗᑎᒡᓗᓐᓂᑦ ᑲᑎᒪᕕᒡᔪᑉ ᐅᖃᓕᒪᕐᕕᖓᓐᓂᑦ ᖃᕆᑕᐅᔭᑯᓗᓐᓂᑦ ᑎᑎᕋᖅᓯᒪᔪᓐᓂᒃ ᑲᑎᒪᓐᓂᑯᓂᒃ ᑲᓇᑕᐅᑉ ᑲᑎᒪᕕᒡᔪᐊᖓᓂ, ᑲᑎᒪᔨᐊᓚᑦ ᑲᑎᒪᓐᓂᑯᖏᓐᓂᒃ ᖃᕆᑕᐅᔭᑯᑦ ᐱᑕᖃᕐᓂᖅᐸᑦ.

ᑭᓯᐊᓂ, ᑕᒻᓇ ᐱᓕᕆᐊᖑᓂᐊᖅᑐᖅ ᑲᔪᓯᖏᓂᖅᐸᑦ ᑎᑎᕋᖅᑕᐅᓂᖓ ᑲᑎᒪᕕᖕᒥ, ᑲᑎᒪᔨᐊᓚᑦ ᓇᒻᒪᒃᓴᖅᑐᑦ ᑎᑎᕋᖅᑎᖓᓐᓂᑦ ᑲᑎᒪᕕᒡᔪᑉ ᖃᐅᔨᓴᕐᓂᖓᓐᓂᒃ ᐊᑐᓕᖅᑎᑕᐅᑲᓂᕐᓂᖓᓄᑦ ᐅᓂᑉᑲᕐᓗᑎᒡᓗ ᑲᑎᒪᔨᐊᓚᓄᑦ ᖃᖓᑲᓂᖅ ᐅᑉᓗᕐᒥ ᐊᕿᒋᐊᕈᙱᒃᓴᖏᓐᓂᒃ.

ᐊᔨᖏᖏᑐᑦ ᐱᓕᕆᐊᒃᓴᐃᑦ

ᐊᑐᒐᐅᑲᓂᖅᐸᒃᑐᑦ ᐅᖃᐅᓯᑦ: ᓄᓇᓕᑦ ᐊᓯᖏᓐᓂᑦ ᑐᑭᓕᐅᕆᔨᑕᖃᕆᐊᖃᖅᑕᑉᒪᑦ ᐃᓚᓐᓂᑯᑦ ᓄᓇᓕᖕᒥ ᐊᔪᕋᖓᒻᒥᒃ ᓇᓂᓯᓂᕐᒥᒃ. ᑲᑎᒪᔨᐊᓚᑦ ᑐᓴᓚᐅᕐᒪᑕ ᓂᕆᐅᒋᔭᐅᒐᓗᐊᕐᒪᑦ ᐅᖃᖅᑎᐅᓂᐊᑉ ᓂᐱᖃᕐᓂᖓ ᑐᓴᔭᐅᓂᖓᓗ ᐊᕿᐅᒪᑎᐊᕐᓗᓐᓂ ᐊᑐᑎᖃᕐᒪᑦ ᐊᔨᖏᖏᑐᓄᑦ ᐅᖃᐅᓯᖃᖅᑐᓄᑦ ᑲᑎᒪᕕᒡᔪᐊᕐᒥ. ᑭᓯᐊᓂᓕ, ᑲᑎᒪᔨᐊᓚᑦ ᓇᒻᒪᒍᓱᖕᒪᑕ ᐊᑐᖁᔭᐅᓯᒪᔪᓐᓂᒃ ᐱᔭᕆᐊᖃᓕᕐᓂᖅᐸᑦ, ᐅᖃᖅᑎᐅᓂᐅᑉ ᑲᔪᓯᑎᑕᐅᓂᖓ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᑐᑭᓕᐅᖅᑕᐅᑐᐃᓐᓇᕐᓂᐊᕐᒪᑕ ᖃᑉᓗᓇᑐᑦ ᕕᕕᑎᑐᓪᓗ ᑲᑎᒪᔨᕐᔪᐃᑦ ᐅᖃᐅᓯᖏᓐᓂ ᑲᓇᑕᐅᑉ ᑲᑎᒪᑉᕕᒡᔪᐊᖓᓐᓂ.

ᓄᓇᓕᑦ ᐊᓯᖏᓐᓂᑦ ᐅᖃᖅᑎᐅᓂᖅ: ᐃᖃᓇᐃᔭᖅᑎᐅᔪᑦ ᑐᑭᓕᐅᕆᔨᑦ ᑎᑎᕋᕐᕕᖓᓐᓂᑦ ᐅᖃᓚᐅᕐᒪᑕ ᑲᑎᒪᔨᐊᓚᓄᑦ ᐊᓯᖏᓐᓂ ᓄᓇᓕᖕᓂ ᐅᖃᖅᑎᐅᓂᖅ ᖃᐅᔨᓴᒐᐅᖏᓐᓇᕐᒪᑦ ᐊᕿᒃᑕᐅᓂᖓᓐᓂᒃ ᐱᓕᕆᐊᖑᑐᐃᓐᓇᖅᐳᖅ. ᒪᓇᐅᔪᖅ, ᒪᕈᖕᓂᒃ ᓇᒻᒪᖏᑐᖃᖅᐳᖅ ᐅᖃᖅᑎᐅᓂᕐᒧᑦ. ᓂᐱᖃᑎᐊᓗᐊᖏᓂᖓ ᐊᒻᒪ ᓇᓚᖕᓂᐊᕐᓗᓐᓂ ᐊᑉᖁᑎᖃᑎᐊᖏᓐᓂᖓ, ᑕᑉᑯᐊ ᐅᖃᖅᑎᐅᑉ ᑐᓴᔭᐅᑎᐊᖅᑕᖏᓂᒋᒃ ᐅᖃᖅᑎᐅᔪᒻᒧᑦ ᐊᒻᒪ ᑐᓴᔪᒻᒧᑦ ᓇᒻᒪᖏᑦᑐᒃ.[111] ᑕᓚᓴᐅᑎᓪᓗᒍ, ᑲᑎᒪᔨᐊᓚᑦ ᑲᔪᓯᖁᔨᖏᒥᐊᖅᑐᑦ ᐊᓯᖏᓐᓂᑦ ᓄᓇᓕᖕᓂᑦ ᐅᖃᖅᑎᐅᓂᖅ ᑲᔪᖏᒥᐊᕐᓗᓐᓂ ᒪᓐᓇ ᑭᓯᐊᓐᓂ ᐅᖃᖅᑎᑦ ᑎᑎᖃᕐᕕᖓᑦ ᓇᒻᒪᒃᓴᓕᖅᐸᑦ ᐅᖃᖅᑎᐅᓂᖅ ᑲᔪᓯᑎᐊᓕᖅᐸᑦ ᐊᔪᕈᑎᖃᖏᓗᓐᓂ. ᑲᑎᒪᔨᐊᓚᑦ ᑭᓯᐊᓐᓂ ᐃᑲᔪᖅᑐᒐᐅᕗᑦ ᓯᕗᒻᒧᒃᓯᒪᓕᕐᓂᖏᓐᓂᒃ ᑐᓴᖅᑎᑎᔪᑎᑦ ᑐᓴᐅᑎᓪᓗ, ᑕᑉᑯᐊᒃ ᐊᕿᒍᑎᐅᓂᐊᕐᒪᓂᒃ ᐊᑭᑐᓗᐊᖏᓗᓐᓂ ᓇᒻᒪᖏᔪᑎᖃᓗᐊᖏᓗᓂᓗ ᐅᖃᖅᑎᑦ ᐱᔨᑦᑎᖅᑎᖏᓐᓄᑦ. ᑕᐃᒪᓐᓇᐅᑎᓪᓗᒍ, ᑲᑎᒪᔨᐊᓚᑦ ᐊᑐᓕᖁᔨᕗᑦ ᑐᑭᓕᐅᕆᔨᑦ ᑎᑎᕋᕐᕕᖓᑦ ᑲᔪᓯᖁᑉᓗᒍ ᓇᓂᓯᓂᓗᒡᓗᑎᒃ ᐱᓕᕆᕕᐅᔪᖕᓇᖅᑐᒻᒥᒃ ᑐᑭᓕᐅᕆᕕᖕᒥᒃ.

ᐊᑐᐃᓐᓇᐅᓂᖏᑦ ᐊᔪᖏᓂᖏᓪᓗ ᐅᖃᖅᑎᑦ: ᖃᐅᔨᓴᕐᓂᐅᑉ ᐃᓗᐊᓐᓂ ᑲᑎᒪᔨᐊᓚᑦ ᑐᓴᓚᐅᕐᒪᑕ ᐅᖃᖅᑎᐅᔪᓐᓂᒃ ᑐᑭᓕᐅᕆᔨᐅᔪᓂᒡᓗ ᖃᑉᓗᓇᑐᑦ ᕕᕕᑎᑐᓪᓗ, ᐊᒥᓱᓗᐊᖏᑐᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐃᖃᓇᐃᔭᖃᖅᑐᑦ ᐱᔪᑎᖃᓗᐊᖅᖢᑎᒃ ᐊᑐᐃᓐᓇᐅᔪᖃᖏᓗᐊᕐᓂᖓᓐᓄᑦ ᐃᖃᓇᐃᔭᕈᒪᔪᑦ. ᑎᐊᓇᑐᑕᐅᖅ, ᑲᑎᒪᔨᐊᓚᑦ ᑐᓴᓚᐅᕐᒪᑕ ᒪᓇᐅᖏᑐᖅ ᑐᑭᓕᐅᕆᓂᕐᒥᒃ ᐱᓕᕆᐊᖃᖅᑐᑦ ᐊᔪᕈᑎᖃᓚᐅᕐᒪᑕ ᓇᓗᓇᐃᖅᓯᓂᕐᒥᒃ ᐅᖃᖅᑎᒃᓴᓐᓂᒃ ᑲᓇᑕᐅᑉ ᑲᑎᒪᕕᒡᔪᐊᕐᕕᖓᓐᓂ ᐃᖃᓇᐃᔭᖅᓯᒪᔪᓐᓂᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐅᖃᕈᖕᓇᖅᑐᓐᓂᒃ, ᐃᓄᒃᑐᑦ ᐅᖃᕐᓂᖅ ᐱᔪᑕᐅᖏᖢᓐᓂᑐᐊᖅ.[112] ᐊᒻᒪ ᓱᓕ, ᒪᓇᐅᔪᖅ ᓄᓇᖃᖅᖃᖅᓯᒪᔪᓂᒃ ᐅᖃᖅᑎᑕᖃᖏᑐᖅ ᓚᐃᓴᑕᖅᑎᑕᐅᔪᓐᓂᒃ ᑲᓇᑕᒻᒥ ᐅᖃᖅᑎᑦ, ᑎᑎᕋᐅᓯᓕᕆᔨᑦ ᑐᑭᓕᐅᕆᔨᓪᓗ ᑲᑎᒪᔨᖏᓐᓄᑦ.

ᑲᑎᒪᔨᐊᓚᑦ ᐅᒃᐱᕈᓱᒃᐳᑦ, ᑲᓇᑕᒻᒥ ᑲᑎᒪᔨᐊᕐᔪᐊᖏᑦ ᐊᕿᒃᑎᐊᖅᓯᒪᔪᒻᒥᒃ ᐱᔪᒪᓂᖃᕐᓗᑎᒡᓗ ᓄᓇᖃᖅᖃᖅᓯᒪᔪᓐᓂᒃ ᐅᖃᖅᑎᐅᓂᐊᖅᑐᓐᓂᒃ ᑐᑭᓕᐅᕆᔨᐅᓂᐊᖅᑐᓂᒡᓗ, ᑐᑭᓕᐅᕆᓂᕐᒧᑦ ᐃᖃᓇᐃᔭᖅᑎᑦ ᐱᓕᕆᖃᑎᖃᕐᓂᐊᕐᒪᑕ ᓄᓇᖃᖅᖃᖅᓯᒪᔪᑦ ᓄᓇᓕᖏᓐᓂᒃ ᑎᒥᐅᔪᓂᒡᓗ ᓴᕿᑎᑦᓯᓂᕐᒥᒃ ᓄᓇᖃᖅᖃᖅᓯᒪᔪᑦ ᐅᖃᖅᑎᒃᖏᓐᓂᒃ ᑐᑭᓕᐅᕆᔨᖏᓐᓂᒡᓗ ᑲᓇᑕᐅᑉ ᑲᑎᒪᕕᒡᔪᐊᕐᕕᖓᓐᓂ.

ᐊᔪᕈᑕᐅᕙᒃᑐᑦ ᐱᓕᕆᐊᕆᓂᐊᕐᓗᒋᑦ: ᑲᑎᒪᔨᐊᓚᑦ ᐅᖃᐅᑎᔭᐅᓚᐅᕐᒪᑕ ᐅᖃᖅᑎᑦ ᐃᓂᒋᓂᐊᖅᑕᖏᑦ ᐊᕿᒃᑕᐅᔪᖕᓇᖅᐳᑦ ᑲᑎᒪᕕᐅᔪᓐᓂ ᓄᑕᖑᖅᑎᑕᐅᓯᒪᔪᒥᓗ ᑲᑎᒪᕕᒡᔪᑉ ᐃᓚᖓᓐᓂ ᕕᔅ ᐳᓚᒃᒥ ᐅᖃᖅᑎᑦ ᐃᓂᖓᓐᓂᒃ ᐱᑕᖃᓕᐊᓂᒃᖢᓐᓂ . ᑭᓯᐊᓂᑉᑕᐅᖅ, ᐃᓱᒪᓗᖕᓇᖅᑐᖅ ᐅᖃᖅᑎᑦ ᐃᓂᒋᔭᖓᓐᓂᒃ ᑲᓇᑕᐅᑉ ᑲᑎᒪᕕᖓᓐᓂ ᒪᓇᐅᔪᖅ ᒪᕈᑐᐃᓐᓇᖕᓂᒃ ᐃᓂᒃᓴᖅᑕᖃᕐᒪᑦ ᐅᖃᖅᑎᖕᓂᒃ ᑲᓇᑕᐅᑉ ᑲᑎᒪᕕᖓᓐᓂ. ᑎᐊᓇᐃᑎᓪᓗᒍ, ᑲᑎᒪᔨᐊᓚᑦ ᑐᑭᓯᐅᒪᖕᒪᑕ ᑲᓇᑕᐅᑉ ᑲᑎᒪᕕᔪᐊᖓᑕ ᑎᑎᕋᕐᕕᖓ ᐃᓱᒪᓕᐅᕆᐊᖃᕐᒪᑦ ᐅᖃᖅᑎᑦ ᓄᓇᖃᖅᖃᖅᓯᒪᔪᓐᓂᑦ ᖃᑉᓗᓇᑐᑦ ᕕᕕᑎᑐᓪᓗ ᐱᑕᖃᕆᐊᖃᕐᓂᖓᓐᓂᒃ ᑲᓇᑕᐅᑉ ᑲᑎᒪᕕᔪᐊᖓᓐᓂ.

ᑲᑎᒪᔨᕐᔪᑉ ᑎᑎᕋᕐᕕᖓᑕ ᑭᓇᐅᔭᖅ ᐊᑐᒐᒃᓴᖓ

ᑲᑎᒪᔨᐊᓚᓄᑦ ᓴᕿᓯᒪᑎᓪᓗᒍ, ᒥᔅᑐ ᓴᒐᓇᔅ ᐅᖃᐅᓯᖃᓚᐅᕐᒪᑦ ᑭᓇᐅᔭᐃᑦ ᐊᑐᖅᑕᐅᓂᖏᓐᓂᒃ ᑎᑎᕋᕐᕕᐅᑉ ᐃᓗᐊᓐᓂ ᐊᑐᒐᒃᓴᑦ ᐱᑉᓗᒋᑦ, ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓄᑦ ᐊᖏᖅᑕᐅᓯᒪᖏᒪᑦ ᐊᑐᒐᐅᓂᐊᕐᓗᓐᓂ ᒪᓇᐅᔪᖅ ᐊᕿᒃᑕᐅᓯᒪᓂᖓᓂ ᑲᑎᒪᔨᕐᔪᐊᑉ ᒪᓕᒐᖏᓐᓂ.[113] ᑲᑎᒪᔨᐊᓚᑦ ᐃᓱᒪᓚᐅᖅᐳᑦ ᑭᓇᐅᔭᑦ ᐊᑐᒐᒃᓴᐅᔪᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓄᑦ ᐊᖏᖅᑕᐅᔭᕆᐊᖃᕐᒪᑕ, ᑲᑎᒪᑉᕕᒡᔪᑉ ᐃᓗᐊᓐᓂ ᐱᓕᕆᐊᖑᓂᐊᖅᐸᑕ.

ᑕᐃᒪᐃᒻᒪᑦ, ᑲᑎᒪᔨᐊᓚᑦ ᐊᖏᖅᓯᒪᕗᑦ ᑲᔪᓯᖁᔨᑉᓗᑎᒃ

ᑕᑯᒋᐊᑲᓂᕐᓗᒍ

ᐊᔾᔨᒋᒃᑎᑦᓯᓗᓐᓂ ᑲᑎᒪᔨᐊᓚᓐᓄᑦ ᖃᐅᔨᓴᒐᐅᓗᑎᒃ ᐱᓕᕆᐸᖑᔪᑦ ᐃᓕᑕᖅᓯᓂᕐᒥᒃ ᓄᓇᖃᖅᖃᖅᓯᒪᔪᑦ ᐅᖃᐅᓯᖏᓐᓂᒃ ᐊᑐᕐᓂᕐᒥᒃ ᑲᑎᒪᑉᕕᒡᔪᐊᕐᒥ, ᑲᑎᒪᔨᐊᓚᑦ ᖃᐅᔨᓴᕐᓗᑎᒃ ᐊᕋᒍᑦ 5 ᐱᐊᓂᒃᓯᒪᓕᕋᖓᑕ ᐊᑐᒐᐅᑎᐊᕐᒪᖓᑦ ᓄᓇᖃᖅᖃᖅᓯᒪᔪᑦ ᐅᖃᐅᓯᖓᑦ ᑲᑎᒪᑉᕕᒡᔪᐊᕐᒥ.

[1] ᑎᑎᕋᐅᓯᖅ “ᓄᓇᖃᖅᖃᖅᓯᒪᔪᑦ ᐅᖃᐅᓯᖓᑦ” ᐊᑐᒐᐅᓱᖅᑐᖅ ᐅᓇ ᐊᑐᒐᐅᖏᖢᓐᓂ “ᐊᓪᓚᐃᑦ ᐅᖃᐅᓯᖓᑦ.”

[2] ᑲᓄᐃᑐᒥᐊᓂᒃ ᐱᓕᕆᐊᖃᖅᑐᑦ ᒪᓕᒐᖁᑎᖓᑦ 30(5) ᐊᒻᒪ 31 ᐊᔪᖏᑎᑦᓯᕗᖅ ᐃᓗᐊᓐᓂ 15 ᒥᓂᑦᔅ ᑲᑎᒪᔨᑦ, ᒥᓂᔅᑕᐅᔪᑦ ᐊᓯᖏᑦ, ᐃᓕᑕᕆᔭᐅᓯᒪᔪᑦ ᐅᖃᖅᑎᒻᒧᑦ ᐅᖃᕈᖕᓇᖅᐳᑦ 1-ᒥᓂᑦᔅᒥᒃ ᐅᖃᐅᓯᕆᔪᒪᔭᒥᖕᓂᒃ.

[3] ᑲᓇᑕᐅᑉ ᑲᑎᒪᔨᕐᔪᐊᖏᑦ, ᑲᑎᒪᔪᑕᐅᔪᑦ, 8 ᔪᓐ, 2017.

[4] Ibid.

[5] Ibid.

[6] ᑲᓇᑕᐅᑉ ᑲᑎᒪᔨᕐᔪᐊᖏᑦ, ᑲᑎᒪᔪᑕᐅᔪᑦ, 20 ᔪᓐ 2017.

[7] Ibid.

[8] ᑲᓇᑕᐅᑉ ᒪᓕᒐᕐᔪᐊᖓ, 1867, art. 133.

[9] ᑲᓇᑕᐅᑉ ᑲᑎᒪᔨᕐᔪᐊᖏᓐᓂ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᖃᓄᐃᓕᐅᕐᓂᕐᒧᑦ ᑲᑎᒪᑉᕕᐅᑉ ᐱᓕᕆᐊᖏᓐᓂ, ᑕᑯᔭᒃᓴᐅᔪᑦ, 1^reᑲᑎᒪᓂᖓᑦ, 42^e ᑲᑎᒪᓂᖓᑦ ᑲᑎᒪᕕᒡᔪᐊᕐᒥ, ᑲᑎᒪᓂᖅ 93, ᒪᐊᑦᔅ 20, 2018, 1105 (ᒥᔅᑐ ᓴᐃᐅᔅ ᕋᑉᐸᑦ, ᑲᓇᑕᐅᑉ ᑲᑎᒪᕕᒡᔪᐊᖓᓂ). ᑕᑯᓗᒍᑦᑕᐅᖅ ᔨᓐ ᑎᓚᐃᐅ, “50 ᐊᕋᒍᑦ ᑲᓇᑕᐅᑉ ᑲᑎᒪᕕᐊᓐᓂ ᑐᑭᓕᐅᕆᓂᖅ,” ᑲᓇᑕᐅᑉ ᑲᑎᒪᕕᒡᔪᐊᖓᓐᓂ ᑕᑯᒋᐊᑲᓂᕐᓂᖅ, ᐊᐅᔭᖓᓐᓂ 2009, ᒪᒃᐱᖓ 27.

[10] ᐅᖃᐅᓯᑦ ᒪᓕᒐᕐᔪᐊᖓᑦ, ᐃᓚᖓ I.

[11] ᕗᐊᑦ v. ᑯᐃᐱᒃ (ᐳᑭᖅᑕᓕᑦ ᐃᖃᖅᑐᐃᔨᓪᓗ ᐊᖓᔪᖃᖓᑦ) [1988] 2 RCS 712

[12] ᑲᓇᑕᐅᑉ ᑲᑎᒪᔨᕐᔪᐊᖏᓐᓂ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᖃᓄᐃᓕᐅᕐᓂᕐᒧᑦ ᑲᑎᒪᑉᕕᐅᑉ ᐱᓕᕆᐊᖏᓐᓂ, ᑕᑯᔭᒃᓴᐅᔪᑦ, 1^reᑲᑎᒪᓂᖓᑦ, 42^e ᑲᑎᒪᓂᖓᑦ ᑲᑎᒪᕕᒡᔪᐊᕐᒥ, ᑲᑎᒪᓂᖅ 95, ᒪᐊᑦᔅ 27, 2018, 1115 (Tᐅᐱᓐᓇᖅᑐᖅ ᓯᐊᔾ ᔪᐃᔪᓪ, ᓯᓂᑦᑕᐅᔪᖅ).

[13] ᑲᓇᑕᒥᐅᑦ ᐱᔪᖕᓇᕐᓂᖏᑦ ᐃᓱᒪᖅᓱᕈᖕᓇᕐᓂᖏᓪᓗ, s 22. ᐃᓚᖓᑦ I ᑲᓇᑕᐅᑉ ᐱᖁᔭᕐᔪᐊᖓᓐᓂ, 1982, ᓇᓗᓇᐃᑯᑕᖃᖅᑐᖅ B ᑲᓇᑕᐅᑉ ᒪᓕᒐᕐᔪᐊᖏᓐᓂ 1982 (R.-U)., 1982, c 11.

[14] ᑲᓇᑕᒥᐅᑦ ᐱᔪᖕᓇᕐᓂᖏᑦ ᐃᓱᒪᖅᓱᕈᖕᓇᕐᓂᖏᓪᓗ, s 25. ᐃᓚᖓᑦ I ᑲᓇᑕᐅᑉ ᐱᖁᔭᕐᔪᐊᖓᓐᓂ, 1982, ᓇᓗᓇᐃᑯᑕᖃᖅᑐᖅ B ᑲᓇᑕᐅᑉ ᒪᓕᒐᕐᔪᐊᖏᓐᓂ 1982 (R.-U.), 1982, c 11.

[15] ᑲᓇᑕᐅᑉ ᑲᑎᒪᑉᕕᒡᔪᐊᖓᓂ, ᖃᓄᐃᑐᒥᐊᓄᑦ ᑲᑎᒪᔨᐊᓚᑦ ᐱᕙᓪᓕᐊᓂᖏᓐᓂᒃ ᑲᓇᑕᐅᑉ ᑲᑎᒪᕕᒡᔪᐊᖓᓂ, ᑕᑯᔭᒃᓴᐅᔪᑦ, 1^re ᑲᑎᒪᓂᖓ, 42^e ᑲᓇᑕᐅᑉ ᒪᓕᒐᓕᐅᕐᕕᖓ, ᑲᑎᒪᓂᖓᑦ 93, ᒪᐊᑦᔅ 20, 2018, 1210 (ᒥᔅᑐ ᕈᒥᐅᓪ ᓴᒐᓇᔅ, ᑲᑎᒪᔨᐅᔪᖅ ᐊᐱᑎᐱᒻᒧᑦ-ᔨᒻᔅ ᐸᐃᒧᓪᓗ —ᓄᓇᕕᖕᒥ—Eeyou).

[16] ᔪᐃᓪᔪᓪ, 1225.

[17] ᔪᐃᓪᔪᓪ, 1115.

[18] ᓴᒐᓇᔅ, 1210.

[19] ᓄᓇᖃᖅᖃᖅᓯᒪᔪᑦ ᐊᒪ ᐅᑭᐅᖅᑕᖅᑐᒻᒥ ᐱᓕᕆᐊᖃᖅᑐᑦ ᑲᓇᑕᒻᒥ, ᑲᓇᑕᐅᑉ ᐅᖃᐅᓯᒃᓴᖏᑦ ᓯᓚᕐᔪᐊᕐᒥ ᑲᑎᒪᔨᕐᔪᐃᑦ ᐊᖏᕈᑎᖓᓐᓂᒃ ᓄᓇᖃᖅᖃᖅᓯᒪᔪᑦ ᐱᔪᖕᓇᐅᑎᖓᓐᓂᒃ ᐱᖁᔭᒻᒥᒃ, 12 ᓄᕕᒻᐱᕆ 2010.

[20] ᓄᓇᖃᖅᖃᖅᓯᒪᔪᑦ ᐊᒪ ᐅᑭᐅᖅᑕᖅᑐᒻᒥ ᐱᓕᕆᐊᖃᖅᑐᑦ ᑲᓇᑕᒻᒥ, ᑲᓇᑕ ᐃᑲᔪᖅᑐᐃᓕᖅᑐᖅ ᓯᓚᕐᔪᐊᕐᒥ ᑲᑎᒪᔨᕐᔪᐃᑦ ᐊᖏᕈᑎᖓᓐᓂᒃ ᓄᓇᖃᖅᖃᖅᓯᒪᔪᑦ ᐱᔪᖕᓇᐅᑎᖓᓐᓂᒃ , 10 ᒪᐃ 2016.

[21] ᑭᒡᓕᓯᓂᐊᖅᑎᑦ ᑲᒥᓴᖓᑦ ᑲᓇᑕᒻᒥ, ᑭᒡᓕᓯᓂᐊᖅᑎᑦ ᑲᑎᒪᔨᖏᑦ ᑲᒥᓴᖓ ᑲᓇᑕᒻᒥ: ᖃᓗᐃᓕᐅᖁᔨᓂᖓᑦ, 2012.

[22] ᐅᖃᐅᓯᖏᑦ ᑲᓇᑕᐅᑉ ᓯᕗᓕᖅᑎᒪᕆᖓᑕ ᓴᕿᑕᐅᓂᖓᓐᓂᒃ ᑭᖑᓪᓕᖅ ᐅᓂᑉᑲᖅ ᑲᓇᑕᐅᑉ ᑭᒡᓕᓯᓂᐊᒻᑎᖏᓐᓄᑦ, 15 ᑎᓯᒻᐱᕆ 2015.

[23] ᒪᐊᒃ ᐳᔅᒃ ᐊᒻᒪ ᐊᓐᑐᕆ ᒐᓐᔭᓐ, eds., “ᒪᓕᒐᒃᓴᑦ ᐊᑎᓕᐅᖅᑎᑕᕆᓂᐊᕐᓗᓐᓂ,” ᒪᒃᐱᖓ 22 ᒪᓕᒐᓕᐅᕐᕕᐅᑉ ᐃᓗᐊᓐᓂ ᖃᓄᐃᓕᐅᕈᑕᐅᓱᖅᑐᑦ 3^e éd., ᑲᓇᑕᐅᑉ ᑲᑎᒪᕕᒡᔪᐊᖓᓐᓂ, ᐊᑦᑐᕙᒻᒥ, 2017.

[24] ᒪᒃ ᐳᔅ ᐊᒻᒪ ᐊᓐᑐᕆ ᒐᐊᓐᓇᓐ, éd., “ᐅᖃᕈᖕᓇᕐᓂᖅ,” ᒪᒃᐱᖓ 13 ᒪᓕᒐᓕᐅᕐᕕᐅᑉ ᐃᓗᐊᓐᓂ ᖃᓄᐃᓕᐅᕈᑕᐅᓱᖅᑐᑦ.

[25] ᑲᓇᑕᐅᑉ ᑲᑎᒪᔨᕐᔪᐊᖏᑦ, ᑲᑎᒪᔪᑕᐅᔪᑦ, 20 ᔪᓐ 2017.

[26] ᑲᓇᑕᐅᑉ ᑲᑎᒪᕕᒡᔪᐊᖓᓐᓂ, ᑲᑎᒪᔪᑕᐅᔪᑦ, 8 ᑎᓯᒻᐱᕆ 1964.

[27] ᑲᓇᑕᐅᑉ ᑲᑎᒪᔨᕐᔪᐊᖏᑦ, ᑲᑎᒪᔪᑕᐅᔪᑦ, 12 ᔪᓐ 1995.

[28] ᑲᓇᑕᐅᑉ ᑲᑎᒪᔨᕐᔪᐊᖏᑦ, ᑲᑎᒪᔪᑕᐅᔪᑦ, 13 ᔪᓐ 1995.

[29] ᐊᕿᐅᒪᑎᐊᖅᑐᑦ ᑐᑭᓕᐅᖅᑕᐅᓯᒪᔪᑦ ᑲᓇᑕᒻᒥ ᑲᑎᒪᔨᕐᔪᐃᑦ ᑲᑎᒪᓐᓂᑯᖏᑦ ᐅᖃᐅᓯᐅᔪᒻᒥᒃ ᐅᖃᐅᓯᖃᖅᑎᓪᓗᒋᑦ ᑎᑎᕋᖅᑕᐅᓯᒪᔪᑦ ᖃᓄᐃᓕᐅᕈᑕᐅᓐᓂᑯᑦ ᑲᑎᒪᔨᕐᔪᐃᑦ ᑲᑎᒪᔨᖏᓐᓄᑦ ᑕᑯᔭᐅᔪᑕᐅᓂᐊᖅᖢᑎᒃ.

[30] ᓯᓂᑦ ᒪᓕᒐᓕᕆᔨᑦ ᑲᓇᑕᒻᒥ, ᑕᓪᓕᒪᖓᑦ ᐅᓂᑉᑲᖅ ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏᓐᓂ ᒪᓕᒐᕐᓄᑦ, ᑲᑎᒪᓂᐅᑉ ᐃᖏᕋᓂᖓᓄᑦ ᐱᔪᖕᓇᕐᓂᐅᔪᓄᓪᓗ ᑲᑎᒪᔨᐅᔪᓄᑦ, 2^e ᑲᑎᒪᓂᖓᑦ, 39^e ᑲᑎᒪᕕᒡᔪᐊᕐᒥ, 9 ᐃᐳᕈ 2008.

[31] Ibid.

[32] ᓯᓂᑦ ᒪᓕᒐᓕᕆᔨᑦ ᑲᓇᑕᒻᒥ, ᓯᓂᑦ ᐊᔪᕈᖕᓇᐃᖅᓴᕐᓂᖓᑦ ᑲᑎᒪᓂᕐᒥ, ᔪᓐ 2015, p. 84.

[33] ᓯᓂᑦ ᒪᓕᒐᓕᕆᔨᑦ ᑲᓇᑕᒻᒥ, ᓯᓂᑦ ᐊᔪᕈᖕᓇᐃᖅᓴᕐᓂᖓᑦ ᑲᑎᒪᓂᕐᒥ, ᔪᓐ 2015, p. 84.; ᕋᐳᑦ 1110.

[34] ᑐᓴᖅᑎᑦᑎᓂᖅ ᓯᕗᓂᖓᓂ ᑐᑭᖓ ᐅᖃᐅᓯᐅᖏᓚᖅ; ᑭᓯᐊᓐᓂ ᑐᑭᖓ “ᐱᕕᒃᓴᖃᑎᐊᕐᓂᕐᒧᑦ” ᖃᖓᑐᐃᓐᓇᖅ ᐱᕕᒃᓴᖃᕐᖢᑎᒃ ᓇᓂᓯᔪᓪᓗᐊᖁᑉᓗᒋᑦ ᑐᑭᓕᐅᕆᔨᐅᓂᐊᖅᑐᓐᓂᒃ ᐅᖃᐅᓯᕐᓂᒃ.

[35] ᐅᖃᖅᐸᓕᐊᔪᒥᒃ ᑐᑭᓕᐅᕆᓂᐊᕐᓗᓐᓂ ᐅᖃᐅᓯᕐᒥ C, ᐅᖃᐅᓯᖅ A ᑐᑭᓕᐅᒐᐅᑉᓗᓐᓂ B ᐊᒻᒪ ᐅᖃᐅᓯᖓ B ᑐᑭᓕᐅᒐᐅᓕᕆᑉᓗᓐᓂ ᐅᖃᐅᓯᕐᒧᑦ C. ᑕᒻᓇ ᑕᐅᑐᒃᓗᒍ, ᐅᖃᐅᓯᐅᔪᖅ ᓯᕗᓪᓕᖅ ᐊᑐᒐᐅᔪᖅ B.

[36] ᑲᓇᑕᐅᑉ ᑲᑎᒪᕕᒐ, ᖃᓄᐃᓕᐅᕈᑎᑦ ᑲᔪᓯᑎᑕᐅᓂᖏᓐᓄᑦ ᑲᑎᒪᕕᐅᑉᓗ ᑲᑎᒪᔨᐊᓚᖏ, ᑕᑯᔭᒃᓴᑦ, 1^re ᑲᑎᒪᓂᖓ,42^e ᑲᑎᒪᕕᒡᔪᐊᕐᓂᖓ, ᑲᑎᒪᓂᖓᑦ 95, ᒪᐊᑦᔅ 27, 2018, 1210 (ᐅᐱᓐᓇᖅᑐᖅ ᑎᓂᔅ ᒋᓕᓐ ᐸᑦᑐᓴᓐ, ᓯᓂᑦᑕ).

[37] ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᐱᖁᔭᖓᑦ, L.R.T.N.-O. 1988, ch. O-1.

[38] ᔅᑎᕙᓐ ᓂᑦᑕ, ‘ᐊᑕᐅᓯᖅ ᓄᓐᓇ –ᐊᒥᓱᑦ ᓂᐱᑦ,’ ᑲᓇᑕᒥᐅᑦ ᒪᓕᒐᓕᐅᕐᕕᖕᒥ ᑕᑯᑲᓂᕐᓂᖓᑦ, ᐅᖃᓕᒪᖅ 25, ᓇᓴᐅᑎᖓ 3, 2002.

[39] ᑲᓇᑕᐅᑉ ᑲᑎᒪᕕᒐ, ᖃᓄᐃᓕᐅᕈᑎᑦ ᑲᔪᓯᑎᑕᐅᓂᖏᓐᓄᑦ ᑲᑎᒪᕕᐅᑉᓗ ᑲᑎᒪᔨᐊᓚᖏ, ᑕᑯᔭᒃᓴᑦ, 1^reᑲᑎᒪᓂᖓ,, 42^e ᑲᑎᒪᕕᒡᔪᐊᖓ, ᑲᑎᒪᓂᖅ 95, ᒪᐊᑦᔅ 27, 2018, 1235 (ᒥᔅ ᑕᓐᓂᐅᓪ ᒪᒐ, ᓄᓇᑦᓯᐊᕐᒥ ᒪᓕᒐᓕᐅᕐᕕᒃ).

[40] ᒪᒐ, 1235; ᓄᓇᑦᓯᐊᕐᒥ ᒪᓕᒐᓕᐅᕐᕕᒃ, 18^th ᒪᓕᒐᓕᐅᕐᕕᖓ ᓄᓇᑦᓯᐊᕐᒥ - ᑲᑎᒪᔨᑦ ᐃᓕᓐᓂᐊᕈᑎᖓ.

[41] ᑲᑎᑕᐅᓯᒪᓂᖏᑦ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᐱᖁᔭᖓ, L.Nu. 2008, c. 10.

[42] ᑲᑎᑕᐅᓯᒪᔪᑦ ᐃᓄᐃᑦ ᐅᖃᐅᓯᖓᑕ ᒥᐊᓂᕆᔭᐅᓂᖓᓄᑦ ᐱᖁᔭᖅ, L.Nu. 2008, c. 17.

[43] ᑲᓇᑕᐅᑉ ᑲᑎᒪᕕᒐ, ᖃᓄᐃᓕᐅᕈᑎᑦ ᑲᔪᓯᑎᑕᐅᓂᖏᓐᓄᑦ ᑲᑎᒪᕕᐅᑉᓗ ᑲᑎᒪᔨᐊᓚᖏ, ᑕᑯᔭᒃᓴᑦ, 1^reᑲᑎᒪᓂᖓ, 42^e ᑲᑎᒪᕕᐊᓗᖕᒥ, ᑲᑎᒪᓂᖅ 96, ᐃᐳᕈ 17, 2018, 1115 (ᒥᔅᑐ ᔭᓐ ᑯᐊᒃ, ᓄᓇᕗᒻᒥ ᒪᓕᒐᓕᐅᕐᕕᖕᒥ).

[44] ᖃᐅᔨᒪᔪᑎᒃᓴᑦ ᑎᑎᕋᖅᓯᒪᔪᑦ ᑎᑎᕋᖅᑎᐅᔪᒻᒥᒃ ᐃᖃᓇᐃᔭᖅᑎᖏᓐᓂᒡᓗ ᓄᓇᕗᒻᒥ ᒪᓕᒐᓕᐅᕐᕕᐅᑉ.

[45] Ibid.

[46] ᑯᐊᒃ, 1110 ᐊᒻᒪ 1115.

[47] ᑯᐊᒃ 1115.

[48] Ibid.

[49] ᑯᐊᒃ, 1120.

[50] ᐅᖃᐅᓯᑦ ᐱᖁᔭᖓ, LRY 2002, ch. 133.

[51] ᑲᓇᑕᐅᑉ ᑲᑎᒪᕕᒐ, ᖃᓄᐃᓕᐅᕈᑎᑦ ᑲᔪᓯᑎᑕᐅᓂᖏᓐᓄᑦ ᑲᑎᒪᕕᐅᑉᓗ ᑲᑎᒪᔨᐊᓚᖏ, ᑕᑯᔭᒃᓴᑦ, 1^reᑲᑎᒪᓂᖓ,42^e ᑲᑎᒪᕕᒡᔪᐊᕐᓂᖓ, ᑲᑎᒪᓂᖓᑦ 95, ᒪᐊᑦᔅ 27, 2018, 1240 (ᒥᔅᑐ ᕗᓗᐃᑦ ᒪᒃᑯᐊᒻᒥᒃ, ᔪᑲᓐ ᒪᓕᒐᓕᐅᕐᕕᖓᓐᓂ).

[52] ᔅᑲᐊᑦᓚᓐ ᒪᓕᒐᓕᐅᕐᕕᖓᑕ ᒪᓕᒐᖁᑎᖓ 7.1.1. ᑲᓇᑕᐅᑉ ᑲᑎᒪᕕᒐ, ᖃᓄᐃᓕᐅᕈᑎᑦ ᑲᔪᓯᑎᑕᐅᓂᖏᓐᓄᑦ ᑲᑎᒪᕕᐅᑉᓗ ᑲᑎᒪᔨᐊᓚᖏ, ᑕᑯᔭᒃᓴᑦ, 1^reᑲᑎᒪᓂᖓ,42^e ᑲᑎᒪᕕᒡᔪᐊᕐᓂᖓ, ᑲᑎᒪᓂᖓᑦ 101, ᒪᐃ 3, 2018, 1145 (ᒥᔅ ᐳᕋᓐᕕᓐ ᐳᕆᑦᑎ, ᔅᑲᐊᑦᓚᓐ ᒪᓕᒐᓕᐅᕐᕕᖓᓐᓂ).

[53] ᒋᐃᓕᒃ ᐅᖃᐅᓯᖓᑕ (ᔅᑲᑦᓚᓐᒥ) ᐱᖁᔭᖓ 2005, 2005 asp 7.

[54] ᑯᐃᓐ ᓄᓇᖓᓐᓂ ᑲᑎᒪᑉᕕᒡᔪᐊᖅ, ᔅᑲᑦᓚᓐᒥ ᒪᓕᒐᓕᐅᕐᕕᐅᑉ ᑎᒥᖓᑕ ᐅᖃᐅᓯᕐᓄᑦ ᕋᕐᓇᐅᑎᖓ 2018-23, ᒪᒃᐱᖓ 11; ᑲᑎᒪᕕᒡᔪᐊᕐᒥ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏᑦ ᑲᔪᓯᓂᕐᒧᑦ ᑲᑎᒪᕕᐅᑉ ᐃᓗᐊᓐᓂ, ᑕᑯᔭᐅᓯᒪᔪᑦ, 1^reᑲᑎᒪᓂᖅ, 42^eᑲᑎᒪᓂᒻᒪᕆᒃ, ᑲᑎᒪᓂᖓᑦ 101, ᒪᐃ 3, 2018, 1130 (ᒥᔅ ᓕᓐᑕ ᐅᐊᑕᓐ, ᔅᑲᐊᑦᓚᓐᒥ ᑲᑎᒪᕕᒡᔪᐊᖅ).

[55] ᐅᐊᑕᓐ, 1130.

[56] ᔅᑲᐊᑦᓚᓐᒥ ᑲᑎᒪᑉᕕᒡᔪᐊᖅ, ᔅᑲᐊᑦᓚᓐᒥ ᑲᑎᒪᕕᒡᔪᐊᖅ ᒐᐃᓕᒃ ᐅᖃᐅᓯᖓᑕ ᐸᕐᓇᐅᑎᖓ 2018-23, ᒪᒃᐱᖓ 11.

[57] ᕕᐅᔅ ᐅᖃᐅᓯᖓ ᐱᖁᔭᖅ1993, c. 38; ᕕᐅᒡ ᐅᖃᐅᓯᖏᑕ (ᕕᐅᔅ) ᖃᓄᐃᓕᐅᕈᑎᖏᑦ 2011, 2011 nawm 1.

[58] ᐃᒃᔅᑭᓐ ᒪᐃ: ᑲᑎᒪᕕᒡᔪᐊᕐᒥ ᐊᔪᕈᖕᓇᐃᖅᓴᕐᓂᖅ 24^eᕿᒥᕈᐊᖓ, (LNUK), ᒪᒃᐱᖓ 429.

[59] ᑯᐃᓐ ᓄᓇᖓᓐᓂ ᑲᑎᒪᑉᕕᐊᓗᑦ, ᓂᕈᐊᕐᓂᖅ ᐊᒪ ᑲᑎᒪᒋᐊᕐᓂᖅ: 1 ᒪᐊᑦᔅ 2017, ᓇᓇᐅᑎᖓ. 117, ᒪᒃᐱᖓ 3.

[60] Ibid.

[61] ᑲᑎᒪᕕᒡᔪᐊᕐᕕᐅᑉ ᑐᓴᕈᑎᖏᑦ, ᕕᐅᔅ ᑐᓴᕈᑎᓕᕆᔨᑦ ᑲᑎᒪᔨᐊᓚᖏᑦ, ᐅᑭᐊᒻᒥ ᑭᓇᐅᔭᖅ ᐊᑐᒐᒃᓴᖅ ᑐᕋᖓᑉᓗᓐᓂ ᕕᐅᔅᒧᑦ (ᐅᑉᓚᑯᑦ ᑲᑎᒪᓂᖅ), 7 ᕕᑉᕈᐊᕆ 2018, col. 1; ᐱᐱᓯ ᑐᓴᕈᑎᓕᕆᔨᖏ, ᕕᐅᔅ ᐅᖃᐅᓯᖏᑦ ᐅᖃᐅᓯᐅᕗᑦ ᓄᖃᖓᔪᑎᖃᖏᖢᑎᒃ ᕕᐅᔅ ᐱᓕᕆᐊᖏᑕ ᑲᑎᒪᔨᐊᓚᖏᓐᓂ , 7 ᕕᑉᕈᐊᕆ 2018.

[62] ᑲᑎᒪᕕᒡᔪᐊᕐᕕᒃ, ᕕᐅᔅ ᐱᓕᕆᐊᖏᓐᓂᒃ ᑲᑎᒪᔨᐊᓚᑦ, ᐅᖃᐅᓯᐅᔪᑦ ᑕᑯᑎᑕᒃᓴᑦ: ᑎᒍᔭᐅᕕᐅᑉ ᐃᓗᓕᖏᑦ ᕕᐅᔅᒥ, HC 742, 27 ᒪᐊᑦᔅ 2018.

[63] ᑲᑎᒪᕕᒡᔪᐊᕐᕕᒃ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᐱᓕᕆᐊᖃᕐᓂᕐᒧᑦ ᑲᑎᒪᕕᐅᑉᓗ ᐃᓗᐊᓐᓂ, ᑕᑯᔭᒃᓴᑦ, 1^reᑲᑎᒪᓂᖅ, 42^e ᑲᑎᒪᕕᒡᔪᐊᕐᓂᖅ, ᑲᑎᒪᓂᖓ 104, ᒪᐃ 23, 2018, 1925 (ᒥᔅᑐ ᒪᐃᑯᓪ ᑕᐊᑕᒻ, ᒪᓕᒐᓕᐅᕐᕕᒃ ᐅᑭᐅᖅᑕᖅᑐᒻᒥ ᐊᕕᒃᓯᒪᓂᖓᓂ).

[64] ᑕᐊᑕᒻ, 1935.

[65] ᒪᓕᒐᓕᐅᕐᕕᒃ ᐅᑭᐅᖅᑕᖅᑐᒻᒥ ᐊᕕᒃᓯᒪᓂᖓᓂ, ᓱᓇᑐᐃᓐᓇᓕᕆᔨᑦ ᐊᑐᖁᔭᐅᖏᑦ (ᐊᑐᕆᐊᓕᖅᑐᑦ 21 ᐃᐳᕈ 2016); ᑕᐊᑕᒻ, 1930.

[66] ᑕᐊᑕᒻ, 1930; ᒪᓕᒐᓕᐅᕐᕕᒃ ᐅᑭᐅᖅᑕᖅᑐᒻᒥ ᐊᕕᒃᓯᒪᓂᖓᓂ, 13^eᓱᓇᑐᐃᓐᓇᓕᕆᔨᑦ ᐊᑐᖁᔭᐅᖏᑦ, ᐅᓂᑉᑲᖓ ᐃᓱᒪᒋᔭᐅᑲᓂᕐᓂᕐᒧᑦ ᐊᕿᒋᐊᕈᑕᐅᓇᔭᖅᑐᑦ ᒪᓕᒐᖓᑕ 23A (ᐅᖃᐅᓯᑦ ᐊᑐᖓᐅᓱᖅᑐᑦ ᐊᓯᖏᑦ ᖃᑉᓗᓇᑐᑦ ᕕᕕᑎᑐᓪᓗ ᒪᓕᒐᓕᐅᕐᕕᐅᑉ ᐃᓗᐊᓐᓂ ᓄᓇᑦᓯᐊᕐᒥ).

[67] ᑕᐊᑕᒻ, 1940.

[68] ᑕᐊᑕᒻ, 1935.

[69] ᑕᐊᑕᒻ, 1915.

[70] ᑕᐊᑕᒻ, 1915.

[71] ᑲᑎᒪᕕᒡᔪᐊᕐᕕᒃ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᐱᓕᕆᐊᖃᕐᓂᕐᒧᑦ ᑲᑎᒪᕕᐅᑉᓗ ᐃᓗᐊᓐᓂ,, ᑕᑯᔭᒃᓴᖅ, 1^reᑲᑎᒪᓂᖓᑦ, 42^e ᑲᑎᒪᕕᐊᓗᖕᒥ, ᑲᑎᒪᓂᖅ 97, ᐃᐳᕈ 19, 2018, 1100 (ᒥᔅᑐ ᕕᓕᐊᒻ ᕕᔾᔨᑦ, ᑲᓇᑕᒥ ᐱᖁᓯᓕᕆᔨᑦ).

[72] ᑲᑎᒪᕕᒡᔪᐊᕐᕕᒃ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᐱᓕᕆᐊᖃᕐᓂᕐᒧᑦ ᑲᑎᒪᕕᐅᑉᓗ ᐃᓗᐊᓐᓂ,, ᑕᑯᔭᒃᓴᖅ, 1^reᑲᑎᒪᓂᖓᑦ, 42^e ᑲᑎᒪᕕᐊᓗᖕᒥ, ᑲᑎᒪᓂᖅ 97, ᐃᐳᕈ 26, 2018, 1205 (ᒥᔅᑐ ᐱᐊᕆ ᐱᐅᒐᑦ, ᐊᓪᓚᐃᑦ ᑲᑎᒪᔨᕐᔪᐊᖏ).

[73] ᕕᔾᔨᑦ, 1105.

[74] ᐱᐅᒐᑦ, 1205.

[75] Ibid.

[76] ᕕᔾᔨᑦ, 1105.

[77] ᕕᔾᔨᑦ, 1105.

[78] Ibid. ᐊᒃᕙᑦ ᖃᐅᔨᓴᕐᓂᕐᒧᑦ ᑎᑎᖃᑦ ᐅᖃᐅᓕᕆᓂᕐᒧᑦ ᓇᓗᓇᐃᖅᓯᕗᖅ ᓯᑕᒪᓐᓂᒃ ᖃᐅᔨᒪᔪᑕᐅᓂᐊᖅᑐᓐᓂᒃ ᐅᖃᐅᓯᐅᑉ ᐊᓯᐊᕙᓕᐊᓂᕐᓂᖓᓄᑦ ᐃᓱᒪᒃᓴᖅᓯᐅᕈᑕᐅᔪᖕᓇᖅᑐᓐᓂᒃ: 1 - ᖃᑉᓯᐅᓂᖏᑦ ᐅᖃᕈᒪᔪᑦ; 2 - ᐱᑕᖃᓗᐊᖏᓂᖏᑦ ᐊᓯᐊᓄᑦ ᓄᐸᓕᐊᑎᓪᓗᒋᑦ ᑐᓴᐅᒪᑎᑦᑎᓂᑦ; 3 - ᐱᑕᖃᓗᐊᖏᓕᕐᓂᖏᑦ ᐅᖃᖅᑎᐅᔪᑦ ᐊᕋᒍᑦ ᐱᐊᓂᒃᐸᓕᐊᓂᖏᓐᓂ; ᐊᒻᒪᓗ 4 - ᐊᑐᒐᐅᓗᐊᕈᖕᓇᐃᕐᓂᖏᑦ ᐅᑉᓗᒥᐅᓕᖅᑐᖅ ᐊᑐᒐᐅᓱᖅᑐᑦ.

[79] ᐅᓇ ᐅᒃᑐᑎᒋᑉᓗᒍ, ᑲᑎᒪᕕᒡᔪᐊᕐᕕᒃ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᐱᓕᕆᐊᖃᕐᓂᕐᒧᑦ ᑲᑎᒪᕕᐅᑉᓗ ᐃᓗᐊᓐᓂ,, ᑕᑯᔭᒃᓴᖅ, 1^reᑲᑎᒪᓂᖓᑦ, 42^eᑲᑎᒪᕕᐊᓗᖕᒥ, ᑲᑎᒪᓂᖅ 99, ᐃᐳᕈ 26, 2018, 1220 (M^me ᐃᓕᓐ ᒋᐱᕆᐅᓪ).

[80] Ibid.

[81] ᑲᑎᒪᕕᒡᔪᐊᕐᕕᒃ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᐱᓕᕆᐊᖃᕐᓂᕐᒧᑦ ᑲᑎᒪᕕᐅᑉᓗ ᐃᓗᐊᓐᓂ, ᑕᑯᔭᒃᓴᖅ, 1^reᑲᑎᒪᓂᖓᑦ, 42^e ᑲᑎᒪᕕᒡᔪᐊᕐᕕᒃ, ᑲᑎᒪᓂᖅ 99, ᐃᐳᕈ 26, 2018, 1105 (ᑕᒃᑕᓪ ᐊᕈᒃ ᕗᕕᓐᒍᕆ, ᐊᓪᓚᐃᑦ ᓯᓚᑦᑐᖅᓴᕐᕕᒡᔪᐊᖓ ᑲᓇᑕᒻᒥ).

[82] R. ᓴᒐᓇᔅ, 1210.

[83] ᑲᑎᒪᕕᒡᔪᐊᕐᕕᒃ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᐱᓕᕆᐊᖃᕐᓂᕐᒧᑦ ᑲᑎᒪᕕᐅᑉᓗ ᐃᓗᐊᓐᓂ, ᑕᑯᔭᒃᓴᖅ, 1^reᑲᑎᒪᓂᖓᑦ, 42^e ᑲᑎᒪᕕᒡᔪᐊᕐᕕᒃ, ᑲᑎᒪᓂᖅ 99, ᒪᐊᑦᔅ 22, 2018, 1120 (Ms. ᔪᐊᔨᓐᓇ ᔪᓪᓕᕗᐃᔅ, ᑲᑎᒪᔨᐅᔪᖅ Desnesthé – Missinippi – ᑯᒡᔪᐊᑉ ᑯᖓᓐᓂ).

[84] ᐱᐅᒐᑦ, 1215.

[85] ᑲᑎᒪᕕᒡᔪᐊᕐᕕᒃ, ᓱᓇᑐᐃᓐᓇᓕᕆᔨᑦ ᑲᑎᒪᔨᐊᓚᖏ ᐱᓕᕆᐊᖃᕐᓂᕐᒧᑦ ᑲᑎᒪᕕᐅᑉᓗ ᐃᓗᐊᓐᓂ, ᑕᑯᔭᒃᓴᖅ, 1^reᑲᑎᒪᓂᖓᑦ, 42^e ᑲᑎᒪᕕᒡᔪᐊᕐᕕᒃ, ᑲᑎᒪᓂᖅ 97, ᐃᐳᕈ 19, 2018, 1130 (ᒥᔅᑐ ᔨᓐ ᐱᐊᓪ ᑯᐊᐱᓪ, ᖃᐅᔨᓴᖅᑎᒪᕆᑦ ᑲᓇᑕᒻᒥ).

[86] ᒋᐱᕆᐅᓪ, 1225.

[87] ᔪᓪᓕᕗᐃᔅ, 1115.

[88] ᑲᓇᑕᐅᑉ ᑲᑎᒪᕕᔪᐊᖓᓂ, ᖃᓄᐃᓕᐅᕐᓂᐅᑉ ᑲᑎᒪᔨᖓᓚᖏᑦ ᑲᔪᓯᑎᑦᑎᓂᕐᒥᒃ ᐊᒻᒪ ᑲᑎᒪᕕᒡᔪᐊᕐᕕᐅᑉ ᐃᖏᕋᓂᖏᓐᓂᒃ, ᑕᑯᔭᒃᓴᑦ, 1^reᑲᑎᒪᓂᖓ, 42^e ᑲᑎᒪᕕᒡᔪᐊᕐᓇᖅ, ᑲᑎᒪᓂᖓᑦ 100, ᒪᐃ 1, 2018, 1210 (ᒥᔅᑐ ᔨᐊᕆᒻᒥ ᓯᐅᕋ, ᐊᑦᑐᕙ ᐃᓕᓐᓂᐊᕐᕕᒡᔪᐊᖓ).

[89] R. ᓴᒐᓇᔅ, 1225.

[90] R. ᓴᒐᓇᔅ, 1210.

[91] ᑲᑎᒪᕕᒡᔪᐊᒥ, ᑲᑎᒪᔨᐊᓚᑦ ᖃᓄᐃᓕᐅᕐᓂᕐᒥᒃ ᐊᒻᒪ ᑲᑎᒪᕕᔪᑉ ᐱᓕᕆᐊᖏᓐᓄᑦ, ᑕᑯᔭᒃᓴᖅ, 1^re ᑲᑎᒪᓂᖓᑦ, 42^e ᑲᑎᒪᕝᕕᖕᒥ, ᑲᑎᒪᓂᖅ 94, ᒪᐊᑦᔅ 22, 2018, 1210 (ᒥᔅᑐ ᕋᐸᑦ ᕕᐅᑲᓐ ᐊᐃᓕᑦ, ᑲᑎᒪᔨᕐᔪᐊᖑᔪᖅ ᕕᓂᐱᒃ ᕿᑎᖓᓄᑦ).

[92] ᑲᑎᒪᕕᒡᔪᐊᒥ, ᑲᑎᒪᔨᐊᓚᑦ ᖃᓄᐃᓕᐅᕐᓂᕐᒥᒃ ᐊᒻᒪ ᑲᑎᒪᕕᔪᑉ ᐱᓕᕆᐊᖏᓐᓄᑦ, ᑕᑯᔭᒃᓴᖅ, 1^re ᑲᑎᒪᓂᖓᑦ, 42^e ᑲᑎᒪᕝᕕᖕᒥ, ᑲᑎᒪᓂᖅ 100, ᒪᐊᑦᔅ 22, 2018, 1225 (ᒥᓕᓴ ᔪᐊᓐ ᓚᒐᔅᓯ, ᐃᔾᔪᓪ ᐃᑦᓯ ᓯᒻᔅ ᐸᐃᒻᒥ ᒐᕙᒪᖓᓐᓂᑦ).

[93] ᑲᑎᒪᕕᒡᔪᐊᒥ, ᑲᑎᒪᔨᐊᓚᑦ ᖃᓄᐃᓕᐅᕐᓂᕐᒥᒃ ᐊᒻᒪ ᑲᑎᒪᕕᔪᑉ ᐱᓕᕆᐊᖏᓐᓄᑦ, ᑕᑯᔭᒃᓴᖅ, 1^re ᑲᑎᒪᓂᖓᑦ, 42^e ᑲᑎᒪᕝᕕᖕᒥ, ᑲᑎᒪᓂᖅ 100, ᒪᐊᑦᔅ 22, 2018, 1255 (ᒥᓕᓴ ᔪᐊᓐ ᓚᒐᔅᓯ, ᐃᔾᔪᓪ ᐃᑦᓯ ᓯᒻᔅ ᐸᐃᒻᒥ ᒐᕙᒪᖓᓐᓂᑦ).

[94] M. ᓴᒐᓇᔅ, 1255.

[95] ᑎᐊᕆ, 1145.

[96] ᑎᐊᕆ, 1145.

[97] ᕕᓕᐊᒻᔅ, 1110.

[98] ᑲᑎᒪᕕᒡᔪᐊᒥ, ᑲᑎᒪᔨᐊᓚᑦ ᖃᓄᐃᓕᐅᕐᓂᕐᒥᒃ ᐊᒻᒪ ᑲᑎᒪᕕᔪᑉ ᐱᓕᕆᐊᖏᓐᓄᑦ, ᑕᑯᔭᒃᓴᑦ, 1^reᑲᑎᒪᓂᖓᑦ, 42^e ᑲᑎᒪᓂᖓ, 42^nd ᑲᑎᒪᕕᖓᓐᓂ, ᑲᑎᒪᓂᖅ 100, ᒪᐃ 1, 2018, 1105 (ᒥᔅᑐ ᔅᑎᕙᓐ ᑎᐊᕆ, ᑲᓇᑕᐅᑉ ᒐᕙᒪᖏᓐᓂ ᐃᖃᓇᐃᔭᕐᕕᖏᓐᓂ).

[99] Ibid.

[100] Ibid.

[101] ᑎᐊᕆ, 1110.

[102] ᑎᐊᕆ, 1145.

[103] ᑲᑎᒪᕕᒡᔪᐊᒥ, ᑲᑎᒪᔨᐊᓚᑦ ᖃᓄᐃᓕᐅᕐᓂᕐᒥᒃ ᐊᒻᒪ ᑲᑎᒪᕕᔪᑉ ᐱᓕᕆᐊᖏᓐᓄᑦ, ᑕᑯᔭᒃᓴᖅ, 1^reᑲᑎᒪᓂᖓ, 42^e ᑲᑎᒪᕕᖓᓐᓂ, ᑲᑎᒪᓂᖅ 101, ᒪᐃ 1, 2018, 1105 ᐊᒻᒪ 1110 (ᒥᔅᑐ ᒥᐅᑲᒻ ᕕᓕᐊᒻᔅ, ᑲᓇᑕᒻᒥ ᑐᑭᓕᐅᕆᔨᑦ, ᐅᖃᐅᓯᓕᕆᔨᑦ ᐊᒻᒪ ᐅᖃᖅᑎᑦ ᑲᑎᒪᔨᖏᑦ).

[104] ᕕᓕᐊᒻᔅ, 1105.

[105] ᕕᓕᐊᒻᔅ, 1110.

[106] ᕕᓕᐊᒻᔅ, 1125.

[107] ᑎᐊᕆ, 1115. ᑕᑯᓗᒍ ᐅᒃᑐᕋᐅᑦ: Sᑲᑎᒪᔨᑦ ᑐᑭᓕᐅᕆᔨᑦ ᐅᖃᖅᑎᓪᓗ ᐳᕆᑎᔅ ᑲᓚᒻᐱᐊᒻᒥ, “ᒪᓕᒐᒃᓴᖏᑦ ᐃᓄᓯᕐᒧᑦ.”

[108] ᑎᐊᕆ, 1140.

[109] ᔪᓪᓕᐳᐃ, 1130; ᐅᐃᓕᑦ, 1230; ᐊᒻᒪ ᓴᒐᓇᔅ, 1210 ᐊᒻᒪ 1230.

[110] ᑲᓇᑕᐅᑉ ᑲᑎᒪᕕᔪᐊᖓ ᓱᓇᒥᐊᓂᒃ ᐱᓕᕆᐊᖃᖅᑐᑦ ᑲᑎᒪᔨᐊᓚᑦ ᖃᓄᐃᓕᐅᕐᓂᕐᒧᑦ ᑲᑎᒪᕕᐅᑉ ᐃᓗᐊᓐᓂ, ᑕᑯᔭᒃᓴᑦ, 1^re ᑲᑎᒪᓂᖓ, 42^e ᑲᑎᒪᕕᐊᓗᒃ, ᑲᑎᒪᓂᕐᒥ 100, ᒪᐃ 1, 2018, 1105 (ᒥᔅᑐ ᔅᑎᕙᓐ ᑎᐊᕆ, ᐃᓄᓗᒃᑕᓕᕆᔨᑦ ᒐᕙᒪᑯᓪᓗ ᐱᓕᕆᐊᖏᓐᓂᒃ ᐱᓕᕆᕕᒃ).

[111] ᑎᐊᕆ, 1110.

[112] ᑎᐊᕆ, 1110.

[113] ᓴᒐᓇᔅ, 1245.

ᓇᓗᓇᐃᑯᑕᖓ A ᑕᐅᑐᓚᐅᖅᑐᑦ ᐊᑎᖏᑦ

ᑎᒥᐅᔪᑦ ᐊᒻᒪ ᐃᓄᒥᐊᑦ	ᐅᑉᓗᖅ	ᑲᑎᒪᓂᖅ
ᕈᒥᐅ ᓴᒐᓇᔅ, ᑲᑎᒪᔨᕐᔪᐊᖅ, ᐊᐱᑎᐱ ᔨᒻᔅ ᓄᓇᕕᖕᒥ ᐃᔾᔪᓪ	2018/03/20	93
ᑲᓇᑕᐅᑉ ᑲᑎᒪᑉᕕᒡᔪᐊᖓᓂ ᐊᓐᑐᕆ ᒐᓐᔭᓐ, ᑎᑎᕋᖅᑎᑉ ᑐᒡᓕᖓ, ᑲᑎᒪᓂᐅᑉ ᑲᔪᓯᑎᑕᐅᓂᖓ ᓴᐃᔅ ᕋᐸᑦ, ᑲᑎᒪᕕᒡᔪᐊᕐᒥ ᑎᑎᕋᖅᑎ
ᔪᐊᔨᓐᓇ ᔪᓪᓕᕗᐃᔅ, ᑲᑎᒪᔨᕐᔪᐊᖅ, ᑎᔅᓂᑎᓪ ᒥᓯᓂᑉᐱ ᓱᑦᓱᓪ ᑯᖓᓐᓂ	2018/03/22	94
ᕋᐳᑦ ᕕᐅᑲᓐ ᐊᐃᓕᑦ, ᑲᑎᒪᔨᕐᔪᐊᖅ, ᕕᓂᐱᒃ ᕿᑎᖓᓄᑦ
ᐅᐱᓐᓇᖅᑐᖅ ᓯᐊᔾ ᔪᐃᔪᓪ, ᓯᓂᑦᑕ	2018/03/27	95
ᐅᐱᓐᓇᖅᑐᖅ ᑎᓂᔅ ᐸᑦᑐᓴᓐ, ᓯᓂᑦᑕ
ᓄᓇᑦᓯᐊᕐᒥ ᒐᕙᒪᐃᑦ ᑲᑎᒪᑉᕕᖓᓐᓂ ᑕᓐᓂᐅᓪ ᒪᐊᒐᓪ, ᒥᐊᓂᖅᓯᔨ ᐃᓄᐃᑦ ᐱᓕᕆᐊᖏᓐᓂ ᑐᓴᐅᒪᑎᑦᑎᔨᓂᓗ
ᔪᑲᓐᒥ ᒪᓕᒐᓕᐅᕐᕕᒃ ᕗᓗᐃᑦ ᒪᒃᑯᐊᒻᒥᒃ, ᒪᓕᒐᓕᐅᕐᕕᐅᑉ ᑎᑎᕋᖅᑎᖓ
ᓄᓇᕗᒻᒥ ᒐᕙᒪᐃᑦ ᑲᑎᒪᕐᕕᖓᓐᓂ ᔭᓐ ᑯᐊᒃ, ᒪᓕᒐᓕᐅᕐᕕᐅᑉ ᑎᑎᕋᖅᑎᖓ	2018/04/17	96
ᐃᓄᒥᐊᖑᑉᓗᓐᓂ ᓯᐊᕈᓪ ᕼᐃᒪᓐ, ᐊᓪᓚᐃᑦ ᐅᖃᐅᓯᖏᓐᓂᒃ ᐅᑎᖅᑎᑦᓯᕙᓪᓕᐊᓂᕐᒧᑦ ᑲᒪᔨ	2018/04/19	97
ᐃᖃᓇᐃᔭᕐᕕᖓᑦ ᑲᓇᑕᐅᑉ ᐱᖁᑎᕕᓂᖏᓐᓂᒃ ᕕᓕᐊᒻ ᕕᓯᑦ, ᑐᑭᒧᐊᒃᑎᒻᒪᕆᒃ ᐃᓄᖃᖅᑐᒥᐅᑕᐃᑦ ᐃᓚᐅᓂᖓ Hᐃᐅᐸᑦ ᓗᔅᓯᐃ, ᐃᑲᔪᖅᑎ ᑐᒡᓕᖓᑕ ᒥᓂᔅᑕᐅᑉ ᓄᓇᓕᖕᒥᐅᑕᖅ, ᐃᓕᖁᓯᓕᕆᔨ ᐊᕕᒃᓯᒪᔪᓪᓗ
ᖃᐅᔨᓴᖅᑎᒻᒪᕆᑦ ᑲᓇᑕᒻᒥ ᐸᒻᒥᓚ ᐱᔅ, ᑐᑭᒧᐊᒃᑎᑉ ᐃᑲᔪᖅᑎᖓ ᐃᓄᓕᕆᓂᕐᒧᑦ ᓄᓇᖃᖅᖃᖅᓯᒪᔪᑦ ᖃᐅᔨᓴᕐᓂᖓ ᐊᕕᒃᓯᒪᓂᖓ ᔨᓐ ᐃᐊᓪ ᑯᐊᐱᐅᓪ, ᑐᑭᒧᐊᒃᑎᑉ ᐃᑲᔪᖅᑎᖓ ᐃᓄᓕᕆᓂᕐᒧᑦ ᓄᓇᖃᖅᖃᖅᓯᒪᔪᑦ ᖃᐅᔨᓴᕐᓂᖓ ᐊᕕᒃᓯᒪᓂᖓ ᕕᕕᐊᓐ ᐅᓪᑕᓐᓇᓕ, ᖃᐅᔨᓴᖅᑎ ᐃᓄᓕᕆᓂᕐᒧᑦ ᓄᓇᖃᖅᖃᖅᓯᒪᔪᑦ ᖃᐅᔨᓴᕐᓂᖓ ᐊᕕᒃᓯᒪᓂᖓ
ᐃᓄᒥᐊᖑᑉᓗᓐᓂ ᐃᓕᓐ ᒋᐱᕆᐅᓪ	2018/04/26	99
ᐊᓪᓚᐃᑦ ᑲᑐᔨᖃᑎᒋᖏᑦ ᑲᓇᑕᐅᑉ ᐊᖓᔪᖃᕐᔪᐊᖓ ᐱᐊᕆ ᐱᐅᒐᑦ ᒥᕋᑦᑕ ᕼᐃᐊᕋᓐ, ᑐᑭᒧᐊᒃᑎ ᐅᖃᐅᓯᓕᕆᓂᕐᒧᑦ ᕋᔪᓪ ᔪᓐᔅ, ᖃᐅᔨᒪᔨᒻᒪᕆᒃ ᑲᓇᑕᐅᑉ ᐅᓇᓪᓕᑦ ᐊᖓᔪᖃᒪᕆᖓᓐᓄᑦ
ᐅᓇᓕᑦ ᓯᓚᑦᑐᖅᓴᕐᕕᒃ ᑲᓇᑕᒻᒥ ᐊᕈᒃ ᕗᕕᓐᒍᕆ, ᐃᓕᓐᓂᐊᖅᑎᑦᑎᔨ ᓯᓚᑦᑐᖅᓴᕐᕕᖕᒥ ᐅᓇᓕᑦ ᐅᖃᐅᓯᖏᑦ ᑎᑎᕋᐅᓯᖏᓪᓗ, ᓄᓇᖃᖅᖃᖅᓯᒪᔪᑦ ᐅᖃᐅᓯᓕᕆᔨᖏ, ᑎᑎᕋᖑᐊᕈᓯᖏᑦ ᐃᓕᖁᓯᖏᓪᓗ
ᐃᓄᒥᐊᖑᑉᓗᓐᓂ ᔨᐊᕆᒻᒥ ᓯᐅᕋ, ᑐᑭᒧᐊᒃᑎ ᐃᓕᓐᓂᐊᖅᑎᑦᑎᔨ ᐃᓕᑕᕆᔭᐅᓯᒪᔪᑦ ᐅᖃᐅᓯᑦ ᑎᑎᕋᐅᓯᓪᓗ, ᐃᓕᓐᓂᐊᕐᕕᒡᔪᐊᖓ ᐊᑦᑐᕙᒻᒥ	2018/05/01	100
ᐃᓄᓕᕆᔨᑯᑦ ᒐᕙᒪᑯᓪᓗ ᐱᔨᑦᓯᕋᖅᑎᖓ ᒪᑦᑎᐅᓪ ᐳᐅᓪ, ᐊᖓᔪᖃᖑᓚᐅᐱᓪᓚᒃᑐᑦ ᑐᒡᓕᖓ ᑐᑭᓕᐅᕆᔨᑦ ᑎᑎᕋᕐᕕᖓᑦ ᔅᑎᕙᓐ ᑎᐊᕆ, ᐊᖓᔪᖃᒻᒪᕆᒃ ᐊᐅᓚᑦᓯᔨ ᑐᑭᓕᐅᕆᔨᑦ ᑎᑎᕋᕐᕕᖓᑦ
ᐃᔾᔪᓪ ᐃᑦᓯ ᔨᒻᔅ ᐸᐃᒻᒥ ᐊᕕᒃᓯᒪᓂᖓᓂ ᒐᕙᒪᖓᑦ ᔪᐊᓐ ᓚᑲᔅᓯ, ᑐᑭᒧᐊᒃᑎᒻᒪᕆᒃ ᒥᓕᓴ ᓴᒐᓇᔅ, ᑐᑭᒧᐊᒃᑎ ᐅᓇᓕᑦ ᑯᐃᐱᖕᒥᐅᓪᓗ ᐱᓕᕆᖃᑎᒋᖕᓂᖏᓐᓂ ᑲᑎᒪᔨᕐᔪᐊᖏᑦ ᐅᓇᓕᑦ ᐊᓪᓚᐃᓪᓗ ᒐᕙᒪᖓᑕ
ᑲᓇᑕᒻᒥ ᑐᑭᓕᐅᕆᔨᑦ ᑐᓴᔨᓪᓗ ᑎᑎᕋᐅᓯᓕᕆᔨᑦ ᑲᑎᒪᔨᕐᔪᐊᖏ ᒥᐅᑲᒻ ᕕᓕᐊᒻᔅ, ᐃᒃᓯᕙᐅᑕᐅᖃᑕᐅᔪᖅ ᖃᐅᔨᓴᖅᑎᒪᕆᖕᓂ	2018/05/03	101
ᑯᐃᓐ ᓄᓇᖓᑕ ᒪᓕᒐᓕᐅᕐᕕᖓ ᐳᕋᓐᕕᓐ ᐳᕆᑦᑎ, ᐊᕿᒃᓱᐃᔨ, ᐅᓂᑉᑲᖅᑐᓕᕆᔨ ᕈᑦ ᑲᓐᓇᓕ, ᑐᓴᕈᑎᓕᕆᔨᑦ ᐃᓱᒪᑕᖓᑦ Lᓕᓐᑕ ᐅᐊᑕᓐ, ᐃᓱᒪᑕᖓᑦ ᑐᓴᐅᒪᑎᑦᑎᔨᑦ ᐱᖁᑎᓕᕆᔨᓪᓗ
ᐅᑭᐅᖅᑕᖅᑐᒻᒥ ᒪᓕᒐᓕᐅᕐᕕᒃ ᒪᐃᑯᓪ ᑕᑕᒻ, ᑎᑎᕋᖅᑎᖓ ᒪᓕᒐᓕᐅᕐᕕᐅᑉ	2018/05/23	104

ᓇᓗᐃᓇᐃᑯᑕᖓ B ᓇᐃᓕᒋᐊᖅᓯᒪᔪᑦ ᑎᑎᖃᑦ

ᑎᒥᐅᔪᑦ ᐊᒻᒪ ᐃᓄᒥᐊᑦ

ᒪᓕᒐᓕᐅᕐᕕᖓ ᑯᐃᐱᒃ

ᑎᑎᖃᖏᑦ ᑲᑎᒪᓐᓂᑯᓚᐅᖅᑐᑦ ᑲᔪᓯᓂᖓᑕ

ᐊᔾᔨᖓ ᑎᑎᕋᖅᓯᒪᔪᖅ ᑲᑎᒪᓂᑯᑦ ᑲᔪᓯᔭᕆᐊᖃᖅᑐᑦ (ᑲᑎᒪᓂᑦ ᓇᓴᐅᑎᖏᑦ 93, 94, 95, 96, 97, 99, 100, 101, 102, 104, 105, 108 ᐊᒻᒪ 116) ᑎᑎᕋᖅᓯᒪᕗᑦ.

ᐅᐱᒍᓱᒃᖢᓐᓂ ᑐᓂᓯᕗᖅ,

ᐅᐱᓐᓇᖅᑐᖅ ᓕᐊᕆ ᐸᒡᓂᐅᓪ, C.P., député,

ᐃᒃᓯᕙᐅᑕᐅᔪᖅ